ខេត្តព្រះសីហនុ ៖ នៅសណ្ឋាគារខ្សាច់មាស នាព្រឹកថ្ងៃទី៨ សីហា មានការបើកសិក្ខាសាលាមួយ រយៈពេល៣ថ្ងៃ គឺចាប់ពីថ្ងៃទី៨ ដល់ថ្ងៃទី១០ សីហា ស្តីពីផែនការយុទ្ធសាស្ត្រភាពជាអ្នកដឹកនាំ និងគ្រប់គ្រង TVET ដែលរៀបចំឡើងដោយក្រសួងការងារ និងបណ្តុះបណ្តាលវិជ្ជាជីវៈ។ ពិធីនេះប្រព្រឹត្តទៅក្រោមអធិបតីភាព
ខេត្តព្រះសីហនុ ៖ នៅសណ្ឋាគារខ្សាច់មាស នាព្រឹកថ្ងៃទី៨ សីហា មានការបើកសិក្ខាសាលាមួយ រយៈពេល៣ថ្ងៃ គឺចាប់ពីថ្ងៃទី៨ ដល់ថ្ងៃទី១០ សីហា ស្តីពីផែនការយុទ្ធសាស្ត្រភាពជាអ្នកដឹកនាំ និងគ្រប់គ្រង TVET ដែលរៀបចំឡើងដោយក្រសួងការងារ និងបណ្តុះបណ្តាលវិជ្ជាជីវៈ។ ពិធីនេះប្រព្រឹត្តទៅក្រោមអធិបតីភាពលោកបណ្ឌិតពេជ សោភ័ន រដ្ឋលេខាធិការក្រសួងការងារ និងបណ្តុះបណ្តាលវិជ្ជាជីវៈ លោក Dr. SRIMRAN BHAGUT MATE ប្រធានក្រុមជំនាញគម្រោង មន្ត្រីគ្រប់គ្រងថ្នាក់កណ្តាលនៃក្រសួងការងារ ប្រធាន អនុប្រធានមន្ទីរ នាយក នាយិកា នាយិការង នៃនាយកដ្ឋានបណ្តុះបណ្តាលរាជធានី-ខេត្ត មន្ត្រីគម្រោង នាយកដ្ឋានស្តង់ដា និងសុវត្ថិភាព នាយកដ្ឋានព័ត៌មានវិទ្យាការងារ មន្ត្រីគម្រោងក្រសួង សេដ្ឋកិច្ចហិរញ្ញវត្ថុ ជំនាញការថ្នាក់ជាតិ និងថ្នាក់អន្តរជាតិ មន្ត្រីដៃគូគម្រោង និងអ្នកសម្របសម្រួលជាច្រើន។
លោក Dr. SRIMRAN BHAGUT MATE ប្រធានក្រុមជំនាញគម្រោងបានចាប់អារម្មណ៍ដោយថ្លែងអំណរគុណដល់សិក្ខាកាមទាំងអស់ដែលបានចូលរួម និងធ្វើបទបង្ហាញខ្លីៗពាក់ព័ន្ធទៅនឹងផែនការយុទ្ធសាស្ត្រភាពជាអ្នកដឹកនាំ និងគ្រប់គ្រង TVET ។
ថ្លែងក្នុងឱកាសនោះ លោកបណ្ឌិតពេជ សោភ័ន រដ្ឋលេខាធិការក្រសួងការងារ និងបណ្តុះបណ្តាលវិជ្ជាជីវៈ បានផ្តល់អនុសាសន៍ល្អៗ និងបានណែនាំឱ្យមន្ត្រីពាក់ព័ន្ធឯកសារសកម្មភាពគម្រោងឆ្នាំថ្មី ដោយទទួលខុសត្រូវតាមអង្គភាពពិសេសពិភាក្សាឱ្យបានស៊ីជម្រៅ លើប្រធានបទរួម ហើយប្រធានមន្ទីរអង្គភាពត្រូវស្វែងយល់ពីទស្សនៈ ទ្រឹស្តី គោលការណ៍ជាមូលដ្ឋាន។ លោកបណ្ឌិតបានថ្លែងបន្តថា វិស័យ TVET ទទួលបានជោគជ័យកន្លងមកដោយសារការជួយជ្រោមជ្រែង និងផ្តល់ជំនួយឥតសំណងពីធនាគារ ADB ដើម្បីប្រកួតប្រជែងទីផ្សារសេរី ក្រសួងមានសាលាល្អៗជាង៣០ ដែលមានលក្ខណៈវិនិច្ឆ័យខ្ពស់ ដើម្បីឱ្យពិន្ទុធានាបាននូវគុណភាព ។
លោកបណ្ឌិតរដ្ឋលេខាធិការក្រសួងការងារ និងបណ្តុះបណ្តាលវិជ្ជាជីវៈបានថ្លែងដោយសង្កត់ធ្ងន់ថា TVET បានបម្រើផលប្រយោជន៍ជាច្រើនដល់ពលករក្នុងការរកប្រាក់ចំណូលសម្រាប់ពួកគេ ក៏ដូចជាសម្រាប់ប្រទេសជាតិ។ លោកសង្ឃឹមថា ក្រោយពីបញ្ចប់អង្គសិក្ខាសាលានេះសិក្ខាកាមទាំងអស់ នឹងយល់កាន់តែច្បាស់ពីប្រព័ន្ធ TVET ហើយមានយន្តការល្អៗក្នុងភាពជាអ្នកដឹកនាំ និងការគ្រប់គ្រងឱ្យមានគុណភាព ៕
ចែករំលែកព័តមាននេះ