សង្គ្រាមអ៉ីរ៉ង់ ៖ ប្រធានាធិបតីអាមេរិក លោកដូណាល់ត្រាំ ក្នុងសារមួយតាមបណ្ដាញសង្គម TRUTH SOCIAL របស់លោក បានគំរាមថា ការហ៊ុមព័ទ្ធផ្លូវទឹកប្រឆាំងអ៉ីរ៉ង់នឹងលុបចោលតែក្នុងករណីមានកិច្ចព្រមព្រៀងមួយ ឬការសុំចុះចាញ់ទាំងស្រុងរបស់ប្រទេសនេះ ។
លោកត្រាំក៏រំឭកដែរថា ការចរចាត្រូវបានធ្វើឡើងវិញ រវាងអាមេរិក និងអ៉ីរ៉ង់ តែក្រុងតេហេរ៉ង់បានបដិសេធន៍ ។ លោកត្រាំ ក៏អះអាងផងដែរថា ច្រកសមុទ្រហ័រមូស ត្រួតត្រាទាំងស្រុងដោយកងម៉ារីនអាមេរិក និងថា គ្មាននាវាណាមួយបើកឆ្ពោះទៅអ៉ីរ៉ង់ឡើយ ហើយការហ៊ុមព័ទ្ធនោះអាចលុបចោល ទាល់តែមានកិច្ចព្រមព្រៀងមួយ ឬការសុំចុះចាញ់ទាំងស្រុង ។ អ្នកនាំពាក្យក្រសួងការបរទេសអ៉ីរ៉ង់ឲ្យដឹង កាលពីថ្ងៃទី៣ សីហា ថា អ៉ីរ៉ង់មិនចរចាជាមួយអាមេរិកឡើយនាពេលនេះ តែកំពុងចរចាជាមួយអូម៉ង់ ដើម្បីការពារសន្តិសុខការធ្វើនាវាចរណ៍កាត់ច្រកសមុទ្រហ័រមូស។
មុននេះ លោកត្រាំពិតជាចង់យកឈ្នះលើអ៉ីរ៉ង់ដោយថា សកម្មភាពយោធាអាមេរិកត្រូវបន្តមួយរយៈពេលទៀត ។ អាមេរិកនឹងវាយប្រហារអ៉ីរ៉ង់ខ្លាំងក្លាថែមទៀត រហូតដល់ប្រទេសនេះ ធ្វើអីលែងកើត ។ លោកថា អ៉ីរ៉ង់នឹងបន្តបង់តម្លៃខ្ពស់ រហូតដល់សុខចិត្តអង្គុយនៅតុចរចា ៕
ចែករំលែកព័តមាននេះ