សោកស្តាយ! អគ្គិភ័យឆេះផ្ទះ១ខ្នង អស់ទាំងស្រុង តាមមាត់ប្រឡាយអូរវែង នៅគីឡូម៉ែត្រលេខ៦
- ភ្នំពេញ
រាជធានីភ្នំពេញ ៖ ផ្ទៈធ្វើអំពីឈើប្រក់សង្កសី១ខ្នងនៅតាមមាត់ប្រឡាយ អូរវែង ក្នុង ភូមិក្រោលគោ សង្កាត់គីឡូម៉ែត្រលេខ៦ ខណ្ឌឬស្សីកែវ រាជធានីភ្នំពេញត្រូវបានអគ្គិភ័យឆាបឆេះយ៉ាងសន្ធោសន្ធៅបណ្តាលអោយរងការខូចខាតទាំងស្រុង។
ហេតុការណ៍នេះបានកើតឡើងនៅវេលាម៉ោង១១និង៣៥នាទីថ្ងៃត្រង់ ថ្ងៃអាទិត្យ ទី២៦ ខែកក្កដា ឆ្នាំ២០២៦នេះ។បន្ទាប់ពីមានករណីអគ្គិភ័យ លោក ជិន ប៊ុនធឿន អភិបាលខណ្ឌឫស្សីកែវ បានបញ្ជារកំលាំងគណៈបញ្ជាការឯកភាពខណ្ឌចុះទៅ សហការជាមួយការិយាល័យបង្ការ ពន្លត់អគ្គិភ័យនិងសង្គ្រោះនៃស្នងការនគរបាលរាជធានីភ្នំពេញ បានចេញ
អន្តរាគមន៍បាញ់ពន្លត់។
តាមព័ត៌មានបានឲ្យដឹងថា នៅមុនពេលកើតហេតុម្ចាស់ផ្ទះបានចាកចេញទៅក្រៅសល់ តែក្មួយនៅក្នុងផ្ទះស្រាប់តែភ្លើងបានឆាប់ឆេះយ៉ាងសន្ធោសន្ធៅបង្គឲ្យមានការភ្ញាក់ផ្អើលដល់ប្រជាពលរដ្ឋនៅក្បែរខាងជួយពន្លត់និងទាក់ទងហៅរថយន្តពន្លត់អគ្គិ ភ័យជាច្រើនគ្រឿងទៅអន្តរាគមន៍បាញ់ពន្លត់។
តាមនគរបាលការិយាល័យបង្ការ ពន្លត់អគ្គិភ័យ និងសង្គ្រោះនៃស្នងការនគរបាលរាជធានីភ្នំពេញបានអោយដឹងថា នៅក្នុងហេតុការណ៍នេះរថយន្តពន្លត់អគ្គិភ័យចំនួន ៧គ្រឿងបានទៅអន្តរាគមន៍បាញ់ពន្លត់ក្នុងនោះរថយន្តការិយាល័យ ចំនួន ៥គ្រឿងប្រេីប្រាស់ទឹកអស់ចំនួន៣ឡានស្មើរនឹង១៨ម៉ែត្រគូប ,រថយន្តសាលាខណ្ឌឬស្សីកែវ១គ្រឿងប្រើប្រាស់ទឹកអស់១ឡានស្មើរ៨ម៉ែត្រគូបនិង រថយន្តរបស់ក្រុមហ៊ុនហ្គេនស្បើតចំនួន១គ្រឿងប្រើប្រាស់ទីកអស់១ឡានស្មើរ៤ម៉ែត្រគូបហើយភ្លើងបានរលត់
នៅម៉ោង ១២នឹង០៥នាទីរសៀលនាថ្ងៃខែ ឆ្នាំដដែល ។
តាមនគរបាលអោយដឹងទៀតថា អគ្គិភ័យនេះបណ្តាលអោយផ្ទះចំនួន១ខ្នងធ្វើ ពីឈើប្រកសង្ក័សី៍ ទំហំ ៤ម៉ែត្រគុណ១៥ម៉ែត្រ រួមទាំងសម្ភារៈមួយចំនួន ត្រូវភ្លើងឆាបឆេះរងការខូចខាតទាំងស្រុង តែពុំ បណ្តាលឆេះរាលដាលទៅផ្ទៈក្បែរខាងឡើយ។
តាមនគរបាលបានអោយដឹងទៀតថា អគ្គិភ័យនេះបណ្តាលមកពីឆ្លងចរន្តអគ្គិសនី៕
ចែករំលែកព័តមាននេះ