សង្គ្រាមអ៊ុយក្រែន ៖ អ៊ុយក្រែនបានវាយប្រហារដោយទៀងទាត់ ក្នុងសមុទ្រ AZOV ហើយរុស្ស៊ីថ្លែង កាលពីថ្ងៃទី១៤ កក្កដា ថា ពិនិត្យរកផ្លូវដឹកជញ្ជូនផ្សេងៗទៀតដែលអាចកាត់បន្ថយការដឹកជញ្ជូនតាមសមុទ្រនោះ ។
កងទ័ពអ៊ុយក្រែនគូសបញ្ជាក់ថា បានវាយប្រហារលើនាវាជាង១០០គ្រឿង រយៈពេល៩ថ្ងៃចុងក្រោយនេះ ក្នុងនោះ វាយប្រហារនាវា១១គ្រឿង កាលពីយប់ថ្ងៃទី១៣ មក ១៤ កក្កដា ។ សមុទ្រAZOV ស្ថិតនៅចន្លោះរុស្ស៊ី និងផ្នែកខាងត្បូងអ៊ុយក្រែនកាន់កាប់ដោយរុស្ស៊ី ព្រមទាំងតំបន់គ្រីមេ ។ សមុទ្រនេះ ជាផ្លូវដឹកជញ្ជូនសំខាន់សម្រាប់បណ្ដាផលិតផលកសិកម្ម ព្រមទាំងសម្រាប់ផ្កត់ផ្កង់តំបន់គ្រីមេ ។
រដ្ឋមន្ត្រីកសិកម្មរុស្ស៊ីអះអាងតាមតេឡេក្រាមថា សភាពការណ៍នៅសមុទ្រAZOVនឹងមិនមានឧប្បត្តិហេតុណាមួយឡើយ លើការផ្គត់ផ្គង់ទីផ្សារក្នុងស្រុក បណ្ដាផលិតផលស្បៀង ឬលើសមត្ថភាពនាំចេញរបស់ប្រទេសយើង ។ លោកបញ្ជាក់ថា ផ្លូវដទៃៗទៀតកំពុងតែរៀបចំសម្រាប់ធានាការផ្គត់ផ្គង់ផលិតផលកសិកម្ម ទៅកាន់តំបន់ផ្សេងៗរបស់រុស្ស៊ី ។ ចំណែករដ្ឋមន្ត្រីដឹកជញ្ជូន
រុស្ស៊ីក៏អះអាងតាមតេឡេក្រាមដែរថា បណ្ដាវិធានការចាំបាច់ត្រូវបានចាត់ដើម្បីធានាដល់ការផ្កត់ផ្គង់ភស្ដុភារដោយសារការវាយប្រហារកាន់តែញឹកញាប់របស់សត្រូវប្រឆាំងបណ្ដានាវាស៊ីវិលក្នុងសមុទ្រ AZOV ។
កាលពីថ្ងៃទី១៤ កក្កដា មេបញ្ជាការកងកម្លាំងដ្រូនអ៊ុយក្រែន លោករ៉ូប៊ែតប្រូវឌីគូសបញ្ជាក់ថា រយៈពេលតែ៩ថ្ងៃនាវា១១៦គ្រឿងរងការវាយប្រហារ ៕
ចែករំលែកព័តមាននេះ