សង្គ្រាមអ៉ីរ៉ង់ ៖ កាលពីថ្ងៃទី១៤ កក្កដា អ៉ីរ៉ង់វាយប្រហារនាវា២គ្រឿងក្នុងច្រកសមុទ្រហ័រមូស បណ្ដាលឲ្យស្លាប់នាវិកម្នាក់ និងរបួស៨នាក់ ខណៈអាមេរិកបានដាក់ការហ៊ុមព័ទ្ធវិញ បណ្ដាកំពង់ផែអ៉ីរ៉ង់ ហើយលោកដូណាល់ត្រាំអះអាងថា អាមេរិកនឹងត្រួតត្រាច្រកសមុទ្រនោះ ។
កងទ័ពអាមេរិក ក៏បានវាយប្រហារទីក្រុងកំពង់ផែអ៉ីរ៉ង់BOUCHEHR ដែលមានមជ្ឈមណ្ឌលនុយក្លេអ៊ែរស៊ីវិលតែមួយគត់របស់
អ៉ីរ៉ង់។ អភិបាលរងខេត្តនោះ លោកអេសាន់ហ្សាហានីយ៉ាន់ថ្លែងថា ចំណុច៤នៃទីក្រុងនោះរងការវាយប្រហារដោយមីស៊ីល
អាមេរិក ។ ពុំទាន់មានសេចក្ដីរាយការណ៍ពីការខូចខាតក្នុងមជ្ឈមណ្ឌលនុយក្លេអ៊ែរស៊ីវិលនោះនៅឡើយ ។
ការវាយប្រហារដទៃៗទៀតរបស់អាមេរិកសំដៅទីក្រុងអាបាដាន់ដែលមានរោងចក្រចម្រាញ់ប្រេងកាតចំណាស់ជាងគេបំផុតនៅមជ្ឈឹមបូព៌ា ព្រមទាំងទីក្រុងកំពង់ផែMAHSHAHR ។ ស្នូរផ្ទុះខ្លាំងៗក៏លាន់ឮនៅខាងលិចក្រុងបានដាអាប់បាស់ ជិតច្រក
សមុទ្រហ័រមូស។ នេះបើតាមទូរទស្សន៍រដ្ឋអ៉ីរ់ង់ ។
ប្រទេសអេមីរ៉ាត់អារ៉ាប់រួម ក៏ជាគោលដៅវាយប្រហារច្រើនលើកពីសំណាក់អ៉ីរ៉ង់ដែរ ។ នាវាដឹកប្រេង២គ្រឿងត្រូវគ្រាប់មីស៊ីល
អ៉ីរ៉ង់។ ប្រធានាធិបតីអាមេរិកលោកដូណាល់ត្រាំ ថ្លែងតាមបណ្ដាញសង្កម TRUTH SOCIALថា អាមេរិកត្រួតត្រាច្រកសមុទ្រហ័រមូសហើយលោកលើកពីការយកពន្ធ២០% លើថ្លៃបណ្ដាទំនិញដឹកឆ្លងកាត់ច្រកសមុទ្រនេះ ។ លោកអះអាងថា នោះជាការបង់ថ្លៃការពារសន្តិសុខរបស់អាមេរិកដែលដកយក២០%នៃតម្លៃរាល់ទំនិញដឹកឆ្លងកាត់ច្រកសមុទ្រនេះ ។
អ៉ីរ៉ង់ប្រកាសកាលពីថ្ងៃទី១២ កក្កដា ថា ខ្លួនបិទជាថ្មីច្រកសមុទ្រហ័រមូស ។ កាលពីថ្ងៃទី១៣ កក្កដា ការវាយប្រហាររបស់អាមេ
រិកក្នុងខេត្តអ័រមូសហ្គាន់សម្លាប់បណ្ដាសមាជិកគ្រួសាររបស់ឆ្មាំការពារព្រៃឈើម្នាក់ ក្នុងនោះ មានកូនប្រុស២នាក់និងកូនប្រសាស្រីម្នាក់។ ចំណែកអ្នកទទួលខុសត្រូវម្នាក់នៃខេត្តដខួរហ្ស៊ីស្ថានអះអាងពីការស្លាប់មនុស្ស២នាក់ និងរបួស៣នាក់ ក្នុងការវាយប្រហាររបស់អាមេរិក។
ប្រទេសបារ៉ែនគូសបញ្ជាក់់ថា ប្រព័ន្ធការពារអាកាសរបស់ខ្លួនបានស្ទាក់កម្ទេចមីស៊ីលច្រើនគ្រាប់ បាញ់ចេញដោយអ៉ីរ៉ង់ កាលពីព្រឹកថ្ងៃទី១៤ កក្កដា ។ ប៉ុន្តែស្នូរផ្ទុះលាន់ឮនៅក្នុងរដ្ឋធានីបារ៉ែនក្រុងម៉ាណាម៉ា ។ កងឆ្មាំបដិវត្តន៍អ៉ីរ៉ង់អះអាងថា បានវាយប្រហារដោយមីស៊ីល និងដ្រូនប្រឆាំងប្រទេសនេះ ។
អ្នកនាំពាក្យកងទ័ពអ៉ីរ៉ង់ថ្លែងថា អ៉ីរ៉ង់ទោះក្នុងកាលៈទេសៈណាក៏ដោយ មិនអនុញ្ញាតឲ្យសហរដ្ឋអាមេរិក ជ្រៀតជ្រែកក្នុងការគ្រប់គ្រងច្រកសមុទ្រហ័រមូសឡើយ និងបានព្រមានបណ្ដារដ្ឋនៅឈូងសមុទ្រពែរ្ស៍៍ថា រាល់កិច្ចសហការរបស់ពួកគេជាមួយអាមេរិក នឹងចាត់ទុកថា ជាអំពើសង្គ្រាមមួយ។ អ្នកនាំពាក្យយោធាអ៉ីរ៉ង់ថ្លែងថា ការបើកច្រកហ័រមូសឡើងវិញ អាស្រ័យលើការគោរពច្បាប់របស់អ៉ីរ៉ង់ និងថារាល់ការប៉ុនប៉ងចង់គ្រប់គ្រងច្រកសមុទ្រនេះ ដោយកម្លាំងនឹងវាយឲ្យបរាជ័យ។
ម្យ៉ាងទៀតអ៉ីរ៉ង់គូសបញ្ជាក់ថា បាននាំប្រេងចេញ៨០លានធុងរយៈពេល២៦ថ្ងៃចុងក្រោយនេះ ទោះបីអាមេរិកហាមឃាត់វិញការនាំប្រេងចេញរបស់ប្រទេសនេះក្ដី ។ រដ្ឋមន្ត្រីប្រេងអ៉ីរ៉ង់លោកម៉ូហ៍សេនប៉ាក់នឺហ្សាដ អះអាងតាមតេឡេក្រាមថា បណ្ដាយន្តការត្រូវបានរៀបចំ រយៈពេលប៉ុន្មានឆ្នាំចុងក្រោយនេះ ដើម្បីទប់ទល់ផលប៉ះពាល់ដោយទណ្ឌកម្មអាមេរិកនិងថា ការនាំចេញប្រេងមិនជួបការលំបាកឡើយ ។ ពិតមែនហើយក្រៅពិផ្លុវទឹកអ៉ីរ៉ង់មានព្រំដែនគោកជាប់ជាមួយប៉ាគីស្ថាន អាហ្វហ្គានីស្ថាននិងប្រទេសដទៃទៀត ។ ដូច្នេះ ការដឹកប្រេងចេញរបស់អ៉ីរ៉ង់អាចធ្វើកាត់ប្រទេសទាំងនោះ ៕
ចែករំលែកព័តមាននេះ