ស្រុកស្រែអំបិល ៖ អាជ្ញាធរចុះពិនិត្យស្ថានភាពទឹកជំនន់ដែលប៉ះពាល់ពលរដ្ឋជាង១២០គ្រួសារ និងជួយសង្គ្រោះភ្ញៀវទេសចរជាប់គាំង៤៦នាក់ ទៅកាន់ទីទួលសុវត្ថិភាព ។
ជាក់ស្តែងអធិការដ្ឋាន ន.ប ស្រុកស្រែអំបិល បានប្រកាសនាថ្ងៃទី១៤ ខែកក្កដានេះថា ៖ លោកវរសេនីយ៍ទោ ដូង វណ្ណា អធិការនគរបាលស្រុកស្រែអំបិល បានបញ្ជាកម្លាំងអន្តរាគមន៍ពិសេស សហការជាមួយប៉ុស្តិ៍រដ្ឋបាលដងពែង ចូលរួមជាមួយគណៈបញ្ជាការឯកភាពរដ្ឋបាលស្រុក ដឹកនាំដោយលោក ជា ចន្ទ័កញ្ញា អភិបាលស្រុក និងជាប្រធានគណៈបញ្ជាការឯកភាពបានចុះពិនិត្យស្ថានភាពទឹកជំនន់ និងសួរសុខទុក្ខសំណេះសំណាលប្រជាពលរដ្ឋ ដែលរងការប៉ះពាល់ដោយទឹកជន់លិច ដំណាំ ស្រូវ លំនៅឋាន នៅក្នុងភូមិព្រះអង្គកែវ និងភូមិបាក់អង្រុតចំនួន១២៧ គ្រួសារ ។
ក្នុងនោះក្រុមទេសចរណ៍ ដែលត្រូវបានជាប់គាំងដោយទឹកជំនន់លិចផូវ ក៏ត្រូវបានកម្លាំងអន្តរាគមន៍ពិសេស ជួយសម្រួលចម្លងពួកគាត់បានចំនួន៤៦នាក់ ស្រី ១១នាក់ ឡើងដល់ទីទួលសុវត្ថិភាព និងធ្វើដំណើរទៅគេហដ្ឋានវិញហើយ ៕
ចែករំលែកព័តមាននេះ