សុខភាព៖ យោងតាមការចុះផ្សាយពីប្រភពបរទេស អ្នកជំនាញណែនាំថា ការប្រើ ដបទឹករក្សាកម្ដៅ មិនត្រឹមតែត្រូវជ្រើសរើសប្រភេទដែកអ៊ីណុក 304 ឬ 316 និងសម្អាតជាប្រចាំប៉ុណ្ណោះទេ ប៉ុន្តែថែមទាំងត្រូវជៀសវាងដាក់ ភេសជ្ជៈ ៥ ប្រភេទ រួមមាន៖ ទឹកដោះគោ, ថ្នាំបុរាណ ឬរុក្ខជាតិឱសថ, ភេសជ្ជៈមានជាតិអាស៊ីត (ទឹកផ្លែឈើ/សូដា), ទឹកអំបិល និងតែ (ជាពិសេសតែចត់ខ្លាំងពេក) ព្រោះអាចបង្កប្រតិកម្មគីមី ឬជំរុញការលូតលាស់របស់បាក់តេរី ធ្វើឱ្យបាត់បង់គុណភាពភេសជ្ជៈ និងអាចប៉ះពាល់ដល់សុខភាព។
អ្នកជំនាញក៏ណែនាំកុំទុកទឹកក្នុងដបលើស ២៤ ម៉ោង និងប្តូរដបថ្មី ប្រសិនបើមានស្នាមច្រេះ ប្រេះ ឬបាត់បង់សមត្ថភាពរក្សាកម្ដៅ៕
ចែករំលែកព័តមាននេះ