សង្គ្រាមអ៊ុយក្រែន ៖ អភិបាលតំបន់ក្រុងមូស្គូ លោកអានដ្រេវ៉ូរ៉ូប៊ីយ៉ូវអះអាង នាថ្ងៃទី១៣ កក្កដា ថា តំបន់ក្រុងមូស្គូរងការវាយប្រហារដោយដ្រូនអ៊ុយក្រែន បណ្ដាលឲ្យមនុស្សស្លាប់យ៉ាងតិច៣នាក់ និងរបួស៥នាក់ ។
តាមតេឡេក្រាម អភិបាលរូបនោះសរសេរថា នៅមូលដ្ឋានពីយ៉ូន័រស្គីក្រុងអ៊ីស្ត្រាមនុស្ស៣នាក់ត្រូវស្លាប់ និង៣នាក់ទៀតរងរបួស ដោយសារដ្រូន១គ្រឿង ។ នៅសូលនេកណូហ្គ័រស្ក៍មនុស្ស២នាក់រងរបួស ក្រោយអគាររស់នៅមួយរងការវាយប្រហារដោយដ្រូនមួយគ្រឿង ។ អភិបាលតំបន់រូបនោះបន្តថា ដ្រូន៨១គ្រឿងត្រូវបាញ់ទម្លាក្នុ់ងតំបន់នោះនាពេលយប់។ នៅភាគនិរតី
រុស្ស៊ីអភិបាលតំបន់ស្តាវរ៉ូប៉ូលរៀបរាប់ពីការវាយប្រហារមួយរបស់ដ្រូនសត្រូវ បណ្ដាលឲ្យមានភ្លើងឆាបឆេះ នៅតំបន់ឧស្សាហកម្មនៃភូមិវីយ៉ានីតស្គីស្រុកស្ប៉ាកូវស្គី តែមិនបណ្ដាលឲ្យមានជនរងគ្រោះឡើយ។
រយៈពេលចុងក្រោយនេះ អ៊ុយក្រែនបានបង្កើនការវាយប្រហារប្រឆាំងរុស្ស៊ីសំដៅ ជាពិសេស បណ្ដាហេដ្ឋារចនាសម្ព័ន្ធថាមពល ប៉ុនប៉ងកាត់បន្ថយសមត្ថភាពរបស់កក្រុងមូស្គូ ក្នុងការផ្គត់ផ្គង់សង្គ្រាម។ ចំណែករុស្ស៊ីវិញ បន្តវាយប្រហាររាល់ថ្ងៃលើអ៊ុយ
ក្រែន។
ប្រឈមមុខនឹងការខ្វះខាតប្រេងឥន្ធនៈប្រើប្រាស់ ដោយសារការវាយប្រហាររបស់អ៊ុយក្រែន លើបណ្ដារោងចក្រចម្រាញ់ប្រេងកាតនិងទីតាំងថាមពល តំបន់ជាច្រើនរបស់រុស្ស៊ីបានលើកទឹកចិត្តឲ្យធ្វើការតាមអនឡាញ ៕
ចែករំលែកព័តមាននេះ