​ទីក្រុងវៀងចន្ទន៍៖ អាជ្ញាធរឡាវបានរឹបអូសផលិតផលសត្វព្រៃខុសច្បាប់សង្ស័យជាង ​១១០គីឡូក្រាម​ និងចាប់ខ្លួនជនសង្ស័យជាជនជាតិចិនម្នាក់ ក្នុងប្រតិបត្តិការបង្ក្រាបការជួញដូរសត្វព្រៃខុសច្បាប់ នៅខេត្តហ្លួងព្រះបាង។ វត្ថុតាងដែលរឹបអូសបានរួមមានស្នែងរមាស ភ្លុកដំរី ស្រកាពង្រូល ប្រមាត់ខ្លាឃ្មុំ ម្សៅស្បែកដំរី ឱសថបុរាណសង្ស័យមានសារធាតុផ្សំពីសត្វព្រៃ និងម៉ាស៊ីនកែច្នៃផលិតផលសត្វព្រៃជាច្រើន។ នេះបើយោងតាមការចុះផ្សាយរបស់សារព័ត៌មាន The Laotian Times នៅថ្ងៃទី៣ ខែកក្កដានេះ។

ប្រតិបត្តិការនេះធ្វើឡើងបន្ទាប់ពីអាជ្ញាធរឡាវទើបតែរឹបអូសផលិតផលសត្វព្រៃជាង ​៦០គីឡូក្រាម​ កាលពីពាក់កណ្តាលខែមិថុនា និងស្ទាក់ចាប់សត្វព្រៃរស់ ​២៩៤ក្បាល​ នៅខេត្តចម្ប៉ាសាក់ ដែលបង្ហាញពីការបន្តពង្រឹងការបង្ក្រាបបណ្តាញជួញដូរសត្វព្រៃខុសច្បាប់នៅទូទាំងប្រទេស៕

​​​