មិនដឹងមានរឿងអី! កូនប្រសារកា.ប់ម្តាយក្មេកពិការអង្គុយលើរទេះ របួ.សធ្ងន់
- កំពង់ស្ពឺ
ខេត្តកំពង់ស្ពឺ៖ បុរសជាកូនប្រសារម្នាក់ត្រូវបាន កម្លាំងកងរាវុធហត្ថស្រុកថ្ពងធ្វើការឃាត់ខ្លួន ក្រោយពីបុរសជាកូនប្រសាររូបនោះទាញកាំបិតផ្គាក់កាប់ទៅលើម្ដាយក្មេកបណ្តាលឱ្យរងរបួសធ្ងន់ធ្ងរ មិនទាន់ដឹងពីមូលហេតុច្បាស់លាស់ ។
មន្ត្រីអាវុធហត្ថខេត្តកំពង់ស្ពឺបាននិយាយ នៅមុនពេលឃាត់ខ្លួនបុរសជាកូនប្រសារចិត្តខ្មៅខាងលើនេះ នៅវេលាម៉ោង៤និង៣៥នាទីរសៀលថ្ងៃទី២ ខែកក្កដា ឆ្នាំ២០២៦ កម្លាំងមូលដ្ឋានកងរាជអាវុធហត្ថស្រុកថ្ពង បានទទួលពាក្យបណ្តឹងហតឡាញHotline លេខ(១២៩២ )ពីឈ្មោះនៅ នី ភេទប្រុស អាយុ៦១ឆ្នាំ (ជាមេភូមិ) ភូមិតាំងសំរោង ឃុំអមលាំង ស្រុកថ្ពង ខេត្តកំពង់ស្ពឺ ប្តឹងស្តីពីករណីការប្រើប្រាស់អំពើហិង្សាក្នុងគ្រួសានឹងប៉ុនប៉ងសម្លាប់(លើម្តាយក្មេក ជាជនពិការ) ។ ក្រោយពីទទួលបានព័ត៌មានខាងលើ ភ្លាមៗនោះកម្លាំងមូលដ្ឋាន កងរាជអាវុធហត្ថស្រុកថ្ពង បានចុះទៅកន្លែងកើតហេតុបានធ្វើការឃាត់ខ្លួនជនបង្ក មានឈ្មោះ ហួត សៅលាង ភេទប្រុស អាយុ៣០ឆ្នាំ បុខរបរមិនពិតប្រាកដ រស់នៅភូមិតាំងសំរោង ឃុំអមលាំង ស្រុកថ្ពង ខេត្តកំពង់ស្ពឺ ដែលបានកាប់ទៅលើម្ដាយក្មេកចំថ្គាម១កាំបិត និងចំកញ្ចឹងក១កាំបិតជនរងគ្រោះត្រូវបានបញ្ជូនទៅសង្គ្រោះព្យាបាលនៅមន្ទីរពេទ្យ។ ក្រោយឃាត់ខ្លួនបុរសជាកូនប្រសារ ដកហូតវត្ថុតាងរួមមានកាំបិតផ្គាក់១ដើម។
បើយោងតាមការលើកឡើងរបស់លោកមេភូមិតាំងសំរោងថា ស្ត្រីជាម្តាយក្មេកជាជនពិការ (ជិះលើរទេះ) មូលហេតុដែលកូនប្រសារកាប់ម្តាយក្មេកនោះមិនទាន់ដឹងមូលហេតុច្បាស់លាស់នៅឡើយនោះទេ។ ព្រោះតែកូនប្រសាររូបនោះទើបតែមកពីឃុំក្រាំងចេក ស្រុកសាមគ្គីមុនីជ័យ រស់នៅក្នុងភូមិតាំងសំរោង បានរយៈពេល២ទៅ៣ខែប៉ុណ្ណោះ ។ ស្ត្រីរងគ្រោះ មានម្តាយមួយកូនមួយ រស់នៅជាមួយគ្នា មិនដឹងមូលហេតុអ្វីច្បាស់លាស់ ស្រាប់តែកូនប្រសាររូបនោះ ទាញយកកាំបិតផ្គាក់កាប់លើម្តាយក្មេកចំនួន២កាំបិតបណ្តាលឱ្យរងរបួសធ្ងន់ធ្ងរតែម្តង។
បច្ចុប្បន្នកម្លាំងមូលដ្ឋានស្រុកថ្ពងបានកសាងសំណុំរឿងបញ្ជូនជនបង្ក រួមជាមួយនឹងវត្ថុតាងទៅបញ្ជាការដ្ឋានកងរាជអាវុធហត្ថខេត្តកំពង់ស្ពឺ ដើម្បីចាត់ការបន្តតាមផ្លូវច្បាប់៕
<<កំណត់សម្គាល់: រាល់ការបញ្ចេញមតិទៅលើអត្ថបទមិនមែនជាការទទួលខុសត្រូវរបស់កោះសន្តិភាពទេ។ វាជាការទទួលខុសត្រួវដោយផ្ទាល់របស់អ្នកបញ្ចេញមតិ។ ដូច្នេះ សូមមិត្តអ្នកអានទាំងអស់ ធ្វើការបញ្ចេញ មតិប្រកបដោយការទទួលខុសត្រូវ មានសីលធម៌ និង ប្រកបដោយន័យស្ថាបនា ហើយចៀសវាង ការបញ្ចេញមតិណាដែលមិនពិត ជេរប្រមាថ និង អុជអាល នាំដល់ការយល់ច្រឡំ ឬ ការរើសអើង ជាតិសាសន៍ សាសនា ឬក៏ បុគ្គលណាមួយ។>>
ចែករំលែកព័តមាននេះ