ក្តិបចោរ ៣នាក់ ចូលផ្ទះពលរដ្ឋប្រុងលួ.ចទ្រព្យសម្បត្តិ ម្ចាស់តេប្តឹងសមត្ថកិច្ចក្របួចជាប់
- កំពង់ស្ពឺ
ខេត្តកំពង់ស្ពឺ៖ ក្រុមជនសង្ស័យចំនួន៣នាក់ត្រូវបានកម្លាំងកងរាជអាវុធហត្ថស្រុកភ្នំស្រួចធ្វើការឃាត់ខ្លួន ក្រោយពីក្រុមជនសង្ស័យជាក្តឹបចោរខាងលើធ្វើសកម្មភាពចូលក្នុងផ្ទះប្រជាពលរដ្ឋប្រុងលួចទ្រព្យសម្បត្តិប៉ុន្តែម្ចាស់ដឹងទាន់ក៏ទូរស័ព្ទប្តឹងសមត្ថកិច្ចឱ្យជួយអន្តរាគមន៍ឃាត់បានតែម្ដង។
មន្ត្រីអាវុធហត្ថស្រុកភ្នំស្រួចបាននិយាយឱ្យដឹងថា នៅមុនពេលឃាត់ខ្លួនក្រុមជនសង្ស័យជាក្តឹបចោរខាងលើ នៅវេលាម៉ោង៩និង១០នាទីព្រឹក ថ្ងៃទី២ ខែកក្កដា ឆ្នាំ២០២៦ មានប្រជាពលរដ្ឋ ឈ្មោះ ទូច សំណាង ភេទប្រុស អាយុជាង៥០ឆ្នាំ បានទូរស័ព្ទ ទំនាក់ទំនង តាមរយៈលេខទូរស័ព្ទអន្តរាគមន៍សង្គ្រោះបន្ទាន់ (HoteLine)1292 បានរាយការណ៍ ថាមានករណី ក្រុមចោរចូលលួចទ្រព្យសម្បត្តិនៅក្នុងផ្ទះរបស់គាត់ ស្ថិតនៅក្នុងភូមិប្រសប់ជុំ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ ។
មន្ត្រីអាវុធហត្ថស្រុកភ្នំស្រួចបានបន្តទៀតថា ក្រោយពីទទួលបានពាក្យបណ្តឹងតាមទូរស័ព្ទរួចមក ភ្លាមៗនោះ កម្លាំងមូលដ្ឋានកងរាជអាវុធហត្ថស្រុកភ្នំស្រួច បានចុះទៅដល់ទីតាំងកេីតហេតុ និងបានធ្វើការឃាត់ខ្លួនជនសង្ស័យចំនួន៣នាក់÷ទី១-មានឈ្មោះ ម៉ៅ ហេងលាភ ភេទប្រុស អាយុ១៣ឆ្នាំ រស់នៅក្នុងភូមិប្រសប់ជុំ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ ទី២-ឈ្មោះ ម៉ាប់ រ៉ាពេជ្រ ភេទប្រុស អាយុ ១៤ឆ្នាំ រស់នៅក្នុងភូមិប្រសប់ជុំ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ និងទី៣-ឈ្មោះ ជិន សុវ៉ាត ភេទប្រុស អាយុ ២០ឆ្នាំ រស់នៅក្នុងភូមិប្រសប់ជុំ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ ។ ក្រោយឃាត់ខ្លួនក្រុម ជនសង្ស័យជំនាញបានធ្វើការដកហូតវត្ថុតាងរួមមាន÷
១-ទូរស័ព្ទដៃចំនួន៥រឿង
២-ម៉ូតូចំនួន ១គ្រឿង
៣-អត្តសញ្ញាណប័ណសញ្ជាតិខ្មែរ ចំនួន១សន្លឹកផងដែរ ។
មន្ត្រីអាវុធហត្ថស្រុកភ្នំស្រួចបានបញ្ជាក់ឱ្យដឹងថា ក្រោយឃាត់ខ្លួនក្រុមជនសង្ស័យ រួមជាមួយនឹងវត្ថុតាងបានបញ្ជូនទៅ បញ្ជាការដ្ឋានកងរាជអាវុធខេត្តកំពង់ស្ពឺ ដើម្បើកសាងសំណុំរឿងដើម្បីចាត់ការបន្តតាមផ្លូវច្បាប់៕
<<កំណត់សម្គាល់: រាល់ការបញ្ចេញមតិទៅលើអត្ថបទមិនមែនជាការទទួលខុសត្រូវរបស់កោះសន្តិភាពទេ។ វាជាការទទួលខុសត្រួវដោយផ្ទាល់របស់អ្នកបញ្ចេញមតិ។ ដូច្នេះ សូមមិត្តអ្នកអានទាំងអស់ ធ្វើការបញ្ចេញ មតិប្រកបដោយការទទួលខុសត្រូវ មានសីលធម៌ និង ប្រកបដោយន័យស្ថាបនា ហើយចៀសវាង ការបញ្ចេញមតិណាដែលមិនពិត ជេរប្រមាថ និង អុជអាល នាំដល់ការយល់ច្រឡំ ឬ ការរើសអើង ជាតិសាសន៍ សាសនា ឬក៏ បុគ្គលណាមួយ។>>
ចែករំលែកព័តមាននេះ