រាជធានីភ្នំពេញ ៖ លោក ជា ពិសី អភិបាល នៃគណៈអភិបាលខណ្ឌ និងជាប្រធានគណៈបញ្ជាការឯកភាពរដ្ឋបាលខណ្ឌទួលគោក នៅវេលាម៉ោង១៦:៣០នាទីល្ងាចថ្ងៃទី០២ ខែកក្កដា ឆ្នាំ២០២៦ លោកបានបញ្ជាឱ្យលោកឈាង វុទ្ធី អភិបាលរងខណ្ឌទួលគោក ដឹកនាំគណៈបញ្ជាការឯកភាពខណ្ឌទួលគោក ដោយបានការសម្របសម្រួលផ្លូវច្បាប់ពីលោកស្រី ភី ស៊ីថន ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ ចុះធ្វើរដ្ឋបាលត្រួតពិនិត្យតាមបន្ទប់ជួលដែលមានទីតាំងនៅពីលើផ្សារទំនើប ស៊ីធីហ័រលាន ស្ថិតនៅផ្ទះលេខ២៨A ផ្លូវលេខ១១៨ កែងផ្លូវលេខ២២៥ ភូមិ០៥ សង្កាត់ផ្សារដេប៉ូទី៣ ខណ្ឌទួលគោក រាជធានីភ្នំពេញ ។
ជាលទ្ធផល សមត្ថកិច្ចរកឃើញជនជាតិចិន ចំនួន០៤នាក់ ដែលពាក់ព័ន្ធនឹងប្រមូលផ្តុំស្នាក់នៅខុសច្បាប់ និងគ្មានលិខិតឆ្លងដែន ។
បច្ចុប្បន្ន ជនជាតិចិនទាំង០៤នាក់ ត្រូវបានឃាត់បណ្តោះអាសន្ន នៅអធិការដ្ឋាននគរបាលខណ្ឌទួលគោក ដើម្បីបំពេញបែបបទ និងបញ្ជូនទៅការិយាល័យអនុវត្តននិតិវិធី នៅស្នងការដ្ឋាននគរបាលរាជធានីភ្នំពេញ ៕
<<កំណត់សម្គាល់: រាល់ការបញ្ចេញមតិទៅលើអត្ថបទមិនមែនជាការទទួលខុសត្រូវរបស់កោះសន្តិភាពទេ។ វាជាការទទួលខុសត្រួវដោយផ្ទាល់របស់អ្នកបញ្ចេញមតិ។ ដូច្នេះ សូមមិត្តអ្នកអានទាំងអស់ ធ្វើការបញ្ចេញ មតិប្រកបដោយការទទួលខុសត្រូវ មានសីលធម៌ និង ប្រកបដោយន័យស្ថាបនា ហើយចៀសវាង ការបញ្ចេញមតិណាដែលមិនពិត ជេរប្រមាថ និង អុជអាល នាំដល់ការយល់ច្រឡំ ឬ ការរើសអើង ជាតិសាសន៍ សាសនា ឬក៏ បុគ្គលណាមួយ។>>
ចែករំលែកព័តមាននេះ