ខេត្តកំពង់ឆ្នាំង ៖ បុរសអ្នកបើកបរម្នាក់បានស្លា.ប់កៀបជាប់ក្នុងរថយន្ត និង៤នាក់ទៀតរងរបួសដោយសាររថយន្តបុកគ្នា២ករណីនៅលើផ្លូវ ជាតិលេខ៥ ចម្ងាយពីគ្នាប្រហែល២០គីឡូម៉ែត្រ ស្ថិតក្នុងស្រុករលាប្អៀរ ទឹកដីខេត្តកំពង់ឆ្នាំង វេលាម៉ោងជាង៥ភ្លឺថ្ងៃទី៧ សីហា ២០១១។
ខេត្តកំពង់ឆ្នាំង ៖ បុរសអ្នកបើកបរម្នាក់បានស្លាប់កៀបជាប់ក្នុងរថយន្ត និង៤នាក់ទៀតរងរបួសដោយសាររថយន្តបុកគ្នា២ករណីនៅលើផ្លូវជាតិលេខ៥ ចម្ងាយពីគ្នាប្រហែល២០គីឡូម៉ែត្រ ស្ថិតក្នុងស្រុករលាប្អៀរ ទឹកដីខេត្តកំពង់ឆ្នាំង វេលាម៉ោងជាង៥ភ្លឺថ្ងៃទី៧ សីហា ២០១១។
យោងតាមអ្នកឆ្លើយឆ្លងព័ត៌មានកោះសន្តិភាពប្រចាំខេត្តកំពង់ឆ្នាំងបានឱ្យដឹងថា ករណីទី១-រថយន្តកាមរីគូទហើម ពណ៌ស្ករ ពាក់ស្លាកលេខ 2A-0125 ដឹកជនជាតិចិនម្នាក់ អង្គុយខាងក្រោយធ្វើដំណើរពីភ្នំពេញទៅកាន់ខេត្តពោធិ៍សាត់ ពេលទៅដល់ទឹកដីឃុំពង្រ ស្រុករលាប្អៀរ ក៏បុកគ្នាជាមួយរថយន្តយីឌុប ពណ៌ត្រេអ៊ី បណ្តាលឱ្យស្លាប់អ្នកបើកបរកៀបជាប់ក្នុងរថយន្តមើលទៅគួរឱ្យរន្ធត់ ចំណែកជនជាតិចិនអង្គុយខាងក្រោយរងរបួសស្រាល។
ករណីទី២-រថយន្តនីស្សាន់២គ្រឿងបានសំចតបន្តកន្ទុយគ្នា ដើម្បីឱ្យអ្នកដំណើរចុះទៅបត់ជើងតូច ស្រាប់តែរថយន្តប្រភេទយីឌុបធ្វើដំណើរលឿនមកបុកពីក្រោយ បណ្តាលឱ្យរថយន្តនីស្សាន់២គ្រឿងនេះខ្ទាតទៅបុកគ្នាបន្តបន្ទាប់ទៀត គឺរថយន្តនីស្សាន់ខាងក្រោយរងការខូចខាតធ្ងន់ធ្ងរ មនុស្សរងរបួស២នាក់ រីឯរថយន្តនីស្សាន់ខាងមុខរងការខូចខាតតិចតួច ចំណែករថយន្តប្រភេទយីឌុបក្រពឹតមុខខ្លាំងគ្រាន់បើ និងអ្នកបើកបររងរបួស។ ហេតុការណ៍នេះបានកើតឡើងនៅភូមិចា ឃុំអណ្តូងស្នាយ ស្រុករលាប្អៀរ វេលាម៉ោងជាង៥ភ្លឺថ្ងៃទី៧ សីហា ២០១១ រថយន្តបង្កហេតុត្រូវយកទៅរក្សាទុកដើម្បីរង់ចាំការដោះស្រាយតាមនីតិវិធី៕
ចែករំលែកព័តមាននេះ