រាជធានីភ្នំពេញ ៖ តំណាងកម្ពុជាប្រចាំនៅអង្កការសហប្រជាជាតិ (UN) បានបញ្ជាក់ថា ជាថ្មីអំពីការប្ដេជ្ញាចិត្តរួមគ្នា ក្នុងការគោរពគោលបំណង និងគោលការណ៍ធម្មនុញ្ញUN ។
យោងតាមបណ្តាញសង្គមផ្លូវរបស់តំណាងអចិន្ត្រៃយ៍កម្ពុជាប្រចាំនៅអង្កការសហប្រជាជាតិ បានឱ្យដឹងថា កាលពីថ្ងៃទី២២ ខែមិថុនា ឆ្នាំ២០២៥ ឯកឧត្ដម កែវ ឈា តំណាងអចិន្ត្រៃយ៍កម្ពុជាប្រចាំអង្គការសហប្រជាជាតិ (អ.ស.ប.) បានចូលរួមចុះហត្ថលេខាលើធម្មនុញ្ញអ.ស.ប.៨០ (UN80 Charter) ដែលជាគំនិតផ្ដួចផ្ដើមពិសេសជានិមិត្តរូប ក្នុងការប្រារព្ធទិវាធម្មនុញ្ញអ.ស.ប.នៅឆ្នាំនេះ និងគូសបញ្ជាក់ជាថ្មីអំពីការប្ដេជ្ញាចិត្តរួមគ្នា ក្នុងការគោរពគោលបំណង និងគោលការណ៍ធម្មនុញ្ញអង្កការសហប្រជាជាតិ ព្រមទាំងការលើកស្ទួយកិច្ចសហប្រតិបត្តិការអន្តរជាតិ។
ក្នុងឱកាសនោះដែរ តំណាងអចិន្ត្រៃយ៍/តំណាងអចិន្ត្រៃយ៍រងនៃបណ្ដារដ្ឋសមា ជិកអាស៊ាន បានថតរូបជុំគ្នា ដើម្បីបង្ហាញពីសាមគ្គីភាព និងការប្ដេជ្ញាចិត្តរួមក្នុងការគោរពធម្មនុញ្ញអង្កការសហប្រជាជាតិផងដែរ ៕
ចែករំលែកព័តមាននេះ