រាជធានីភ្នំពេញ ៖ ក្រសួងពាណិជ្ជកម្ម បានប្រកាសតម្លៃប្រេងឥន្ធនៈថ្មី ដែលត្រូវលក់ ដោយសាំងធម្មតា ៤.៣៥០រៀល និងម៉ាស៊ូត ៤.២៥០រៀល ចាប់ពីថ្ងៃនេះតទៅ ។
ក្រសួងពាណិជ្ជកម្ម បានប្រកាសនាព្រឹកថ្ងៃទី២៣ ខែមិថុនា ឆ្នាំ២០២៦ នេះ បានចេញសេចក្តីជូនដំណឹងផ្លូវការស្តីពីការកំណត់តម្លៃលក់រាយប្រេងឥន្ធនៈថ្មី នៅតាមស្ថានីយទាំងអស់ ក្នុងព្រះរាជាណាចក្រកម្ពុជា ដោយតម្លៃថ្មីនេះ ត្រូវអនុវត្តជារៀងរាល់សប្ដាហ៍ ចាប់ពីវេលាម៉ោង១ រសៀលថ្ងៃទី២៣ រហូតដល់ថ្ងៃទី៣០ ខែមិថុនា ឆ្នាំ២០២៦ ។
ដើម្បីកុំឱ្យគេបោក! សូមលោកអ្នកមកដឹងពីតម្លៃប្រេងសាំង និងម៉ាស៊ូតផ្លូវការរបស់ក្រសួងដែលត្រូវលក់ឱ្យបានច្បាស់៖
ចំពោះប្រេងសាំងធម្មតា ៖ ៤.៣៥០ រៀល/លីត្រ និងប្រេងម៉ាស៊ូត៖ ៤.២៥០ រៀល/លីត្រ ។
ក្រសួងពាណិជ្ជកម្មក៏បានបញ្ជាក់ និងអំពាវនាវដល់ម្ចាស់ស្ថានីយលក់រាយប្រេងឥន្ធនៈទាំងអស់នៅទូទាំងប្រទេស ឱ្យចូលរួមអនុវត្តតាមតម្លៃកំណត់ថ្មីនេះ ចាប់ពីម៉ោង ១ រសៀលថ្ងៃទី២៣ ខែមិថុនា នេះតទៅ ដើម្បីធានាបាននូវតម្លាភាព និងផលប្រយោជន៍ផ្ទាល់របស់ប្រជាពលរដ្ឋ៕
ចែករំលែកព័តមាននេះ