ស្ទាក់ចា.ប់រថយន្តស៊េរីទំនើប១គ្រឿង ឃាត់ខ្លួនចិន ៦នាក់ សង្ស័យប្រព្រឹត្តបទល្មើ.សអនឡាញស្គេ.ម ក្នុងរថយន្ត
- បន្ទាយមានជ័យ
ខេត្តបន្ទាយមានជ័យ ៖ កម្លាំងចម្រុះស្ទាក់ចាប់រថយន្តអាលផាត១គ្រឿងនិងឃាត់ខ្លួនជនជាតិចិន៦នាក់ដែលសង្ស័យប្រព្រឹត្តបទល្មើសអនឡាញស្គេមក្នុងរថយន្តកាលពីថ្ងៃទី១៩ ខែមិថុនា ឆ្នាំ២០២៦ នៅចំណុចមជ្ឈមណ្ឌលថែទាំរថយន្តមួយកន្លែង ស្ថិតភូមិគីឡូម៉ែត្រលេខ៤ សង្កាត់ផ្សារកណ្តាល ក្រុងប៉ោយប៉ែត។
ប្រតិបត្តិការខាងលើនេះដឹកនាំដោយលោកវរៈសេនីយ៍ឯក ប៊ុន ណាំអៀង មេបញ្ជាការរងកងរាជអាវុធហត្ថខេត្តបន្ទាយមានជ័យនិងលោកវរៈសេនីយ៍ត្រី គង់ រិទ្ធា មានការសម្រមសម្រួលពីលោក សំរិទ្ធ សុខុន ព្រៈរាជអាជ្ញារងអយ្យាការអមសាលាដំបូងខេត្តបន្ទាយមានជ័យដែលដឹកនាំកម្លាំងចម្រុះបង្ក្រាប។
ក្នុងរង្វង់ប្រតិបត្តិការបង្ក្រាបកម្លាំងជំនាញបានធ្វើការស្រាវជ្រាវនិងកំណត់មុខសញ្ញាដែលសង្ស័យមានរថយន្តអាលផាត១គ្រឿងពាក់ផ្លាកលេខ ភ្នំពេញ 2CI-9612 ដែលកំពុងបើកបរតាមផ្លូវកម្លាំងជំនាញបានស្ទាក់ឃាត់ទាំងរថយន្តនិងឃាត់ខ្លួនជនជាតិបរទេសចំនួន៦នាក់ក្នុងនោះស្រី១នាក់ដែលជនជាជនជាតិចិននិងរកឃើញសម្ភារៈប្រព្រឹត្តបទល្មើសអនឡាញស្គេមក្នុងរថយន្តមានទូរស័ព្ទនិងដុំWifiនិងសម្ភារៈផ្សេងៗ។
ក្រោយកម្លាំងចម្រុះឃាត់ខ្លួនជនជាតិចិន៦នាក់ក្នុងស្រី១នាក់និងសម្ភារៈសង្ស័យប្រព្រឹត្តបទល្មើសអនឡាញស្គេមត្រូវបានកម្លាំងជំនាញនាំយកទៅសាកសួរហើយអនុវត្តតាមនីតិវិធីច្បាប់។
គួររំលឹកថា៖នៅក្រុងប៉ោយប៉ែតត្រូវបានកម្លាំងចម្រុះបង្ក្រាបបទល្មើសអនឡាញស្គេមរាល់ថ្ងៃនិងឃាត់ខ្លួនជនបរទេសបញ្ជូនជាបន្តបន្ទាប់ត្រូវបានបណ្តេញចេញពីកម្ពុជាហើយមានជនសង្ស័យខ្លៈពាក់ព័ទ្ធបទល្មើសត្រូវបានអនុវត្តតាមនីតិវិធីច្បាប់រហូតពេលនេះនៅក្រុងប៉ោយប៉ែតត្រូវបានស្ងាតច្រងំកន្លងមកធ្លាប់តែមានភាពអ៊ូអរ ៕
ចែករំលែកព័តមាននេះ