អាជ្ញាធរក្រុងដឹកនាំកម្លាំងសមត្ថកិច្ចចម្រុះបន្តចុះណែនាំនិងហាមអាជីវករលក់ដូរនូវផលិតផលនាំចូលពីប្រទេសថៃលក់នៅលើទីផ្សាជាដាច់ខាត
- ប៉ៃលិន
ខេត្តប៉ៃលិន ៖ រហូតមកដល់ព្រឹកថ្ងៃទី១៧ ខែមិថុនា ឆ្នាំ២០២៦នេះ អភិបាលក្រុងបានដឹកនាំកម្លាំងសមត្ថកិច្ចចម្រុះមាន មន្ទីរពាណិជ្ជកម្ម មន្ត្រីក.ប.ប ចៅសង្កាត់ប៉ៃលិន នគរបាលក្រុងនិងប៉ុស្តិ៍ប៉ៃលិន បានបន្តចុះពិនិត្យនិងណែនាំបន្ថែមទៀតមិនឲ្យអាជីវករដាក់លក់ផលិតផលថៃលក់នៅលើទីផ្សារនេះឡើយ។
លោក លី សុងហ៊ីបានមានប្រសាសន៍ថា ក្នុងនាមអាជ្ញាធរក្រុង និងអង្គភាពពាក់ព័ន្ធ បានចុះត្រួតពិនិត្យគ្រប់ទីតាំងលក់ដូរ រួមមាន គ្រឿងទេស បន្លែ ត្រី សាច់ ផ្លែឈើ គ្រឿងសម្អាងការ គ្រប់ប្រភេទ សម្ភារៈប្រើប្រាស់ សាប៊ូ គ្រឿងក្រអូបជាដើម ។ល។
រដ្ឋបាលក្រុងប៉ៃលិនបាន ពិនិត្យឃើញថា ពិតជាមានរបស់ទាំងនោះសារាចរណ៍លើទីផ្សារប្រាកដមែន តែមិនមានច្រើននោះទេ ឥវ៉ាន់ ១០០មុខ មានប្រហែល ១មុខទៅ ៥មុខ គិតជាភាគរយប្រមាណ ១ទៅ៥%ភាគរយប៉ុណ្ណុះ គឺសល់តិចតួចបំផុត។
ហើយឥវ៉ាន់ទាំងនេះ ជាឥវ៉ាន់ចាស់ដែលមានដឺឡេផលិតឆ្នាំ២០២៤ និងដើមឆ្នាំ២០២៥ និងអាចហួសកាលបរិច្ឆេទប្រើប្រាស់នៅចុងឆ្នាំ២០២៦ ឬឆ្នាំ២០២៧ ទៅតាមមុខទំនិញ ដែលបងប្អូនអាជីវករដាក់តាំងលក់។
វិធានការណ៍ ដែលអាជ្ញាធរបានណែនាំឱ្យបងប្អូនបញ្ឈប់ការតាំងលក់ទំនិញទាំងនេះនៅលើទីផ្សារបន្តទៀត ឱ្យបាន១០០ភាគរយ គឺបញ្ឈប់ការតាំងលក់ទំនិញថៃ ១០០ភាគរយតែម្តង។
ជាមួយគ្នានេះដែរ អាជ្ញាធរបានសំណូមពរដល់បងប្អូនប្រជាពលរដ្ឋនិងអាជីវកររាយការណ៍មកអាជ្ញាធរមានសមត្ថកិច្ច គណៈកម្មការផ្សារ ករណីមានការលបលួយដឹកនាំទំនិញខុសច្បាស់មកសារាចរណ៍លើទីផ្សារនេះ និងរកមុខអ្នកនាំចូលទំនិញទាំងនេាះ យកមកអនុវត្តច្បាប់ជាធរមាន៕
ចែករំលែកព័តមាននេះ