រាជធានីភ្នំពេញ ៖ កាលពីព្រឹកថ្ងៃទី៤ សីហា សមត្ថកិច្ចនគរបាលខណ្ឌមានជ័យ បានចាប់បញ្ជូនវិស្វករសំណង់២នាក់ និងជនលក់គ្រឿងញៀនម្នាក់ទៅកាន់សាលាដំបូងរាជធានីភ្នំពេញ ដើម្បីចាត់ការតាមច្បាប់ពីបទពាក់ព័ន្ធនឹងអំពើលក់ និងប្រើប្រាស់គ្រឿងញៀ.ន ។
រាជធានីភ្នំពេញ ៖ កាលពីព្រឹកថ្ងៃទី៤ សីហា សមត្ថកិច្ចនគរបាលខណ្ឌមានជ័យ បានចាប់បញ្ជូនវិស្វករសំណង់២នាក់ និងជនលក់គ្រឿងញៀនម្នាក់ទៅកាន់សាលាដំបូងរាជធានីភ្នំពេញ ដើម្បីចាត់ការតាមច្បាប់ពីបទពាក់ព័ន្ធនឹងអំពើលក់ និងប្រើប្រាស់គ្រឿងញៀន ។
ជនជាប់សង្ស័យទាំង៣នាក់នេះមាន១-ឈ្មោះមាស វណ្ណថន ភេទប្រុស អាយុ៤៣ឆ្នាំ ទីលំនៅផ្ទះលេខ៩D ផ្លូវលំ ភូមិព្រៃទា សង្កាត់ចោមចៅ ខណ្ឌដង្កោ ជាវិស្វករសំណង់ ២-ឈ្មោះសាន វិសិដ្ឋ ហៅសែន ភេទប្រុស អាយុ២៦ឆ្នាំ ជាវិស្វករសំណង់ និងស្នាក់នៅផ្ទះជាមួយឈ្មោះវណ្ណថន ហើយក៏បានប្រព្រឹត្តការសេពគ្រឿងញៀនដូចគ្នា និង៣-ឈ្មោះសំ ណារិទ្ធ ហៅមាន់ ភេទប្រុស អាយុ២៣ឆ្នាំ មុខរបរមិនពិតប្រាកដ ស្នាក់នៅបន្ទប់ជួលក្នុងផ្ទះសំណាក់ រស្មីឋានសួគ៌ សង្កាត់ស្ទឹងមានជ័យ ខណ្ឌមានជ័យ ជាអ្នកយកគ្រឿងញៀនមកលក់ឲ្យវិស្វករ២នាក់នេះ។
គួរបញ្ជាក់ថា កាលពីវេលា៥និង៣០នាទីល្ងាចថ្ងៃទី១ សីហា កន្លងមក សមត្ថកិច្ចនគរបាលខណ្ឌមានជ័យ ដោយសហការជាមួយអាជ្ញាធរមូលដ្ឋានបានចុះបង្ក្រាបក្រុមអ្នកលក់ និងអ្នកប្រើប្រាស់គ្រឿងញៀនមួយករណីនៅផ្ទះសំណាក់រស្មីឋានសួគ៌ ដោយឃាត់ខ្លួនជនសង្ស័យបាន៣នាក់។ក្នុងការបង្រ្កាបនេះសមត្ថកិច្ចដកហូតបានវត្ថុតាងមានថ្នាំញៀនម៉ាទឹកកក ២កញ្ចប់តូច ឧបករណ៍សម្រាប់ប្រើប្រាស់គ្រឿងញៀនមួយចំនួន និងរថយន្តមែរសឺដេស១គ្រឿងជារបស់វិស្វករ២នាក់ខាងលើ។
ក្រោយពីឃាត់ខ្លួនជនសង្ស័យ៣នាក់នោះហើយ សមត្ថកិច្ចនគរបាលខណ្ឌមានជ័យ ក៏បានកសាងសំណុំរឿងបញ្ជូនទៅកាន់សាលាដំបូងរាជធានីភ្នំពេញ ដើម្បីចាត់ការតាមផ្លូវច្បាប់ ៕
ចែករំលែកព័តមាននេះ