រាជធានីភ្នំពេញ ៖ កម្មករ-កម្មការិនីរោងចក្រកាត់ដេរសម្លៀកបំពាក់សិនតៃហ្គាមេន ខូអិលធីឌី ប្រមាណ៥០នាក់ទៀត បានដួលសន្លប់ព្រមៗគ្នា ដោយសារតែជះក្លិនគីមីសាប៊ូ ដែលគេបា.ញ់ពន្លត់អគ្គិភ័យ ក្រោយពីមានទុស្សេម៉ាស៊ីនភ្លើងរបស់រោងចក្រដល់ទៅ២ដង ឆេះហុយផ្សែងទ្រលោមមួយប្រឹប នាំ
រាជធានីភ្នំពេញ ៖ កម្មករ-កម្មការិនីរោងចក្រកាត់ដេរសម្លៀកបំពាក់សិនតៃហ្គាមេន ខូអិលធីឌី ប្រមាណ៥០នាក់ទៀត បានដួលសន្លប់ព្រមៗគ្នា ដោយសារតែជះក្លិនគីមីសាប៊ូ ដែលគេបាញ់ពន្លត់អគ្គិភ័យ ក្រោយពីមានទុស្សេម៉ាស៊ីនភ្លើងរបស់រោងចក្រដល់ទៅ២ដង ឆេះហុយផ្សែងទ្រលោមមួយប្រឹប នាំឱ្យកម្មករភ័យស្លន់ស្លោ និងភ្ញាក់ផ្អើល។ ការដួលសន្លប់លើកទី២នេះ បានកើតឡើងកាលពីវេលាម៉ោង៨ព្រឹកថ្ងៃទី៥ សីហា ២០១១ ដែលរោងចក្រនេះស្ថិតក្នុងភូមិដំណាក់ សង្កាត់ភ្នំពេញថ្មី ខណ្ឌសែនសុខ តាមបណ្តោយផ្លូវរថភ្លើង។
យោងតាមសមត្ថកិច្ចខណ្ឌសែនសុខ បានឱ្យដឹងថា រោងចក្រសិនតៃហ្គាមេន ខូអិលធីឌី មានកម្មករប្រហែល២.០០០នាក់ ធ្វើការ បានទុស្សេម៉ាស៊ីនភ្លើង និងផ្ទុះម្តងរួចហើយ កាលពីវេលាម៉ោង១១និង៣០នាទីព្រឹកថ្ងៃទី៤ សីហា ២០១១ បណ្តាលឱ្យភ្លើងឆេះហុយផ្សែងទ្រលោម។ ភ្លាមៗនោះ គេក៏បានទាញបំពង់ឧស្ម័នពន្លត់អគ្គិភ័យ និងទឹកសាប៊ូទៅបាញ់ពន្លត់ទាន់ពេលវេលា ហើយអ្នកជំនាញក៏ផ្តាច់ខ្សែចរន្តអគ្គិសនី និងដេញកម្មករចេញទៅក្រៅមួយភ្លែត។ ពេលជួសជុលរួចរាល់នៅវេលាម៉ោង១២និង៣០នាទី កម្មករត្រូវបានអនុញ្ញាតឱ្យចូលធ្វើការវិញ ប៉ុន្តែមិនបានប៉ុន្មានផង ម៉ាស៊ីនភ្លើងនោះក៏ផ្ទុះឡើងម្តងទៀត បណ្តាលឱ្យហ៊ុយផ្សែងទ្រលោមជះក្លិនឈ្ងៀម ពិបាកដកដង្ហើមនាំឱ្យកម្មករដួលសន្លប់បន្តបន្ទាប់រហូតដល់ជិត៣០នាក់។
បុគ្គលិករដ្ឋបាលនៃរោងចក្រសិនតៃហ្គាមិន ខូអិលធីឌី បាននិយាយឱ្យដឹងថា ការដួលសន្លប់លើកទី២នេះទៀតសោតមានធ្ងន់ មានស្រាលត្រូវបានបញ្ជូនទៅសង្គ្រោះនៅគ្លីនិកចោមចៅ និងគ្លីនិកផ្សេងៗទៀតចំនួន៥០នាក់ សរុបទាំង២ថ្ងៃជាប់ៗគ្នានេះ គឺឡើងដល់៨០នាក់ហើយ។ចំណែកនៅក្នុងរោងចក្រដែលកើតរឿងដួលសន្លប់ឯណោះវិញ បង្កឱ្យមានភាពភ្ញាក់ផ្អើលដល់កម្មករដទៃទៀតរត់ចេញក្រៅឱ្យប្រសាចស្រែកឱ្យគេជួយ ហើយរោងចក្រត្រូវបិទទ្វារផ្អាកធ្វើការងាររយៈពេល៣ថ្ងៃរង់ចាំត្រួតពិនិត្យ និងរៀបចំបរិស្ថានឱ្យបានស្រួលបួលសិន។ សូមបញ្ជាក់ថា មូលហេតុដែលនាំឱ្យមានការដួលសន្លប់ជាថ្មីនេះ ត្រូវបានកម្មករអះអាងថា គឺដោយសារតែធុំក្លិនអាក្រក់ ឬជាតិគីមីពុលពីសាប៊ូដែលបាញ់ពន្លត់ម៉ាស៊ីនភ្លើងកាលពីថ្ងៃទី៤ សីហា។
ចំណែកម៉ាស៊ីនភ្លើងដែលផ្ទុះឡើងទៀតសោត ត្រូវបានក្រុមជាងប្រាប់ថា គឺបណ្តាលមកពីភ្លេចដាក់ទឹកជំនួយម៉ាស៊ីន (ដាក់ទឹកកុំឱ្យឆាប់ក្តៅ) លុះដល់បញ្ឆេះប្រើយូរបន្តិចវាក៏ក្តៅរួចហើយផ្ទុះឆេះតែម្តង ។ មិនតែប៉ុណ្ណោះបានជះផ្សែងទ្រលោមចូលមកក្នុងសាលកម្មករធ្វើការទើបបណ្តាលឱ្យពួកគេដួលសន្លប់ដោយសារតែពុលនឹងផ្សែងនោះ ៕
ចែករំលែកព័តមាននេះ