លោកម៉ាទីន ផេតទី ឆ្លើយឆ្លងព័ត៌មានរបស់ទីភ្នាក់ងាររ៉យទ័រ បានធ្វើការវិភាគលើនយោបាយថៃ ដោយបានសរសរជាចំណងជើងថា«ការក្រេបទឹកឃ្មុំបានកន្លងផុត លោកស្រីយីង ឡាក់ ចាប់ផ្តើមឆ្លងកាត់ឧបសគ្គ។ ការវិភាគនេះដោយសារថា នៅថ្ងៃនេះ (៥ សីហា) សភាថៃនឹងបោះឆ្នោតជ្រើសរើសនាយករដ្ឋមន្ត្រីដើម្បីបង្កើត គណៈរដ្ឋមន្ត្រីថ្មី ។
លោកម៉ាទីន ផេតទី ឆ្លើយឆ្លងព័ត៌មានរបស់ទីភ្នាក់ងាររ៉យទ័រ បានធ្វើការវិភាគលើនយោបាយថៃ ដោយបានសរសរជាចំណងជើងថា«ការក្រេបទឹកឃ្មុំបានកន្លងផុត លោកស្រីយីង ឡាក់ ចាប់ផ្តើមឆ្លងកាត់ឧបសគ្គ។ ការវិភាគនេះដោយសារថា នៅថ្ងៃនេះ (៥ សីហា) សភាថៃនឹងបោះឆ្នោតជ្រើសរើសនាយករដ្ឋមន្ត្រីដើម្បីបង្កើតគណៈរដ្ឋមន្ត្រីថ្មី ។
លោកផេតទី បានធ្វើការវិភាគជាដំបូងថា លោកស្រីយីង ឡាក់ ស៊ីណាវ៉ាត្រា ដែលធ្លាប់គ្រប់គ្រងក្រុមហ៊ុនអចលនទ្រព្យ កំពុងប្រឈមមុខនឹងការប្រកួតប្រជែងកាន់តែច្រើននៅក្នុងអំឡុងពេលដែលលោកស្រីទទួលតួនាទីជាអ្នកដឹកនាំប្រទេសដែលមានបញ្ហាស្មុគស្មាញដោយវិបត្តិនយោបាយនិងហេតុការណ៍បង្ហូរឈាម ។
អ្នកសារព័ត៌មានបរទេសខាងលើយល់ឃើញថា ក្នុងអំឡុងពេលនៃការក្រេបទឹកឃ្មុំរបស់អ្នកនយោបាយថ្មីអាយុ៤៤ឆ្នាំ គឺលោកស្រីយីង ឡាក់ កំពុងរសាត់បាត់នៅពេលដែលលោកស្រីនឹងក្លាយជានាយករដ្ឋមន្ត្រីស្ត្រីដំបូងក្នុងប្រទេសថៃ ហើយជនក្រីក្រជាច្រើនលាននាក់ដែលគាំទ្រគណបក្សភឿថៃ មានក្តីសង្ឃឹមថានឹងទទួលបានផលប្រយោជន៍ពីលោកស្រីយីង ឡាក់ ។
ដោយឡែក ប្រទេសថៃក៏ត្រូវការឱ្យមានការបញ្ចប់វិបត្តិនយោបាយដែលកើតឡើងចាប់តាំងពីមានរដ្ឋប្រហារថ្ងៃទី១៩ កញ្ញា ២០០៦មក។ ទោះបីជាតំណាងរាស្ត្រខាងគណបក្សភឿថៃមានចំនួន២៦៥នាក់ ពីចំនួនសរុប៥០០នាក់ នៅក្នុងសភាអាចជួយបន្ធូរបន្ថយវិបត្តិទាក់ទិននឹងការជ្រៀតជ្រែកនយោបាយបានដែលអាចឆ្លុះបញ្ចាំងតាមរយៈតួលេខនៃការវិនិយោគទុនកើនខ្ពស់ ក្នុងទីផផ្សារភាគហ៊ុនរបស់ថៃក្តី ក៏បញ្ហាជាច្រើនហាក់កំពុងរង់ចាំលោកស្រីយីង ឡាក់។ ទោះជាយ៉ាងណាក៏ដោយ ក្នុងអំឡុងពេលដែលលោកស្រីយីង ឡាក់ ដើរចូលក្នុងឆាកនយោបាយតាមគន្លងរបស់លោកថាក់ស៊ីន ស៊ីណាវា៉ត្រា ជាបងប្រុស ជាការពិតលោកថាក់ស៊ីន ដែលត្រូវបានគេសម្លឹងឃើញថា នឹងមានឥទ្ធិពលដល់រដ្ឋាភិបាលថ្មីក៏អាចឈានចូលក្នុងប្រព័ន្ធនយោបាយដ៏រដិបរដុបរបស់រដ្ឋាភិបាលគណបក្សភឿថៃបាន។
លោកដេវីដ ស្ត្រេកហ្វាស់ អ្នកជំនាញជនជាតិអាមេរិកប្រចាំមហាវិទ្យាល័យខនគែន របស់ថៃ បានប្រាប់រ៉យទ័រថា «កម្រិតនៃភាពឯករាជ្យរបស់លោកថាក់ស៊ីន អាចនឹងធ្វើឱ្យប៉ះពាល់ដល់កម្រិតនៃការទទួលស្គាល់ដែលមនុស្សទូទៅមានចំពោះលោកស្រីយីង ឡាក់» ។ អ្នកវិភាគជាច្រើននាក់ មានជំនឿថា ភាគីប្រឆាំងនឹងលោកថាក់ស៊ីន កំពុងឃ្លាំមើលចាំឱ្យតែរដ្ឋាភិបាលថ្មីមានកំហុសឆ្គងអ្វីមួយគេនឹងដាក់បញ្ចូលបញ្ហាទៅក្នុងលក្ខខណ្ឌជ្រៀតជ្រែក នយោបាយភ្លាម ហើយគេក៏មិនទាន់អាចទាយត្រូវទេថាតើនឹងមានបាតុភាពនយោបាយបែបណាទៀត ។
លោកស៊ុមឆាយ ផាកាផាសវីវ៉ាត់ អ្នកជំនាញនៅមហាវិទ្យាល័យថាម៉ាសាស្ត្រ បានបញ្ជាក់ថា «ជ័យជម្នះរបស់លោកស្រីយីង ឡាក់ ចាត់ទុកថា ជាជ័យជម្នះដ៏លើសលប់មួយនៅក្នុងប្រវត្តិសាស្ត្រនៃការបោះឆ្នោតរបស់ថៃ ។ ដូច្នេះ ការរារាំងលោកស្រីភ្លាមៗគឺជារឿងមួយមិនអាចធ្វើទៅបានទេ » ។ លោកសាស្ត្រាចារ្យមហាវិទ្យាល័យខាងលើបានបន្តថា «សកម្មភាពណាមួយដែលបង្កើតឡើងដើម្បីប្រឆាំងនឹងរដ្ឋាភិបាលលោកស្រីឡាក់ យីង ត្រូវគិតគូរនិងរិះគន់ឱ្យបានល្អិតល្អន់ ។ ពួកគេតម្រូវរង់ចាំឱ្យរដ្ឋាភិបាលថ្មីប្រតិបត្តិដោយមានកំហុសឆ្គង និងត្រូវមានហេតុផលស្របច្បាប់ទាក់ទងនឹងសកម្មភាពរបស់ខ្លួន។ បើមិនដូច្នេះទេលទ្ធផលដែលកើតឡើងនឹងក្លាយជាស្ថានភាពចលាចលជាថ្មី »។
បេក្ខភាពលោកចាទុផន ព្រំផាន់លោក Apichart Sukhaggenond ប្រធានគណៈកម្មាធិការបោះឆ្នោតសភានិយាយថា តាមការយល់ឃើញរបស់លោក គឺលោក Jatuporn Promphan សមាជិកសភាជ្រើសតាំងមកពីគណបក្សភឿថៃគួរតែត្រូវដកចេញពីសមាជិកបក្សរបស់គាត់ព្រោះគាត់ទទួលបរាជ័យក្នុងការរកសម្លេងឆ្នោតក្នុងថ្ងៃបោះឆ្នោតជាតិកាលពីថ្ងៃទី៣ កក្កដា។
អ្នកប្រឆាំងលោកចាទុផននេះនិយាយថា អ្នកមិនគួរទទួលមនុស្សដែលខ្វះគុណសម្បត្តិគ្រប់គ្រាន់ចូលធ្វើការទេ ដូចជាពេលចូលធ្វើការងារគេត្រូវការមនុស្សបញ្ចប់បរិញ្ញាបត្រដែរ។ តែទោះជាយ៉ាងណាសមាជិកគណៈកម្មាធិការបួនរូបបានបោះឆ្នោតសម្រេចគាំទ្រលោក Jatuporn ដោយសំអាងហេតុផលថា គណៈកម្មាធិការបោះឆ្នោតសភាគ្មានអំណាចក្នុងការដកសិទ្ធិទេ។ លោក Jatuporn ជាមេដឹកនាំសំខាន់ម្នាក់របស់ក្រុមអាវក្រហមដែលត្រូវបានដោះលែងចេញពីពន្ធនាគារ Bangkok Remand កាលពីថ្ងៃអង្គារ បន្ទាប់ពីគណៈកម្មាធិការបោះឆ្នោតថៃយល់ព្រមទទួលគាត់ក្នុងបញ្ជីឈ្មោះរបស់គណបក្សភឿថៃ។
លោក Wisuth Pothitaen និយាយថា គណៈកម្មាធិការបោះឆ្នោតសម្រេចកាលពីថ្ងៃម្សិលមិញដោយចេញការបំភ្លឺជាសាធារណៈទៅលើសេចក្តីសម្រេចរបស់គណៈកម្មាធិការចំពោះករណីលោក Jatuporn និងសេចក្តីសម្រេចផ្សេងៗដែលធ្វើឡើងដោយគណៈកម្មាធិការបោះឆ្នោតសភា(EC)ដើម្បីឱ្យសាធារណជនយល់កាន់តែច្បាស់។ ECសើុបអង្កេតទៅលើការដកសិទ្ធិរបស់លោក Jatuporn នាពេលឆាប់ៗ ប៉ុន្តែវានឹងត្រូវបញ្ចប់ដោយប្រុងប្រយ័ត្នបំផុត។
ជាមួយគ្នានោះដែរ លោក Suthiphon Thavechaiyagarn អគ្គលេខាធិការ EC កាលពីម្សិលមិញបាននិយាយថា ក្រុមស្វែងរកការពិតត្រូវបានបង្កើតឡើងដោយ EC នឹងចាប់ផ្តើមបើកការស៊ើបអង្កេតថា មន្ត្រីជាន់ខ្ពស់របស់EC កំពុងលេងហ្គោលជាមួយអ្នកនយោបាយ។ គាត់ថា ភស្តុតាងនៃបទឧក្រិដ្ឋ នឹងត្រូវការចំណាយពេលវេលាខ្លះក្នុងការប្រមូលព័ត៌មាន និងបញ្ចប់កិច្ចការរបស់ខ្លួន។
ប្រតិកម្មរបស់លោកចាទុផនលោកចាទុផន និយាយថា ក្រុមអាវក្រហម និងលោកមិនដែលស្វែងរកកៅអីអង្គុយក្នុងគណៈរដ្ឋមន្ត្រីទេ ។ លោកចង់នៅក្នុងគណបក្សរបស់លោកដដែល។
លោកនិយាយថា កុំសំអាងលើសកម្មភាពរបស់គេជាហេតុផលដើម្បីកុំឱ្យពួកគេដើរចេញពីគណៈរដ្ឋមន្ត្រី។ លោកបានច្រានចោលព័ត៌មានដែលថា លោកអតីតនាយករដ្ឋមន្ត្រីថៃថាក់ស៊ីន ស៊ីណាវ៉ាត្រា បានទូរស័ព្ទទៅកាន់លោកមេបញ្ជាការកងទ័ពប្រាយុទ្ធ ចាន់អូចា ដើម្បីដោះស្រាយរឿងអ្នកណាគួរក្លាយជារដ្ឋមន្ត្រីការពារជាតិ។
គណៈរដ្ឋមន្ត្រីថៃរៀបចំរួចរាល់ហើយសមាជិកគណៈរដ្ឋមន្ត្រីថ្មីគេកំពុងចាប់ផ្តើមសម្រេចក្នុងប្រទេសថៃ ដោយគ្មានការចូលរួមពីបងប្រុសលោកស្រីយីងឡាក់ អនាគតនាយករដ្ឋមន្ត្រីស្រីថ្មីដំបូង គឺលោកថាក់ស៊ីន ស៊ីណាវ៉ាត្រាទេ។ នេះបើតាមការលើកឡើងរបស់លោកស្រីប្រាប់អ្នកសារព័ត៌មាន។ លោកស្រីយីងឡាក់បានច្រានចោលព័ត៌មានដែលគ្មានមូលដ្ឋានច្បាស់លាស់ថា សមាជិកគណៈរដ្ឋមន្ត្រី៩០ភាគរយត្រូវបានជ្រើសរើសរួចជាស្រេច។
ពេលសួរលោកស្រីថា តើសមាជិកដែលមកពីគណបក្សរណសិរ្សរួបរួមដើម្បីប្រជាធិបតេយ្យប្រឆាំងអំណាចផ្តាច់ការ(UDD) នឹងអាចចូលរួមក្នុងគណៈរដ្ឋមន្ត្រីទេ?លោកស្រីឆ្លើយថា «ខ្ញុំមិនអាចនិយាយអ្វីទាំងអស់នាពេលនេះ។ វាដូចជាលឿនក្នុងការបូកសរុប»។
លោកស្រីបន្តថា លោកស្រីបានសម្រេចចិត្តរួចរាល់ហើយចំពោះមនុស្សដែលលោកស្រីត្រូវការសម្រាប់តំណែងរដ្ឋមន្ត្រីសេដ្ឋកិច្ច និងសន្តិសុខជាតិ ប៉ុន្តែលោកស្រីនឹងប្រាប់បន្ថែមលំអិតដារាបណាគណៈរដ្ឋមន្ត្រីថ្មីត្រូវបានរៀបចំចប់សព្វគ្រប់។
លោកស្រីបានច្រានចោលព័ត៌មានដែលថា នាយកប្រតិបត្តិនៃធនាគារ Siam Commercial Bank លោក Vicgit Syrapongchai បានលាលែងពីតំណែងពីការងាររបស់គាត់ដើម្បីរៀបចំទទួលតំណែងរដ្ឋមន្ត្រី ហិរញ្ញវត្ថុ។
លោកស្រីនិយាយថា មិនទាន់មានការសម្រេចចិត្តក្នុងការជ្រើសរើសមនុស្សមកកាន់តំណែងរដ្ឋមន្ត្រីហិរញ្ញវត្ថុទេ។ អតីតនាយករដ្ឋមន្ត្រីថៃដែលនៅក្រៅស្រុកលោកថាក់ស៊ីន ស៊ីណាវ៉ាត្រា និងលោកនាយករដ្ឋមន្ត្រីត្រៀមចេញពីតំណែងអាប់ភីស៊ីត វេចាជីវ៉ា មិនធ្វើសេចក្តីអធិប្បាយអ្វីទាំងអស់ចំពោះការជ្រើសរើសសមាជិកគណៈរដ្ឋមន្ត្រីដោយគ្រាន់តែនិយាយថា វាជាការសំរេចកំពូលរបស់គណបក្សភឿថៃ។
លោកអាប់ភីស៊ីត វេចាជីវ៉ា និយាយថា គាត់សង្ឃឹមថា គណបក្សភឿថៃ នឹងដឹកនាំរដ្ឋាភិបាលថ្មីអាចដោះស្រាយបញ្ហាការចំណាយខ្ពស់សម្រាប់ជីវភាពរស់នៅរបស់ប្រជាជនដែលចេះតែកើនឡើង និងប្រើប្រាស់ប្រព័ន្ធសភានិយមដើម្បីដោះស្រាយបញ្ហានយោបាយ និងទំនាស់។
លោកបន្តថា ប្រសិនបើរដ្ឋាភិបាលរបស់លោកស្រីយីង ឡាក់ គ្រប់គ្រងបានល្អ លទិ្ធប្រជាធិបតេយ្យនឹងអនុញ្ញាតឱ្យរដ្ឋាភិបាលនោះបន្តធ្វើការ។ ប្រសិនបើពុំនោះទេវានឹងគ្មានឱកាសជាថ្មីម្តងទៀតឡើយ ៕
ចែករំលែកព័តមាននេះ