ខេត្តកំពង់ចាម ៖ យុវជនម្នាក់ស្លា.ប់ ដោយសារជិះម៉ូតូបុកដើមអាកាស្យានៅលើផ្លូវវិស្វកម្មខាងជើងភូមិ ត្បូងវត្ត ចម្ងាយប្រហែល៨០០ម៉ែត្រ ក្នុងឃុំមេមត់ ស្រុកមេមត់ និងប្អូនប្រុសអាយុ១៦ឆ្នាំសន្លប់។ ហេតុការណ៍នេះកើតឡើងនៅវេលាម៉ោង១១និង១០នាទីយប់ថ្ងៃទី៣ សីហា ២០១១ បង្កឡើង
ខេត្តកំពង់ចាម ៖ យុវជនម្នាក់ស្លាប់ ដោយសារជិះម៉ូតូបុកដើមអាកាស្យានៅលើផ្លូវវិស្វកម្មខាងជើងភូមិត្បូងវត្ត ចម្ងាយប្រហែល៨០០ម៉ែត្រ ក្នុងឃុំមេមត់ ស្រុកមេមត់ និងប្អូនប្រុសអាយុ១៦ឆ្នាំសន្លប់។ ហេតុការណ៍នេះកើតឡើងនៅវេលាម៉ោង១១និង១០នាទីយប់ថ្ងៃទី៣ សីហា ២០១១ បង្កឡើង ដោយក្រុមក្មេងទំនើង១ក្រុម មានគ្នាចំនួន៥នាក់ជិះម៉ូតូ២គ្រឿង បើកដេញបំបុកពីខាងក្រោយ ហើយនាំគ្នារត់គេចខ្លួនបាត់ស្រមោល ។
តាមសេចក្តីរាយការណ៍ពីលោកវរសេនីយ៍ត្រី ឯម កុសល អធិការនគរបាលស្រុកមេមេត់ប្រាប់ឲ្យដឹងថា អ្នកដែលស្លាប់ឈ្មោះធី នីតា អាយុ១៩ឆ្នាំ និងប្អូនប្រុសដែលរងរបួសរហូតសន្លប់ឈ្មោះធី វត្តី អាយុ១៦ឆ្នាំ ទាំង២នាក់ រស់នៅភូមិមេមង ឃុំមេមង ស្រុកមេមត់ ។
លោកអធិការនគរបាលស្រុកមេមត់ ប្រាប់បន្តថា ទាំង២នាក់បងប្អូនជិះម៉ូតូ១គ្រឿងទៅផឹកស៊ីនៅផ្ទះរបស់មិត្តភក្តិនៅភូមិត្រពាំងរាំង ឃុំមេមត់ នាពេលល្ងាច។ ពេលស្រវឹងឈ្មោះនីតា ទាញម៉ូតូជិះត្រឡប់មកផ្ទះវិញ ឌុបប្អូនប្រុស។ ពេលជិះទៅដល់ផ្លូវកងវិស្វកម្មខាងជើងភូមិត្បូងវត្ត ត្រូវក្មេងទំនើង៥នាក់ មិនស្គាល់អត្តសញ្ញាណជិះម៉ូតូចំនួន២គ្រឿងដេញតាមពីក្រោយក្រកៀកប្រកិត ដោយមិនដឹងមូលហេតុ។ ក្នុងស្ថាន ភាពបែបនោះ ធ្វើឲ្យ២នាក់ បងប្អូនមានការភិតភ័យបន្ថែមល្បឿនបើកគេចជ្រុលទៅបុកដើមអាកាស្យាពេញទំហឹង។ ការបុកនោះបណ្តាលឱ្យអ្នកឌុបបោកក្បាលទៅនឹងគល់អាកាស្យាស្លាប់ ។ មិនតែប៉ុណ្ណោះត្រូវក្រុមទំនើងយកឧបករណ៍រឹងមានចុងស្រួចចាក់កផ្នែកខាងស្តាំធ្លាយទៅខាងឆ្វេងទៀតផង ។
លោកឌឹម ហួរ នគរបាលយុត្តិធម៌ស្រុកមេមត់ប្រាប់ឲ្យដឹងថា នគរបាលស្រុកបានទៅនាំអ្នករងគ្រោះទៅសង្គ្រោះនៅមន្ទីរពេទ្យបង្អែកស្រុកមេមេត់។ តាមការស្រាវជ្រាវនៅកន្លែងផឹកស៊ីដឹងថា អ្នកស្លាប់នោះពេលផឹកស្រាហើយបានទៅលេងផ្ទះស្រីស្នេហ៍របស់គេទៀតផង។ បន្ទាប់មកពេលជិះម៉ូតូត្រឡប់ទៅផ្ទះវិញ បានប្រហែលពី៥០០ទៅ៦០០ម៉ែត្រក៏ជួបហេតុការណ៍អាក្រក់នោះតែម្តង ។
នាពេលកន្លងមកអ្នករងគ្រោះមិនដែលមានទំនាស់មួយជាមួយក្រុមទំនើងទាំងនោះទេ តែធ្លាប់ជិះម៉ូតូលឿនកាត់ក្រុមនោះ និងត្រូវក្រុមនោះស្រែកថា «ជិះលឿនដូច្នេះប្រយ័ត្នដួលងាប់វើយ!» ។ ព្រឹកថ្ងៃទី៤ សីហា លោកអធិការនគរបាលស្រុកមេមត់ បញ្ជាឲ្យសមត្ថកិច្ចជំនាញស្រាវជ្រាវបន្តទៀត រកមុខក្រុមក្មេងទំនើងទាំងនោះ។ មានការសង្ស័យថា ក្រុមបង្កមុនពេលកើតហេតុនាំគ្នាច្រៀងនៅហាងខារ៉ាអូខេមួយ ដូច្នេះសមត្ថកិច្ចអាចស្រាវជ្រាវរកឃើញ៕
ចែករំលែកព័តមាននេះ