រាជធានីភ្នំពេញ ៖ រថយន្តឡិចស៊ីស ស៊េរី ៣០០ ពណ៌ខ្មៅ ពាក់ស្លាកលេខ ភ្នំពេញ 2N-0277 បានបើកបុកបង្គោលភ្លើងស្តុបរោងកុនលុច្ស យ៉ាងអង់អាច បណ្តាលឱ្យក្រពឹត ស្ថិតនៅតាមបណ្តោយមហាវិថីព្រះនរោត្តម កែងវិថីតេជោដំឌិន លេខ១៥៤ ស្ថិតក្នុងសង្កាត់ផ្សារថ្មីទី៣ ខណ្ឌដូនពេញ កាលពីវេលាម៉ោង២និង៣០នាទីរំលងអធ្រាត្រថ្ងៃទី៤
រាជធានីភ្នំពេញ ៖ រថយន្តឡិចស៊ីស ស៊េរី ៣០០ ពណ៌ខ្មៅ ពាក់ស្លាកលេខ ភ្នំពេញ 2N-0277 បានបើកបុកបង្គោលភ្លើងស្តុបរោងកុនលុច្ស យ៉ាងអង់អាច បណ្តាលឱ្យក្រពឹត ស្ថិតនៅតាមបណ្តោយមហាវិថីព្រះនរោត្តម កែងវិថីតេជោដំឌិន លេខ១៥៤ ស្ថិតក្នុងសង្កាត់ផ្សារថ្មីទី៣ ខណ្ឌដូនពេញ កាលពីវេលាម៉ោង២និង៣០នាទីរំលងអធ្រាត្រថ្ងៃទី៤ សីហា ២០១១ បង្កឱ្យមានការភ្ញាក់ផ្អើល។
ប្រភពព័ត៌មានពីសមត្ថកិច្ចបានឱ្យដឹងថា រថយន្តឡិចស៊ីស ស៊េរី៣០០ បើកបរក្នុងល្បឿនលឿនតាមបណ្តោយមហាវិថីព្រះនរោត្តមពីត្បូងទៅជើង បត់ចូលតាមវិថីតេជោដំឌិនលេខ១៥៤ ស្រាប់តែរថយន្តជ្រុលចង្កូតទៅបុកបង្គោលភ្លើងស្តុប បណ្តាលឱ្យក្រពឹតបង្គោល (បង្គោលដែកក្រាស់រឹង) ហើយជាប់កាង និងស្លាកលេខនៅនឹងបង្គោលស្តុបនោះតែម្តង ។ បន្ទាប់មក រថយន្តថយក្រោយបត់ទៅតាមវិថីតេជោដំឌិន ឆ្ពោះទៅផ្សារថ្មីទៅដល់ផ្លូវភ្លោះ ជាប់របងមន្ទីរពេទ្យព្រះអង្គឌួង ពេលនោះត្រូវកម្លាំងកងរាជអាវុធហត្ថខណ្ឌដូនពេញស្ទាក់ចាប់ជាប់។
ប៉ូលិសបានពិនិត្យឃើញនៅក្នុងរថយន្តឡិចស៊ីស នេះមានមនុស្សជិះគ្នា២នាក់ ស្រីម្នាក់ ប្រុសម្នាក់ ពេលដែលសមត្ថកិច្ចស្ទាក់ចាប់ជាប់នោះបុរសជាអ្នកបើកបរបានចុះទៅកាច់ស្លាកលេខរថយន្តបត់ឡើងលើ និងយកដៃបិទស្លាកលេខរថយន្ត មិនឱ្យអ្នកយកព័ត៌មានថតរូបបាន ។ ចំណែករថយន្តត្រូវបានសមត្ថកិច្ចអូសយកទៅការិយាល័យប៉ូលិសចរាចរណ៍ដើម្បីដោះស្រាយសងការខូចខាតដល់ទ្រព្យសម្បត្តិរដ្ឋ ៕
ចែករំលែកព័តមាននេះ