យល់ដឹង ៖ ក្រុមអ្នកវិទ្យាសាស្ត្ររបស់អាមេរិកបានអះអាងថា បណ្តាស្រ្តីមានគភ៌ដែលប្រើប្រាស់ម៉ាស៊ីនផ្លុំសក់ ចង្ក្រានមីក្រូវ៉េវឬក៏រស់នៅក្បែរតំបន់បង្គោលភ្លើងអគ្គិសនីអាចនឹងធ្វើឲ្យកូនរបស់ពួកគេពេលកើតមកប្រឈមនឹងការកើតជំងឺហឺត។ ពួកអ្នកវិទ្យាសាស្ត្រទាំងនេះបានព្រមានថា
យល់ដឹង ៖ ក្រុមអ្នកវិទ្យាសាស្ត្ររបស់អាមេរិកបានអះអាងថា បណ្តាស្រ្តីមានគភ៌ដែលប្រើប្រាស់ម៉ាស៊ីនផ្លុំសក់ ចង្ក្រានមីក្រូវ៉េវឬក៏រស់នៅក្បែរតំបន់បង្គោលភ្លើងអគ្គិសនីអាចនឹងធ្វើឲ្យកូនរបស់ពួកគេពេលកើតមកប្រឈមនឹងការកើតជំងឺហឺត។
ពួកអ្នកវិទ្យាសាស្ត្រទាំងនេះបានព្រមានថា កូនៗមិនទាន់កើតដែលទទួលរងថាមពលម៉ាញ៉េទិចដ៏គ្រោះថ្នាក់បង្កើតដោយប្រដាប់ប្រើប្រាស់ក្នុងផ្ទះនិងខ្សែភ្លើងអាចធ្វើឲ្យពួកគេប្រឈមនឹងគ្រោះថ្នាក់ដោយជំងឺហឺត៣ដង ។ ពីរបីទសវត្សចុងក្រោយនេះ អត្រាកុមារដែលកើតជំងឺហឺតបានកើតឡើងគួរឲ្យភ្ញាក់ផ្អើល។ លទ្ធផលខាងលើនេះបានកើតចេញពីការពិសោធន៍លើស្ត្រីមានគភ៌ប្រមាណ៨០០នាក់និងបោះពុម្ពផ្សាយក្នុងព្រឹត្តិប័ត្រសមាគមវេជ្ជសាស្ត្ររបស់អាមេរិកឈ្មោះ Archives of Pediatrics and Adolescent Medicine។
នេះជាលើកទី១ហើយដែលអ្នកវិទ្យាសាស្ត្ររកឃើញថា ស្រ្តីមានគភ៌ដែលប្រើប្រាស់ម៉ាស៊ីនផ្លុំសក់ ចង្ក្រានមីក្រូវ៉េវឬក៏រស់នៅក្បែរតំបន់បង្គោល/ខ្សែភ្លើងអគ្គិសនីអាចធ្វើឲ្យកូនរបស់ពួកគេពេលកើតមកប្រឈមនឹងការកើតជំងឺហឺត។ ចំណែកលោកវីលៀម ស្ទូវើតសាស្ត្រាចារ្យនៅសាកលវិទ្យាល័យUniversity of Southamptonប្រទេសអង់គ្លេសយល់ថា ការសិក្សាលើកនេះមានចំណុចដែលមិនច្បាស់មួយចំនួនហើយថា ការសិក្សាបន្ថែមទៀតចាំបាច់ត្រូវតែធ្វើឡើង។ ទោះជាយ៉ាងនេះក្តី ក្រុមអ្នកវិទ្យាសាស្ត្របានទទូចថា គេមិនអាចធ្វើព្រងើយមិនដឹងមិនឮចំពោះគ្រោះថ្នាក់ដែលបានរកឃើញដោយអ្នកវិទ្យាសាស្ត្ររបស់អាមេរិកលើកនេះទេ៕
ចែករំលែកព័តមាននេះ