រាជធានីភ្នំពេញ ៖ រថយន្តឡិចស៊ីសមួយគ្រឿងបើកវ៉ារថយន្តកុងតឺន័រចូលទៅខាងស្តាំ ដៃរបស់គេ បានបុកម៉ូតូវីវ៉ារមូរទាំងអ្នកបើកចូលក្រោមរថយន្ត រួចបន្តទៅបុករថយន្តតាកូម៉ា មួយគ្រឿងទៀត រួញខាងមុខខ្ទេច បណ្តាលឱ្យអ្នកបើកម៉ូតូ២នាក់រងរបួសធ្ងន់ ស្រែកដង្ហោយហៅឱ្យជួយ កាលពីវេលាម៉ោង
រាជធានីភ្នំពេញ ៖ រថយន្តឡិចស៊ីសមួយគ្រឿងបើកវ៉ារថយន្តកុងតឺន័រចូលទៅខាងស្តាំដៃរបស់គេ បានបុកម៉ូតូវីវ៉ារមូរទាំងអ្នកបើកចូលក្រោមរថយន្ត រួចបន្តទៅបុករថយន្តតាកូម៉ា មួយគ្រឿងទៀត រួញខាងមុខខ្ទេច បណ្តាលឱ្យអ្នកបើកម៉ូតូ២នាក់រងរបួសធ្ងន់ ស្រែកដង្ហោយហៅឱ្យជួយ កាលពីវេលាម៉ោង១១និង៣០នាទីយប់ថ្ងៃទី៣ សីហា ២០១១ នៅចំណុចខាងកើតគ្លីនិកចន្ទ្រាវុធ ចម្ងាយ៣០ម៉ែត្រ លើកំណាត់ផ្លូវ ព្រះមុនីរ៉េត ស្ថិតក្នុងភូមិទ្រា ក្រុមទី៥ សង្កាត់ស្ទឹងមានជ័យ ខណ្ឌមានជ័យ ។
រថយន្តឡិចស៊ីសខាងលើនេះ ស៊េរី ៤៧០ ពណ៌ទឹកមាស ពាក់ស្លាកលេខ ភ្នំពេញ 2Q-6165 បើកបរតាមបណ្តោយវិថីព្រះមុនីរ៉េត ក្នុងទិសដៅពីលិចឆ្ពោះទៅកើត ដោយបើកពីក្រោយរថយន្តកុងតឺន័រ។ លុះដល់ចំណុចកើតហេតុខាងលើ រថយន្តឡិចស៊ីស បានបើកវ៉ារថយន្តកុងតឺន័រ ហៀរចូលផ្លូវខាងស្តាំរបស់គេ ក៏បណ្តាលឱ្យបុកជាមួយម៉ូតូវីវ៉ា ពណ៌ខ្មៅ ពាក់ស្លាកលេខ ភ្នំពេញ 1AF-8913 ជិះគ្នា២នាក់ ឪពុក-កូន បើកក្នុងទិសដៅបញ្ច្រាសគ្នា បណ្តាលឱ្យម៉ូតូ និងអ្នកបើកបររមូរចូលក្រោមរថយន្តឡិចស៊ីស ចំណែកអ្នកជិះពីក្រោយខ្ទាចចេញទៅក្រៅ ។ ស្របពេលនោះ មានរថយន្តតាកូម៉ា ពណ៌ទឹកមាស ពាក់ស្លាកលេខ ភ្នំពេញ 2P-0716 ដែលបើកមកពីក្រោយម៉ូតូវីវ៉ា បុកជាមួយរថយន្តឡិចស៊ីស រួញផ្នែកខាងមុខខ្ទេច ហាក់ដូចជាជួយទប់រថយន្តឡិចស៊ីសមិនឱ្យកិនមនុស្សអីចឹង។
រថយន្តឡិចស៊ីស បើកបរដោយឈ្មោះឡាយ ឆោម ភេទប្រុស អាយុ៤៤ឆ្នាំ មានទីលំនៅផ្ទះលេខ២២៩Eo ក្រុមទី១០ ផ្លូវលេខ១២៨ សង្កាត់មិត្តភាព ខណ្ឌ៧មករា ។ ចំណែកម៉ូតូវីវ៉ាជិះគ្នា២នាក់ឈ្មោះរស ផលទៀង ភេទប្រុស អាយុ២៤ឆ្នាំ ជិះឌុបឪពុក ឈ្មោះរស លីម អាយុ៥៥ឆ្នាំ មានទីលំនៅភូមិភ្នៀត សង្កាត់ស្ទឹងមានជ័យ ខណ្ឌមានជ័យ ។ រថយន្តតាកូម៉ាបើកបរដោយឈ្មោះសែម ចាន់រិទ្ធិ ភេទប្រុស អាយុ៣៦ឆ្នាំ មានទីលំនៅផ្ទះលេខ១៩Eo ភូមិទ្រា សង្កាត់ស្ទឹងមានជ័យ។ ពេលរថយន្តឡិចស៊ីសបុកម៉ូតូរមូរចូលក្រោមរថយន្ត អ្នកបើកបរម៉ូតូត្រូវកៀបជាប់ក្រោមរថយន្តទម្រាំតែទាញចេញរួច ត្រូវលើកក្បាលរថយន្តបង្ហើបទើបអាចយកមនុស្សចេញបាន ហើយត្រូវរយះបាក់ភ្លៅខាងឆ្វេង រងរបួសពេញខ្លួនធ្ងន់ធ្ងរ រីឯឪពុកជិះពីក្រោយខ្ទាតចេញក្រៅរងរបួសបាក់កជើងឆ្វេង ។ ទាំងពីរនាក់ឪពុកកូនត្រូវបញ្ជូនទៅព្យាបាលនៅមន្ទីរពេទ្យមិត្តភាពខ្មែរ-សូវៀត។
ទោះបីជាយ៉ាងណា ភាគីខាងរថយន្តឡិចស៊ីសព្រមទទួលស្គាល់ថា ខ្លួនជាអ្នកខុស ហើយធានាសងការខូចខាតទាំងអស់ ។ ចំណែករថយន្តឡិចស៊ីស រថយន្តតាកូម៉ា និងម៉ូតូវីវ៉ា ត្រូវនគរបាលការិយាល័យជើងគោករាជធានីភ្នំពេញ ស្ទូចយកទៅរក្សាទុកធ្វើការដោះស្រាយតាមនីតិ
វិធី ៕
ចែករំលែកព័តមាននេះ