រាជធានីភ្នំពេញ ៖ ព្រឹកថ្ងៃទី៤ សីហា នេះ គឺជាថ្ងៃដែលសាលាដំបូងរាជធានី កោះហៅលោកជីប ធី សិស្សមេធាវីជាលើកទី២ ដើម្បីធ្វើការសាកសួរលើបណ្តឹងចោទប្រកាន់មួយ ពាក់ព័ន្ធលើសំណុំរឿងរំលោ.ភកូនក្រមុំគេរួចគំរាមសម្លា.ប់ មិនតែប៉ុណ្ណោះបានប្រើល្បិចចាប់ឪពុកនាង និងបុរសម្នាក់ទៀតដាក់
រាជធានីភ្នំពេញ ៖ ព្រឹកថ្ងៃទី៤ សីហា នេះ គឺជាថ្ងៃដែលសាលាដំបូងរាជធានី កោះហៅលោកជីប ធី សិស្សមេធាវីជាលើកទី២ ដើម្បីធ្វើការសាកសួរលើបណ្តឹងចោទប្រកាន់មួយ ពាក់ព័ន្ធលើសំណុំរឿងរំលោភកូនក្រមុំគេរួចគំរាមសម្លាប់ មិនតែប៉ុណ្ណោះបានប្រើល្បិចចាប់ឪពុកនាង និងបុរសម្នាក់ទៀតដាក់គុកយ៉ាងអយុត្តិធម៌ថែមទៀត។ ទំនងជារឿង «ចំណេះជិះកឯង» ក្នុងរឿង «យកពងមាន់ទៅផ្ញើក្អែក» នេះកំពុងតែវិលទៅរកអ្នកបង្កើតរឿងនេះវិញចៀសមិនរួចឡើយ។
ប្រភពព័ត៌មានបានឲ្យដឹងថា លោកជីប ធី អាយុ៤៣ឆ្នាំ ជាសិស្សមេធាវីកំពុងជាប់ការសិក្សា ត្រូវបានសាលាដំបូងរាជធានី កោះហៅជាលើកទី២ ដើម្បីសាកសួរពាក់ព័ន្ធរឿងរំលោភសេពសន្ថវៈ និងគំរាមសម្លាប់។ ការកោះអញ្ជើញលើកទី១ បានកំណត់ឲ្យចូលខ្លួននៅថ្ងៃទី២៥ កក្កដា តែពេលនោះលោកជីប ធី មិនហ៊ានចូលមកខ្លួនឯងទេ គឺបានពឹងពាក់មេធាវីម្នាក់ឲ្យចូលឆ្លើយជំនួស។ ប៉ុន្តែតំណាងអយ្យការមិនព្រម ព្រោះសំណុំរឿងនោះជាបទល្មើសព្រហ្មទណ្ឌ ជាបទឧក្រិដ្ឋដែលតម្រូវឲ្យសាមីខ្លួនចូលឆ្លើយផ្ទាល់តែម្តង ទើបស្របតាមនីតិវិធី និងតាមផ្លូវច្បាប់។
ប្រភពព័ត៌មានបានបន្តថា ក្រោយពីតំណាងអយ្យការមិនយល់ព្រម មេធាវីការពារក្តីឲ្យលោកជីប ធី បានដាក់ពាក្យសុំពន្យារពេលភ្លាម ដើម្បីជួបកូនក្តីរកច្រកថ្មីទៀត ការពារខ្លួនលើបណ្តឹងចោទប្រកាន់នោះ។ ប៉ុន្មានថ្ងៃក្រោយមកមានមេធាវីជើងចាស់ម្នាក់អះអាងថាជាគ្រូ បានទៅចរចាជាមួយមន្រ្តីសាលាដំបូង ដោយសុំទុកពេលឲ្យសិស្សចូលឆ្លើយបំភ្លឺបានយូរថ្ងៃបន្តិច ព្រោះថាពេលនេះជីប ធី បានជួបគ្រោះថ្នាក់ចរាចរណ៍បាក់ជើងទៅសម្រាកព្យាបាលនៅឯប្រទេសវៀតណាមបាត់ទៅហើយ។ ការអះអាងពីសំណាក់គ្រូមេធាវីខាងលើនេះ ពុំមានអ្វីជាសំអាងដែលអាចឲ្យតំណាងអយ្យការជឿទុកចិត្តបានទេ ទើបសាលាដំបូងចេញដីកាកោះហៅឲ្យចូលខ្លួនជាថ្មីមួយទៀតនៅព្រឹកនេះ។
អ្នកតាមដានហេតុការណ៍បាននិងកំពុងរង់ចាំ មើលថា តើឈ្មោះជីប ធី ហ៊ានចូលតុលាការដែរឬអត់ បើខ្លួនឯងជា«តួឯក»ក្នុងរឿងនេះ។ អ្នកវិភាគបានទាយទុករួចហើយថា ទោះបីវ៉ៃឲ្យស្លាប់ ឬវ៉ៃ «ដប់រាប់មួយ» ក៏ជីប ធី មិនល្ងង់ចូលខ្លួនតាមការកោះហៅនោះដែរ។ បើមកដល់សាលាដំបូងមែន ទាល់តែសមត្ថកិច្ចនាំមក ទើប អាចធានាថា បានមកមែន។
គួររំលឹកថា កាលពីថ្ងៃទី១៥ កក្កដា ឆ្នាំ២០១១ អ្នកស្រីឈន ដានី អាយុ៤២ឆ្នាំ មានទីលំនៅភូមិស្វាយធី ឃុំបឹងរំាង ស្រុកកំរៀង ខេត្តបាត់ដំបង បានដាក់ពាក្យបណ្តឹងប្តឹងឈ្មោះជីប ធី ភេទប្រុស អាយុ៤៣ឆ្នាំ ជាសិស្សមេធាវី ស្នាក់នៅផ្ទះលេខ១៨ ផ្លូវលេខ៣៤៤ ភូមិ៦ សង្កាត់បឹងសាឡាង ខណ្ឌទួលគោក ដោយចោទប្រកាន់ពីបទរំលោភសេពសន្ថវៈ និងប៉ុនប៉ងសម្លាប់កូនស្រីរបស់គាត់ ។
ពាក្យបណ្តឹងបានចោទប្រកាន់ឈ្មោះជីប ធី ថា ក្នុងអំឡុងខែមិថុនា ឆ្នាំ២០១១ អ្នកស្រីបានឆែកហោប៉ៅខោកូនស្រីឃើញមានថ្នាំពន្យារកំណើតជាច្រើនគ្រាប់ លុះពេលអ្នកស្រីសួរដេញដោលទៅ ទើបដឹងថានាងត្រូវឈ្មោះជីប ធី រំលោភជាច្រើនដង។ ពាក្យបណ្តឹងបានចោទប្រកាន់ទៀតថា មុនលេចធ្លាយរឿងនេះ កូនអ្នកស្រីបានចេញពីស្រុកកំណើតមករាជធានីភ្នំពេញ ក្នុងគោលបំណងចង់ប្រឡងចម្រៀងនៅស្ថានីយទូរទស្សន៍មួយ ពេលនោះប្តីនិងអ្នកស្រីបានផ្ញើកូនឲ្យស្នាក់នៅជាមួយឈ្មោះជីប ធី ដែលជាអ្នកស្រុកភូមិផងរបងជាមួយគ្នា ហើយក៏ត្រូវជាមិត្តភក្តិទៀតផង។
ការផ្ញើកូនក្រមុំអាយុ១៦ឆ្នាំនេះ ឲ្យនៅជាមួយជីប ធី ប្រៀបដូចយកពងមាន់មកផ្ញើនឹងក្អែកដូច្នោះដែរ។ បានជានិយាយយ៉ាងដូច្នោះ ព្រោះជីប ធី បានលួងលោមកូនស្រីគាត់នាំទៅរំលោភសេពសន្ថវៈជាច្រើនដង។
បន្ទាប់ពីត្រូវបែកការណ៍រឿនេះ ឈ្មោះជីប ធី បានអង្វរករអ្នកស្រីនិងប្តីកុំឲ្យមានការប្តឹងប្តល់ និងដើម្បីបញ្ចប់រឿង ជីប ធី ឯកភាពបង់ថ្លៃទឹកដោះជាទឹកប្រាក់ចំនួន៣.០០០ដុល្លារសហរដ្ឋអាមេរិក។ ប្រាក់នោះជីប ធី តម្រូវឲ្យប្តីអ្នកស្រីមកទទួលយកនៅរាជធានីភ្នំពេញ តែផ្ទុយទៅវិញជីប ធី បានរៀបអន្ទាក់ជាមួយសមត្ថកិច្ចជាស្រេចចាំចាប់ខ្លួនប្តីអ្នកស្រី និងមិត្តភក្តិគាត់ម្នាក់ដែលបានជូនដំណើរមកជាមួយដោយចោទប្រកាន់ពួកគាត់ថា ជាជនគំរាមតាមទូរស័ព្ទជម្រិតទារប្រាក់ពីគាត់។ ដូចនេះប្តីអ្នកស្រីគឺឈ្មោះជួប សំបាន និងឈ្មោះសាញ់ សុខែម ដែលជូនដំណើរត្រូវប៉ូលិសចាប់ខ្លួនមែន និងត្រូវបានតុលាការឃុំខ្លួនដាក់ពន្ធនាគារព្រៃសអស់រយៈពេល២២ថ្ងៃ។ ក្នុងអំពើអយុត្តិធម៌បំផុតនោះ បើកុំតែមានប្រតិកម្មពីសំណាក់លោកជីវ កេង ប្រធានសាលាដំបូងរាជធានីភ្នំពេញ ម៉្លេះសមពួកគាត់ត្រូវជាប់គុកជាច្រើនឆ្នាំពីបទល្មើសឧក្រិដ្ឋនេះជាមិនខាន ៕
ចែករំលែកព័តមាននេះ