ADផ្ទាំងផ្សព្វផ្សាយពាណិជ្ជកម្ម

Picture

វេទិកា​​សាធារណៈស្តីពី​​​ការអនុវត្ត​​គោល​​នយោ​បាយ​ភូមិ​​-​ឃុំ​មាន​សុវត្ថិភាព​

13 ឆ្នាំ មុន

ខេត្តព្រៃវែង ៖ ​ កាលពី​​រសៀល​ថ្ងៃទី​​២៩ ខែកក្កដា ​ឆ្នាំ​២០១១​ នៅ​វត្ត​​​ព្រែក​​ខ្សាយ​ ​ស្ថិត​​​ក្នុង​​ភូមិ​​ព្រែក​​ខ្សាយ​​​ ឃុំ​​ព្រែក​ខ្សាយ«ក» ​​ ស្រុក​​​ពាមរក៍​ ​មាន​រៀបចំ​វេទិកា​​​សាធារណៈ​​ស្តីពីការ​​​អនុវត្ត​​គោល​នយោ​បាយ​​ភូមិ-​​​ ឃុំ​មាន​​សុវត្ថិភាព​​​​ក្រោម​​អធិបតីភាព​​​លោក​​ថោង ​វរលក្ខណ៍​ តំណាង​​​លោក​នាយឧត្តម​សេនីយ៍​​

ខេត្តព្រៃវែង ៖ ​ កាលពី​​រសៀល​ថ្ងៃទី​​២៩ ខែកក្កដា ​ឆ្នាំ​២០១១​ នៅ​វត្ត​​​ព្រែក​​ខ្សាយ​ ​ស្ថិត​​​ក្នុង​​ភូមិ​​ព្រែក​​ខ្សាយ​​​ ឃុំ​​ព្រែក​ខ្សាយ«ក» ​​ ស្រុក​​​ពាមរក៍​ ​មាន​រៀបចំ​វេទិកា​​​សាធារណៈ​​ស្តីពីការ​​​អនុវត្ត​​គោល​នយោ​បាយ​​ភូមិ-​​​ឃុំ​មាន​​សុវត្ថិភាព​​​​ក្រោម​​អធិបតីភាព​​​លោក​​ថោង ​វរលក្ខណ៍​ តំណាង​​​លោក​នាយឧត្តម​សេនីយ៍​​នេត សាវឿន អគ្គ​ស្នង​ការ​​នគរ​បាល​​ជាតិ​​ ដែល​​ជា​ក្រុម​​ការងារ​ថ្នាក់​ជាតិ​​ទី៣ ចុះ​ជួយ​​ខេត្ត​ព្រៃវែង​ ។​ ​អញ្ជើញ​​​​ចូលរួម​​​ក្នុងវេទិកា​នេះ​​មាន​​លោក​ឧត្តម​​​សេនីយ៍​​​ត្រី​​ឃី សាមឿន  អនុប្រធាន​​​នាយក​ដ្ឋាន​​​​ផែន​ការ​​​ស្ថិតិ​​​នៃអគ្គ​​ស្នង​ការ​​ដ្ឋាន​​​នគរ​បាល​​​ជាតិ ព្រម​ទាំង​​​លោក​​អភិបាល​​​ស្រុក​ពាមរក៍​​ មន្ត្រី​នានា​​​ និង​​ប្រជា​ពលរដ្ឋ​​សរុប​​​​​​​​​​​ជាង​​៤០០​​នាក់​ ។

លោក​​សៅ ប្រសិដ្ឋ​​ អភិបាល​​ស្រុក​​​ពាមរក៍​​ និង​ជា​​​ប្រធាន​គណៈ​​បញ្ជា​ការ​​ឯកភាព​​ស្រុក​​​​​​បាន​មាន​​ប្រសាសន៍​​ថា ការ​បើក​វេទិកា​​​សាធា​រណៈ​​នាពេល​នេះគឺជា​​​បំណង​ប្រាថ្នា​​​​ និង​​​ជា​តម្រូវ​ការ​​ចាំបាច់​បំផុត​របស់​អាជ្ញាធរ​មូល​ដ្ឋាន​ក៏ដូច​ជា​​​គណៈបញ្ជាការ​​ឯក​ភាព​ស្រុក​ផងដែរ ​ព្រោះ​វាជា​គន្លឹះ​​​ដ៏សំខាន់​​​បំផុត​ក្នុង​ការ​​​​ផ្សព្វ​ផ្សាយ​​​​នូវ​រាល់​​​ខ្លឹម​សារ​​ និងអត្ថ​ន័យ​នៃ​គោល​នយោ​បាយ​​​ភូមិ-ឃុំ​មាន​​សុវត្ថិភាព​​ ឱ្យ​កាន់​តែ​​ស៊ីជម្រៅ​​​​ដល់​ប្រជា​ពល​រដ្ឋ​ ។ ជាមួយ​នេះ​បាន​បក​ស្រាយ​​បំភ្លឺ​រាល់​​​​ចម្ងល់​​​ផ្សេងៗ​​​ដែល​​ពាក់​ព័ន្ធ​​​ជាមួយ​​សកម្ម​ភាព​អនុវត្ត​កន្លងទៅ​ និង​ជាការ​​​កែលម្អ​​រាល់​កំហុស​​ឆ្គង​ដែល​យើងអនុវត្ត​ពុំ​ទាន់​​បាន​គ្រប់​​ជ្រុង​ជ្រោយ​​​​ ហើយ​យើង​នឹង​ទទួល​បាន​​​មក​វិញ​​នូវ​លទ្ធផល​​​ជាវិជ្ជមាន​គឺការចូល​រួម​សហការ​​ដ៏ល្អ​​ និង​សស្រាក់​សស្រាំ​​​ប្រកប​ដោយ​ជោគជ័យ ។

លោក​​ឧត្តម​សេនីយ៍​​​ទោថោង វរលក្ខណ៍​ បាន​​កោត​សរសើរ​​ថ្នាក់​​ដឹកនាំគ្រប់​​​លំដាប់​​ថ្នាក់​ដែល​​បាន​ពុះ​ពារ​គ្រប់​ឧបសគ្គ​​​​ដើម្បី​បម្រើ​ផល​ប្រយោជន៍​​​ប្រជាពលរដ្ឋ​ ក្នុង​នោះ​លោក​​ក៏​បាន​​​ពាំនាំ​ការ​ផ្តាំផ្ញើ​​​សួរសុខទុក្ខ​​​​ពី​ថ្នាក់​ដឹកនាំ​កំពូលៗ​ ទោះបី​​​​លោក​​​មានការ​​រវល់​​យ៉ាងណា​​ក៏ដោយ​​​ ក៏​លោក​មិនភ្លេច​​ផ្តាំ​ផ្ញើ​សួរសុខទុក្ខ​​បងប្អូន​ប្រជា​ពលរដ្ឋ​​ទេ ។  លោក​បាន​​​មាន​ប្រសាសន៍​​​បន្ត​ថា លោក​បានចុះ​ទៅជួបជាមួយ​​​ប្រជាពលរដ្ឋ​​នៅ​តាម​បណ្តា​ស្រុក​​មួយចំនួន​​ដូច​ជា​​ ស្រុក​ព្រះស្តេច​ កំពង់​​​ត្របែក​ បាភ្នំ និងស្រុក​ស្វាយ​​អន្ទរ​ផង​ដែរ ឃើញ​ថា​ប្រជា​ពលរដ្ឋ​​មាន​ការ​​យល់​ដឹង​​ច្រើន​​​ជាង​មុន ។ លោក​​​បន្ត​ថា ​ថ្វី​ដ្បិត​​​​បទ​ល្មើស​​មួយ​ចំនួន​​បាន​កើន​ឡើង​​មែន ប៉ុន្តែ​​​យើងនៅ​តែ​បង្ក្រាប​​​បាន​ស្ទើរ​ទាំង​ស្រុង​ ដោយ​សារតែ​ប្រជា​ពលរដ្ឋ​​​​ចូលរួម​​សហការ​ជាមួយ​​កម្លាំង​សមត្ថ​កិច្ច​​​​យើង​​គ្រប់​ពេល​​​ ។ នេះ​​បញ្ជាក់​​​ឱ្យ​ឃើញ​ថា​​ ការ​អនុវត្ត​គោល​នយោ​បាយ​​របស់​រាជ​រដ្ឋា​ភិបាល​​​ដែល​​មាន​​សម្តេចអគ្គ​​មហា​​​ទាំង៣​​ជាប្រមុខ​​​ដឹកនាំ​​ដ៏ឈ្លាសវៃ​​ ធ្វើ​ឱ្យ​​ប្រទេស​យើង​​​​ ប្រជា​ពលរដ្ឋ​​​យើង​មាន​​​​ការ​អភិវឌ្ឍ​​លើ​គ្រប់​វិស័យ​​យ៉ាង​​ឆាប់​រហ័ស​​ ។ ​លោកបាន​ស្នើ​​ឱ្យ​ប្រជា​ពល​រដ្ឋ​​​ដែល​​បាន​ចូលរួម​​ក្នុង​វេទិកា​​សាធារណៈ​នេះ ចូលរួម​ផ្តល់​យោបល់​ល្អៗ​ និងជួយ​កែលម្អ​​ចំណុច​​ខុស​ឆ្គង​​​​​កន្លងមក​ឱ្យ​បាន​​ផុល​ផុស​ថែមទៀត ហើយ​​​ចៀស​វាង​​​​ការប្រព្រឹត្ត​ខុស​ប្រាសចាក​​ពី​គោល​​នយោ​បាយ​​ភូមិ​-ឃុំ​មាន​សុវត្ថិភាព ​៕