រាជធានីភ្នំពេញ ៖ និស្សិតសាកលវិទ្យាល័យន័រតុនពីរនាក់ ម្នាក់បាក់កស្លា.ប់ និងម្នាក់ទៀតរងរបួសបាក់ភ្លៅក្នុងហេតុការណ៍បើកម៉ូតូបុកចិញ្ចើម សួនច្បារផ្លូវលេខ៧៤កែងនឹងផ្លូវលេខ៤៧ ស្ថិតក្នុងសង្កាត់ស្រះចក ខណ្ឌដូនពេញ កាលពីវេលាម៉ោង១២និង៣០នាទីរំលងអធ្រាត្រឈានចូលថ្ងៃទី៣ សីហា ២០១១ ។
រាជធានីភ្នំពេញ ៖ និស្សិតសាកលវិទ្យាល័យន័រតុនពីរនាក់ ម្នាក់បាក់កស្លាប់ និងម្នាក់ទៀតរងរបួសបាក់ភ្លៅក្នុងហេតុការណ៍បើកម៉ូតូបុកចិញ្ចើមសួនច្បារផ្លូវលេខ៧៤កែងនឹងផ្លូវលេខ៤៧ ស្ថិតក្នុងសង្កាត់ស្រះចក ខណ្ឌដូនពេញ កាលពីវេលាម៉ោង១២និង៣០នាទីរំលងអធ្រាត្រឈានចូលថ្ងៃទី៣ សីហា ២០១១ ។
សាក្សីបាននិយាយថា មុនពេលកើតហេតុមានម៉ូតូមួយគ្រឿងម៉ាកស្កុបពី ពណ៌ស ពាក់ស្លាកលេខ ភ្នំពេញ 1AN-5613 ជិះគ្នា២នាក់បានធ្វើដំណើរតាមមហាវិថីព្រះមុនីវង្សឆ្ពោះទៅទិសខាងជើងក្នុងល្បឿនលឿនទំនងជាស្រវឹងស្រា។ លុះដល់រង្វង់មូលរូបសំណាក់កាំភ្លើងកួចកាណុងម៉ូតូនោះបានបត់ស្តាំតាមផ្លូវលេខ៤៧ ស្ថិតក្នុងសង្កាត់ស្រះចក ខណ្ឌដូនពេញ បានជ្រុលចង្កូតទៅបុកចិញ្ចើមសួនច្បារទាំងកំរោលបណ្តាលឱ្យអ្នកបើកម៉ូតូ និងអ្នករួមដំណើរដួលបោកខ្លួនទៅលើឥដ្ឋ រីឯម៉ូតូបានខ្ទាតចេញពីកន្លែងកើតហេតុចម្ងាយប្រហែល៥ម៉ែត្រតែមិនខូចខាតធ្ងន់ធ្ងរនោះទេ។ ភ្លាមនោះអ្នកបើកម៉ូតូស្លាប់នៅនឹងកន្លែងចំណែកអ្នកជិះពីក្រោយបាក់ភ្លៅខាងស្តាំត្រូវបានរថយន្តពេទ្យឯកជនមួយនៅខណ្ឌទួលគោកមកដឹកយកទៅបាត់។
តាមព័ត៌មានពីមន្ត្រីនគរបាលមូលដ្ឋានបានប្រាប់ថា អ្នកបើកម៉ូតូដែលស្លាប់ដោយសារបាក់កនោះឈ្មោះស្រីុ តុលា ភេទប្រុស អាយុ២២ឆ្នាំ ស្នាក់នៅផ្ទះលេខ៣៨Eo មហាវិថីព្រះមុនីវង្សសង្កាត់អូឫស្សីទី៤ ខណ្ឌ៧មករា។ ចំណែកអ្នករួមដំណើររងរបួសបាក់ភ្លៅឈ្មោះណុត លីដា ភេទប្រុស អាយុ២២ឆ្នាំ ស្នាក់នៅផ្ទះលេខ៣៤ ផ្លូវ២០០៤ សង្កាត់កាកាប ខណ្ឌដង្កោ ជនរងគ្រោះទាំងពីរនាក់ខាងលើជានិស្សិតនៃសាកលវិទ្យា
ល័យន័រតុន។
បុរសម្នាក់ដែលឃើញហេតុការណ៍បាននិយាយថា មុនពេលជួបគ្រោះអាក្រក់នេះ ជនរងគ្រោះទាំងពីរនាក់ខាងលើបានចេញពីហាងផឹកស៊ីមួយនៅម្តុំកំពង់ផែភ្នំពេញ វិថីព្រះស៊ីសុវត្ថ សង្កាត់ ស្រះចក ខណ្ឌដូនពេញ ហើយបើកលឿនស្លេវ តាមផ្លូវទើបជួបគ្រោះថ្នាក់បែបនេះ។ សពនិស្សិតរងគ្រោះស្រ៊ី តុលា និងម៉ូតូត្រូវបាននគរបាលចរាចរផ្លូវគោកប្រគល់ទៅឱ្យក្រុមគ្រួសារកាលពីព្រឹកថ្ងៃទី៣ សីហា៕
ចែករំលែកព័តមាននេះ