លោក កឹម សុខា ត្រូវបានអនុញ្ញាតឱ្យទៅជួបមុខម្តាយកំពុងមានជំងឺធ្ងន់ ក្រោយស្នើសុំទៅតុលាការ
- ភ្នំពេញ
រាជធានីភ្នំពេញ ៖ លោក កឹម សុខា អតីតប្រធានគណបក្សសង្គ្រោះជាតិ ដែលកំពុងស្ថិតឃុំខ្លួនក្នុងគេហដ្ឋានមិនអនុញ្ញាតឱ្យចេញពីផ្ទះតាមដីការរបស់តុលាការ ត្រូវបានអនុញ្ញាតឱ្យទៅជួបមុខម្តាយដែលចាស់ជរាមានជំងឺ នាព្រឹកថ្ងៃទី២០ ខែឧសភា ឆ្នាំ២០២៦ ក្រោយពីមានការស្នើសុំទៅតុលា
ការ ។
លោក ផែន ហេង មេធាវីលោក កឹម សុខា បានឱ្យដឹងតាមបណ្តាញសង្គមយ៉ាងដូច្នេះថា «ព្រឹកថ្ងៃនេះ (20/5/2026) ឯកឧត្តម កឹម សុខា ត្រូវបានកម្លាំងនគរបានក្រសួងមហាផ្ទៃជូនឯកឧត្តមមកជួបមុខម្តាយរបស់គាត់ ដែលប្អូនគាត់បានយកមកនៅផ្ទះក្នុងបុរី ក្នុងរាជធានីភ្នំពេញ» ។
លោកមេធាវីថា គួរសង្វេគ ពេលគាត់ឮសម្លេងឯកឧត្តម គាត់ខំប្រឹងព្រិកៗភ្នែក ហាក់បង្ហាញថា គាត់នៅស្តាប់ឮ សម្រែកហៅរបស់ឯកឧត្តម និងខំប្រឹងចង់ស្តាប់ព្រះធម៌ ។ លោកមេធាវីបានលើកឡើងថា ក្នុងសាលក្រមដាក់ក្រោមការត្រួតពិនិត្យតាមផ្លូវតុលាការ ឯកឧត្តម កឹម សុខា ត្រូវសុំអនុញ្ញាតពីព្រះរាជអាជ្ញា ទើបអាចចេញពីផ្ទះបាន ៕
ចែករំលែកព័តមាននេះ