ខេត្តបាត់ដំបង ៖ សមត្ថកិច្ចមូលដ្ឋានបានឃាត់ខ្លួនក្មេងប្រុសជំទង់អាយុ១៦ឆ្នាំ ម្នាក់កាលពីវេលាម៉ោង៨យប់ថ្ងៃទី៣១ កក្កដា កន្លងទៅក្រោយពីមានបណ្តឹងចោទប្រកាន់ថា រូបគេជាប់សង្ស័យចាប់រំលោភកុមារីអាយុ៦ឆ្នាំម្នាក់កាលពីសប្តាហ៍ មុននៅឃុំតាសាញ ស្រុកសំឡូត តែត្រូវបានបដិសេធចំពោះការចោទប្រកាន់នេះ ។
ខេត្តបាត់ដំបង ៖ សមត្ថកិច្ចមូលដ្ឋានបានឃាត់ខ្លួនក្មេងប្រុសជំទង់អាយុ១៦ឆ្នាំ ម្នាក់កាលពីវេលាម៉ោង៨យប់ថ្ងៃទី៣១ កក្កដា កន្លងទៅក្រោយពីមានបណ្តឹងចោទប្រកាន់ថា រូបគេជាប់សង្ស័យចាប់រំលោភកុមារីអាយុ៦ឆ្នាំម្នាក់កាលពីសប្តាហ៍មុននៅឃុំតាសាញ ស្រុកសំឡូត តែត្រូវបានបដិសេធចំពោះការចោទប្រកាន់នេះ ។
លោកហុក ហឿត អធិការរងនគរបាលស្រុកសំឡូតបានឱ្យដឹងថា ក្មេងប្រុសជំទង់រូបនេះឈ្មោះប៉ុន រ័ត្ន អាយុ១៦ឆ្នាំ ហើយសមត្ថ
កិច្ចរបស់លោកបានចាត់ការលើសំណុំរឿងនេះ ក្រោយពីម្តាយកុមារីដាក់ពាក្យបណ្តឹងចោទប្រកាន់ពីរឿងអាស្រូវនេះដែលត្រូវបានទម្លាយប្រាប់ដោយកុមារីម្នាក់ទៀត។
ចំណែកម្តាយក្មេងស្រីបានរៀបរាប់នៅក្នុងកំណត់ហេតុរបស់សមត្ថកិច្ចថា រូបគាត់និងស្វាមីបានទៅចម្ការដែលនៅឆ្ងាយពីផ្ទះចាប់ពីថ្ងៃទី២៣ កក្កដា ដោយយកកូនស្រីតូចៗ៣នាក់ផ្ញើជីដូន ។ លុះពេលគាត់ត្រឡប់ពីចម្ការវិញនៅថ្ងៃទី៣១ កក្កដា ស្រាប់តែក្មេងស្រីម្នាក់ប្រាប់ថា ឈ្មោះរ័ត្ន បានចាប់កូនស្រីគាត់រំលោភ ហើយពេលសួរកូនស្រីបន្ថែមក៏និយាយដូចគ្នា ទើបគាត់ទៅប្តឹងសមត្ថកិច្ចតែម្តង ។
រីឯតាមការបំភ្លឺរបស់ក្មេងស្រីថា ខណៈពួកនាង៣នាក់កំពុងលេងជុំគ្នាពេលថ្ងៃនៅក្បែរផ្ទះនាថ្ងៃទី២៥ កក្កដា ត្រូវឈ្មោះរ័ត្នមកបបួលចូលបន្ទប់មួយដែលទុកម៉ូតូ។ នាងនិយាយថា គ្រានោះឈ្មោះរ័ត្នបានឱ្យតំណាប់ពុទ្រាពួកនាងញ៉ាំ លុះក្រោយមកបានស្រាតខោនាង រួចធ្វើសកម្មភាពតិចៗ តែមិនធ្វើឱ្យនាងឈឺចាប់ទេ។ រីឯកុមារី២នាក់ទៀត ក៏បានបំភ្លឺប្រាប់សមត្ថកិច្ចដូចគ្នាដែរ។ ទោះបីជាបែបណា ឈ្មោះប៉ុន រ័ត្ន បានបដិសេធថាខ្លួនមិនបានប្រព្រឹត្តអ្វីទាំងអស់ តែខ្លួនធ្លាប់តែលេងសើចជាមួយពួកក្មេងៗទាំងនោះ នាពេលកន្លងមក ព្រោះផ្ទះនៅជិតគ្នា។
លោកហុក ហឿត បានបញ្ជាក់ថា យើងបានស្នើឱ្យគ្រូពេទ្យពិនិត្យកុមារីនោះហើយគ្រូពេទ្យប្រាប់ថា នាងមានស្នាមជាំលើប្រដាប់ភេទ ដែលប៉ះទង្គិចដោយវត្ថុរឹង ទើបសម្រេចកសាងសំណុំរឿងបញ្ជូនឈ្មោះប៉ុន រ័ត្ន ទៅស្នងការដ្ឋាន ដើម្បីចាត់ការបន្តតាមច្បាប់ ៕
ចែករំលែកព័តមាននេះ