រាជធានីភ្នំពេញ ៖ ដោយអនុវត្តតាមយុទ្ធ សាស្ត្ររបស់គណបក្សប្រជាជនកម្ពុជាក្រោមការដឹកនាំរបស់សម្តេចអគ្គ មហាទាំង៣ និងជាការចូលរួមចំណែកជាមួយកាកបាទក្រហមកម្ពុជាក្រោមការដឹកនាំ របស់លោកជំទាវកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន លោកគួច ចំរើន អភិបាលខណ្ឌមាន
រាជធានីភ្នំពេញ ៖ ដោយអនុវត្តតាមយុទ្ធ សាស្ត្ររបស់គណបក្សប្រជាជនកម្ពុជាក្រោមការដឹកនាំរបស់សម្តេចអគ្គមហាទាំង៣ និងជាការចូលរួមចំណែកជាមួយកាកបាទក្រហមកម្ពុជាក្រោមការដឹកនាំរបស់លោកជំទាវកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន លោកគួច ចំរើន អភិបាលខណ្ឌមានជ័យ រួមដំណើរដោយលោកពៅ ហួត ចៅសង្កាត់ច្បារអំពៅទី១ លោកយ៉ិន វុធ ចៅសង្កាត់ច្បារអំពៅទី២ ព្រមទាំងមន្ត្រីនានាជុំវិញសាលាខណ្ឌមានជ័យជាច្រើនរូប បាននាំយកអំណោយទៅចែកជូនដល់ប្រជាពលរដ្ឋក្រីក្ររស់នៅសង្កាត់ក្បាលកោះចំនួន១២គ្រួសារ កាលពីព្រឹកថ្ងៃទី២ សីហា ឆ្នាំ២០១១ ។
អំណោយដែលប្រជាពលរដ្ឋក្នុងមួយគ្រួសារៗទទួលបានរួមមាន អង្ករ២៥គីឡូក្រាម មី១កេស ត្រីខ១០កំប៉ុង ទឹកត្រី១យួរ ទឹកស៊ីអ៊ីវ ១យួរ អំបិល២គីឡូក្រាម ស្ករ.ស ២គីឡូក្រាម សារុង១ និងថវិកា៥ម៉ឺនរៀល ។ លោកគួច ចំរើន មានប្រសាសន៍ក្នុងឱកាសចុះចែកអំណោយដល់បងប្អូនប្រជាពលរដ្ឋខាងលើនេះ ថា ស្តែងចេញពីការគិតគូរនូវសុខទុក្ខរបស់បងប្អូនតាមគោលនយោបាយរបស់គណបក្សប្រជាជនកម្ពុជា ទើបរូបលោកផ្ទាល់ និងក្រុមការងារទាំងអស់បានធ្វើអំណោយយកមកឧបត្ថម្ភដល់បងប្អូនប្រជាពលរដ្ឋដែលកំពុងជួបប្រទះនូវ ការខ្វះខាតជាក់ស្តែង ដើម្បីជាការចូលរួមរំលែកនូវទុក្ខលំបាករបស់បងប្អូនបានមួយកម្រិតដែរ។
ជាមួយនឹងសកម្មភាពខាងលើនេះ ប្រជាពលរដ្ឋទាំង១២គ្រួសារបានថ្លែងអំណរគុណដល់អាជ្ញាធរខណ្ឌមានជ័យ ដែលបានគិតគូរដល់
សុខទុក្ខរបស់ប្រជាពលរដ្ឋក្នុងមូលដ្ឋានជាប់ជាប្រចាំ ៕
ចែករំលែកព័តមាននេះ