ក្រុងប៉ោយប៉ែត ៖ ពលករខ្មែរដែលត្រូវបានចាប់បញ្ជូនពីសៀមមកវិញ មានចំនួនកើនឡើងដោយគ្មានការថយចុះទេ តាមច្រកទ្វារអន្តរជាតិប៉ោយប៉ែត ភាគច្រើនបានប្រាប់ថា ឆ្លងដែនតាមច្រករបៀង និងមួយចំនួនទៀតប្រាប់ថា ឆ្លងតាមច្រកទ្វារអន្តរជាតិប៉ោយប៉ែត ដោយគ្រាន់តែចំណាយលុយធ្វើប័ណ្ណ
ក្រុងប៉ោយប៉ែត ៖ ពលករខ្មែរដែលត្រូវបានចាប់បញ្ជូនពីសៀមមកវិញ មានចំនួនកើនឡើងដោយគ្មានការថយចុះទេ តាមច្រកទ្វារអន្តរជាតិប៉ោយប៉ែត ភាគច្រើនបានប្រាប់ថា ឆ្លងដែនតាមច្រករបៀង និងមួយចំនួនទៀតប្រាប់ថា ឆ្លងតាមច្រកទ្វារអន្តរជាតិប៉ោយប៉ែត ដោយគ្រាន់តែចំណាយលុយធ្វើប័ណ្ណឆ្លងដែនប៉ុណ្ណោះ។
ពលករចំណាកស្រុកដែលសៀមចាប់បញ្ជូនមកវិញ នៅព្រឹកថ្ងៃទី២ សីហា គិតត្រឹមម៉ោង១០មានចំនួន៣រថយន្ត ដែលមានចំនួនសរុបជិត២០០នាក់ ។ ពលករទាំងនោះត្រូវបានមន្ត្រីប៉ូលិសអន្តោប្រវេសន៍ប្រាប់តាមទូរស័ព្ទថា ក្នុងនោះមានកុមារប្រហែល២០នាក់ ។ តាមការសាកសួរពលករមួយចំនួនតូចនិយាយថា ពួកគេបានកាន់ប័ណ្ណឆ្លងដែនផុតកំណត់ ហើយក៏បោះបង់ប័ណ្ណនោះចោល រួចបន្តដំណើរទៅក្រុងបាងកក ប៉ុន្តែពុំទាន់ទាំងដល់គោលដៅផង ត្រូវបានគេចាប់បញ្ជូនត្រឡប់មកវិញ។
ជុំវិញបញ្ហាការប្រើប័ណ្ណឆ្លងដែនទៅដីសៀម និងការចាប់បញ្ជូនត្រឡប់មកវិញដែលពលករមួយចំនួនត្រូវបានលោកលាក់ រម្មនា ប្រធានសេនាធិការប៉ូលិសអន្តោប្រវេសន៍ច្រកទ្វារអន្តរជាតិប៉ោយប៉ែតប្រាប់តាមទូរស័ព្ទនៅព្រឹកថ្ងៃទី២ សីហា ថា ដោយសារពលករទាំងនោះស្នាក់នៅលើសកំណត់កាលបរិច្ឆេទរបស់ប្រទេសទាំង២ ទើបពួកគេមិនត្រឡប់មកវិញ។ លោកបានបន្តថា ប័ណ្ណឆ្លងដែន (Border Pass) ជាគោលការណ៍អាចស្នាក់នៅបានត្រឹមតែ៧ថ្ងៃប៉ុណ្ណោះ ត្រូវវិលត្រឡប់មកបំពេញបែបបទសាជាថ្មីទៀត ដែលប័ណ្ណនេះអនុញ្ញាតសម្រាប់តែ២ខេត្តទាំងកម្ពុជា និងសៀម ។
គេកត់សម្គាល់ថា ពលករបច្ចុប្បន្នដោយសារការចូលទៅដីសៀមមានភាពងាយស្រួលតាមរយៈការធ្វើប័ណ្ណឆ្លងដែន ទើបពួកគេមកពីតាមបណ្តាខេត្តផ្សេងៗធ្វើប័ណ្ណឆ្លងដែនចូលទៅដីសៀមតាមច្រកអន្តរជាតិវិញ ៕
ចែករំលែកព័តមាននេះ