រាជធានីភ្នំពេញ ៖ តារាកំប្លែងនាយ គ្រោង ត្រូវបានគេផ្សព្វផ្សាយនៅលើបណ្តាញសង្គមថា បច្ចុប្បន្នតារាកំប្លែងរូបនេះ កំពុងតែរស់នៅក្នុងជីវភាពក្រលំបាកយ៉ាងខ្លាំង បន្ទាប់ពីលោកបាត់មុខពីអាជីពសិល្បៈអស់ប៉ុន្មានឆ្នាំចុងក្រោយនេះ ។ បើយោងតាមការចុះផ្សាយពីផេកហ្វេសប៊ុកក្រុមព្រះសុរិយា…
រាជធានីភ្នំពេញ ៖ តារាកំប្លែងនាយ គ្រោង ត្រូវបានគេផ្សព្វផ្សាយនៅលើបណ្តាញសង្គមថា បច្ចុប្បន្នតារាកំប្លែងរូបនេះ កំពុងតែរស់នៅក្នុងជីវភាពក្រលំបាកយ៉ាងខ្លាំង បន្ទាប់ពីលោកបាត់មុខពីអាជីពសិល្បៈអស់ប៉ុន្មានឆ្នាំចុងក្រោយនេះ ។
បើយោងតាមការចុះផ្សាយពីផេកហ្វេសប៊ុកក្រុមព្រះសុរិយា បានអោយដឹងថា តារាកប្លែង «នាយគ្រោង» ជាតួកំប្លែង និងតែងតែសម្តែងសឹងតែគ្រប់សាច់រឿង ទាំងនៅតាមបណ្តាផលិតកម្មទូទៅទាំងក្នុងស្រុក និងនៅក្រៅស្រុក ជាពិសេសគាត់បានសម្តែងជាមួយលោក ព្រាប សុវត្ថិ និងនាយព្រែកក្នុងបទ «ភ្លេចសន្យាសាយ័ណ្ហ» ។
សព្វថ្ងៃនេះ គាត់បានធ្លាក់ខ្លួនលំបាកមករស់នៅជាមួយកូន ក្នុងភូមិត្រពាំងលើក ឃុំវល្លិសរ ស្រុកសំរោងទង ខេត្តកំពង់ស្ពឺ ។ តារាកំប្លែងដ៏ល្បី និងមានឈ្មោះទទួលស្គាល់ពីមហាទស្សនិកជនខ្មែរម្នាក់ នៅក្នុងសង្គមរបស់យើង គឺ «នាយគ្រោង» ដែលមានឈ្មោះពិត អ៊ុក សំណាង វ័យ៧២ឆ្នាំ បានបាត់មុខពីពិភពសិល្បៈយូរហើយ នៅពេលនេះគាត់បានធ្លាក់ខ្លួនលំបាកហើយ ភរិយារបស់លោកមានជំងឺដើរមិនរួចទៀត និងមិនមានជម្រកស្នាក់សមរម្យទៀត ។
គួរបញ្ជាក់ថា តារាកំប្លែងនាយ គ្រោង បានកសាងភាពល្បីល្បាញរបស់ខ្លួន កាលពីអំឡុងឆ្នាំ១៩៩០ តាមរយៈការបង្ហាញវត្តមានសម្តែងនានាស្ទើរមិនដាច់សូរ ។ ក្រោយប្រឡូកសិល្បៈអស់ជាច្រើនឆ្នាំលោកក៏បានបាត់វត្តមានអាជីពមួយនេះដោយលេចលឺថា លោកកំពុងសម្រាកព្យាបាលជំងឺទឹកនោមផ្អែមនៅស្រុកកំណើត ។ យ៉ាងណាក្រោយជំងឺហាក់មានភាពធូរស្រាល នាយ គ្រោង ហាក់មិនមានផលិតករ ឬស្ថានីយ៍ទូរទស្សន៍ណាហៅលោកសម្តែងទៀតឡើយ ខណៈពេលដែលវ័យរបស់លោកក៏កាន់ចាស់ជរាផងនោះ ៕
ចែករំលែកព័តមាននេះ