មជ្ឈមណ្ឌលគ្រប់គ្រងសុខភាព និងបង្ការជំងឺអាេមរិក (CDC) បានឱ្យដឹងថា មនុស្សពេញវ័យត្រូវទទួលទានដំណេកឱ្យគ្រប់គ្រាន់យ៉ាងហោចណាស់ក៏៧ម៉ោងដែរ ក្នុង១ថ្ងៃ បើពុំដូច្នេះទេ លោកអ្នកនឹងទទួលរងនូវជំងឺច្រើនមុខ។
ជំងឺដែលបណ្តាលមកពីដេកមិនគ្រប់គ្រាន់រួមមាន ខ្សោយថាមពល, ចុករួយ, ឈឺសន្លាក់, ធ្លាក់ទឹកចិត្ត, គិតគូរមិនសូវរហ័ស, ជំងឺបេះដូង, ទឹកនោមផ្អែម, ធាត់, ឆាប់ភ្លេចភ្លាំង…។ អ្នកដែលដេកមិនគ្រប់គ្រាន់បែបនេះគេមិនសូវឱ្យកាន់ចង្កូតរថយន្តបើកបរនោះទេ ព្រោះនឹងបង្កគ្រោះថ្នាក់ដោយសារងងុយដេកនៅពេលបើកបរ។
សូមបញ្ជាក់ថា មនុស្សពេញវ័យគ្រូពេទ្យតម្រូវឱ្យដេកយ៉ាងតិចបំផុត៧ម៉ោងក្នុង១ថ្ងៃ ដើម្បីបំពេញឱ្យសុខភាពលូតលាស់ល្អជាមួយនឹងសេរីរាង្គកាយ ។ ការដេកដើម្បីឱ្យសុខភាពមនុស្សដំណើរការល្អ គឺមនុស្សពេញវ័យត្រូវដេកពី៧ទៅ៩ម៉ោងក្នុង១ថ្ងៃ ក្មេងចូលរៀនអាយុពី៦ទៅ១១ឆ្នាំ ត្រូវដេកពី១០ទៅ១១ម៉ោងក្នុង១ថ្ងៃ, ក្មេងតូចត្រូវដេកពី១២ទៅ១៤ម៉ោង ក្នុង១ថ្ងៃ, កូនង៉ែត ត្រូវដេកពី១៤ទៅ១៥ម៉ោងក្នុង១ថ្ងៃ ។ សូមបញ្ជាក់ថា ត្រឹមតែដេករបៀបសំងំ ប៉ុន្តែដេកមិនលក់ក៏វាមិនទទួលបានផលដែរ៕
ចែករំលែកព័តមាននេះ