រាជធានីភ្នំពេញ ៖ ជនបរទេស០២នាក់ដើរនិយាយជាមួយគ្នាសុខៗ សង្ស័យទាស់ពាក្យសម្តីគ្នា បង្កអោយជនសង្ស័យដកកាំបិត ចាក់ បុរសជាជនរងគ្រោះ បណ្តាលអោយរងរបួសធ្ងន់ ។ ហេតុការណ៍នេះ…
រាជធានីភ្នំពេញ ៖ ជនបរទេស០២នាក់ដើរនិយាយជាមួយគ្នាសុខៗ សង្ស័យទាស់ពាក្យសម្តីគ្នា បង្កអោយជនសង្ស័យដកកាំបិត ចាក់ បុរសជាជនរងគ្រោះ បណ្តាលអោយរងរបួសធ្ងន់ ។
ហេតុការណ៍នេះ បង្កភ្ញាក់ផ្អើលកាលពីវេលាម៉ោង១២ថ្ងៃត្រង់ ថ្ងៃទី ២៥ ខែមេសា ឆ្នាំ២០២៦ នៅចំណុចសួនច្បារ ក្រមង៉ុយ សង្កាត់ចតុមុខ ខណ្ឌដូនពេញ រាជធានីភ្នំពេញ ។
តាមការបញ្ជាក់ពីប្រជាពលរដ្ឋដែលឃើញហេតុការណ៍បានអោយដឹងថា គេបានឃើញជនជាតិបរទេស០២នាក់ (មិនទាន់ស្គាល់អត្តសញ្ញាណ) បានដើរជាមួយគ្នា តាមផ្លូវព្រះស៊ីសុវត្ថិ និយាយគ្នាធម្មតា ខណៈមកដល់ចំណុចសួនច្បារ មិនដឹងថា ឈ្លោះគ្នារឿងអ្វីនោះទេ (ដោយសារតែនិយាយជាភាសាបរទេស) ភ្លាមៗ ជនសង្ស័យ បានដកកូនកាំបិតចិតបន្លែ ចេញពីក្នុងហោប៉ៅខោ យកចាក់ចំក ចំនួន០១កាំបិត រួចដកចេញមកវិញ បណ្តាលអោយហូរឈាមស្រោចពេញខ្លួន ។ ស្របពេលនោះ ជនរងគ្រោះ បានដើរប្រមាណជា២០ម៉ែត្រ ទើបដួលលើសួនច្បារ បង្កអោយផ្អើលឆោរឡោ ពលរដ្ឋក្បែរនោះរាយការណ៍ទៅរថយន្តសង្គ្រោះ មកដឹកបញ្ជូនទៅកាន់មន្ទីរពេទ្យអង្គឌួង និងពលរដ្ឋមួយចំនួនទៀតទាក់ទងសមត្ថកិច្ច ដើម្បីចុះមកអន្តរាគមន៍ផងដែរ ។ ចំណែកជនសង្ស័យ ក្រោយធ្វើសកម្មភាពរួច បានកាន់កូនកាំបិត រត់ចេញពីទីតាំងកើតហេតុ ប្រមាណជា១០០ម៉ែត្រ រួចទម្លាក់កូនកាំបិតចោល ហើយបន្តរត់គេចខ្លួនបាត់ស្រមោល ។
បច្ចុប្បន្ន សមត្ថកិច្ចមូលដ្ឋានកំពុងធ្វើការស្រាវជ្រាវស្វែងរកជនសង្ស័យ ដើម្បីយកមកផ្តន្ទាទោសតាមផ្លូវច្បាប់ ៕
ចែករំលែកព័តមាននេះ