រាជធានីភ្នំពេញ ៖ ក្នុងប៉ុន្មានឆ្នាំចុងក្រោយនេះ រាជធានីភ្នំពេញបានឃើញការកើនឡើងយ៉ាងច្បាស់នៃការចាប់អារម្មណ៍លើម្ហូបអន្តរជាតិ ហើយម្ហូបបែបប្រទេសបារាំងនៅតែមានប្រជាប្រិយភាពខ្ពស់ ។ យើងសូមកោតសសើដល់មេចុងភៅ នូវការជ្រើសរើសមុខម្ហូបដែលមានគុណភាពសម្រាប់ភ្ញៀវទទួលទានអាហារ ។ នៅក្នុងបរិបទនេះភោជនីយដ្ឋាន…
រាជធានីភ្នំពេញ ៖ ក្នុងប៉ុន្មានឆ្នាំចុងក្រោយនេះ រាជធានីភ្នំពេញបានឃើញការកើនឡើងយ៉ាងច្បាស់នៃការចាប់អារម្មណ៍លើម្ហូបអន្តរជាតិ ហើយម្ហូបបែបប្រទេសបារាំងនៅតែមានប្រជាប្រិយភាពខ្ពស់ ។ យើងសូមកោតសសើដល់មេចុងភៅ នូវការជ្រើសរើសមុខម្ហូបដែលមានគុណភាពសម្រាប់ភ្ញៀវទទួលទានអាហារ ។ នៅក្នុងបរិបទនេះភោជនីយដ្ឋាន La Pergola កំពុងទទួលបានការចាប់អារម្មណ៍កាន់តែខ្លាំង ។ ភោជនីយដ្ឋាន La Pergola ស្ថិតនៅក្នុងសណ្ឋាគារ Plantation Urban Resort & Spa ដែលទទួលបានពានរង្វាន់ និងភាពល្បីល្បាញពីសេវាកម្មល្អឥតខ្ចោះ ភោជនីយដ្ឋាន La Pergola ផ្តល់ជូនម៉ឺនុយថ្មីដែលផ្អែកលើម្ហូបបុរាណបែបប្រទេសបារាំង ដែលត្រូវបានរៀបចំដោយភាពម៉ត់ចត់ និងគោរពតាមរូបមន្តដើម។ បរិយាកាសស្ងប់ស្ងាត់និងឆើតឆាយនៅកណ្តាលទីក្រុង បន្ថែមភាពទាក់ទាញដល់បទពិសោធន៍ក្នុងការទទួលទានអាហារ ។
មេចុងភៅដែលមានមូលដ្ឋានច្បាស់លាស់លើបច្ចេកទេសនឹងរូបមន្តដើម ៖ នៅផ្ទះបាយដឹកនាំដោយមេចុងភៅគឺលោក Nicolas Malherbe ដែលបានរស់នៅនិងធ្វើការជាង ២០ឆ្នាំនៅប្រទេសកម្ពុជា ។ ហើយចាប់តាំងពីពេលនោះមក គាត់បានកសាងកេរ្តិ៍ឈ្មោះរបស់គាត់លើម្ហូបបារាំងពិតៗ ។ ដោយបានទទួលការបណ្តុះបណ្តាលនៅក្នុងផ្ទះបាយដែលមានផ្កាយ Michelin នៅអឺរ៉ុប និងសហរដ្ឋអាមេរិក ដែលជាការទទួលស្គាល់ខ្ពស់បំផុតក្នុងវិស័យម្ហូបអាហារអន្តរជាតិ គាត់បាននាំមកនូវវិន័យ និងភាពស៊ីសង្វាក់គ្នា ដែលធ្វើឱ្យគាត់មានភាពល្បីល្បាញនៅក្នុងវិស័យម្ហូបអាហារនៅភ្នំពេញ ។ នៅ La Pergola គាត់បានរក្សាគ្រឹះម្ហូបបារាំង ដោយបញ្ចូលគ្រឿងផ្សំខ្មែរយ៉ាងប្រុងប្រយ័ត្ន ។ “សម្រាប់ខ្ញុំ វាសំខាន់ណាស់ក្នុងការរក្សាអត្តសញ្ញាណដើមនៃម្ហូប” គាត់បាននិយាយ។ “អាចកែប្រែបានប៉ុន្តែមិនគួរបាត់បង់ព្រលឹងនៃម្ហូបបុរាណទេ” ។ គាត់ផ្តោតលើការធ្វើម្ហូបឱ្យត្រឹមត្រូវតាមបច្ចេកទេសជាជាងការកែប្រែថ្មីៗ។ ក្នុងពេលតែមួយគាត់ក៏យកចិត្តទុកដាក់លើគុណភាពគ្រឿងផ្សំក្នុងស្រុកដូចជា ម្រេចកំពត គ្រឿងទេស និងបន្លែ ដែលអាចបន្ថែមរសជាតិ ដោយមិនផ្លាស់ប្ដូរអត្តសញ្ញាណម្ហូបបារាំង ។
ម្ហូបពិសេសជាមួយការបន្ថែមរសជាតិខ្មែរ ៖ ម្ហូបល្បីមួយគឺ ថ្លើមក្ងានចំហុយជាមួយស្រាក្រហមនិងម្រេចកំពត ដែលភ្ញៀវជាច្រើនតែងតែសួររក ។ វាមានតុល្យភាពល្អរវាងរសជាតិផ្អែម និងរសជាតិជូរ ខណៈម្រេចកំពតបន្ថែមអារម្មណ៍ខ្មែរយ៉ាងស្រាល ។ សម្រាប់អ្នកចូលចិត្តអាហារសមុទ្រ ខ្យងផ្លិតចម្អិនបែបតំបន់ប្រទេសបារាំង ដែលចម្អិនជាមួយស្រា Calvados និងទឹកជ្រលក់ផ្សិតត្រាហ្វល គឺជាជម្រើសគួរឱ្យចាប់អារម្មណ៍ បង្ហាញពីរចនាប័ទ្មម្ហូបបារាំងភាគខាងជើង ។ ក្នុងចំណោមមុខម្ហូបមួយផ្សេងទៀតគឺ ត្រីស៊ីបាសចៀនជាមួយទឹកជ្រលក់ប៊ឺម្រេចកំពត និងជាមួយពងត្រីសាម៉ុន ដំឡូងកិនជាមួយផ្កាសាហ្វន់និង ផ្កាខាត់ណាសកិនជាមួយផ្លែវ៉ានីឡានិងទំពាំងបារាំង។ រសជាតិមានតុល្យភាពល្អ ឆ្លុះបញ្ចាំងពីបទពិសោធន៍របស់មេចុងភៅ Nicolas ដោយប្រើម្រេចកំពតធ្វើឱ្យត្រីមានរសជាតិឆ្ងាញ់ជាងមុនប៉ុន្តែមិនធ្វើឱ្យវាហឹរខ្លាំងពេកនោះទេ ។
សម្រាប់ភ្ញៀវម្ហូបបួស ផ្សិតឆាជាមួយក្រេមផ្សិតត្រាហ្វល គឺផ្តល់ជូននូវជម្រើសដ៏ឈ្ងុយឆ្ងាញ់មួយដែរ។ ផ្សិតត្រាហ្វលដែលត្រូវបានគេស្គាល់ដោយសារក្លិនក្រអូបខ្លាំងរបស់វា ធ្វើឱ្យម្ហូបកាន់តែពិសេស។
បទពិសោធន៍រសជាតិដ៏ឈ្ងុយឆ្ងាញ់ Degustation សម្រាប់អ្នកចង់សាកល្បងម្ហូបច្រើនមុខភោជនីយដ្ឋាន La Pergola ផ្តល់ជូនម៉ឺនុយ degustation បែបបារាំង ។ សម្រាប់មុខម្ហូបដំបូងចាប់ផ្តើមដោយម្ហូបញាំសាច់ក្ដាមជាមួយក្រូចថ្លុង រួមជាមួយទឹកជ្រលក់ជីវាន់ស៊ុយ, ទឹកវីនីក្រេតសា្វយនឹងទឹកខ្មេះទឹកត្នោត បង្កើតរសជាតិជូរអែម ។ ត្រីសាម៉ុនចៀនដែលចម្អិនតាមវិធីsous vide មានភាពទន់ និងស្រួយល្អ ជាមួយនឹងដំឡូងកិនវ៉ាសាបី ដែលបន្ថែមរសជាតិហិលស្រាល ។
ស៊ុបបង្កងបែបបារាំងត្រូវបានរៀបចំតាមរូបមន្តបុរាណ ដោយផ្តល់នូវរសជាតិឈ្ងុយយឆ្ងាញ់និងក្រីមមីជាងបង្គា ឬបង្កងទន្លេមេគង្គដែលមានជាទូទៅនៅក្នុងប្រទេសកម្ពុជា ។ សាច់មាន់បារាំងរុំចំហុយជាមួយទឹកជ្រលក់ផ្សិតម៉ូរេលនិងដំឡូងកិនផ្សិតត្រាហ្វល បង្ហាញកម្រិតនៃការរៀបចំដែលជាញឹកញាប់ឃើញនៅភោជនីយដ្ឋានអឺរ៉ុបកម្រិតខ្ពស់ ។ និងម្ហូបចុងក្រោយគឺ សូកូឡានិងកាហ្វេមូស ដែលមានរសជាតិផ្អែមនិងល្វីងតិច ដោយមិនមានស្ករច្រើនពេក ។ ម្ហូបនីមួយៗត្រូវបានបម្រើដោយមានចន្លោះពេលសមស្រប អនុញ្ញាតឱ្យភ្ញៀវរីករាយនឹងរសជាតិ និងបច្ចេកទេស ។ ភ្ញៀវម្នាក់នៅភ្នំពេញបាននិយាយថា៖ “រសជាតិរបស់វាមានភាពល្អិតល្អន់ខ្លាំងណាស់ ប៉ុន្តែនៅតែងាយស្រួលទទួលទាន»។ នេះបើតាមការលើកឡើងរបស់ Sokha ដែលជាអ្នកទទួលទានអាហារ ។ «វាមានអារម្មណ៍ដូចជាការទទួលទានអាហារនៅអឺរ៉ុប ប៉ុន្តែមានរសជាតិក្នុងស្រុក» ។ បន្ថែមលើនេះ មានបញ្ជីស្រាដែលត្រូវបានជ្រើសរើសយ៉ាងច្រើនពីបារាំង រួមទាំងតំបន់ Bordeaux និងស្រាអន្តរជាតិផ្សេងៗ ដែលមានការពិពណ៌នាយ៉ាងច្បាស់ក្នុងម៉ឺនុយ ។
តម្លៃសមរម្យ និងកំណើនប្រជាប្រិយភាព ៖ បើទោះបីគ្រឿងផ្សំមានគុណភាពខ្ពស់និងបច្ចេកទេសក៏ដោយ ភោជនីយដ្ឋាននេះនៅតែរក្សាតម្លៃសមរម្យ ដែលជួយបង្កើនប្រជាប្រិយភាពកាន់តែខ្លាំងឡើង ។ វាបានក្លាយជាភោជនីយដ្ឋានដែលពេញនិយមសម្រាប់ភ្ញៀវ VIP និងសាធារណៈជនជាច្រើននៅរាជធានីភ្នំពេញ ។ ក្រៅពីម្ហូប ទីតាំងក៏ជាផ្នែកសំខាន់ ។ Plantation Urban Resort & Spa ល្បីដោយសារបរិយាកាសស្ងប់ស្ងាត់ សួនច្បារស្រស់ស្អាត និងអាងហែលទឹកស្អាតល្បីនៅកណ្តាលទីក្រុង។ ស្ថិតនៅជិតព្រះបរមរាជវាំង សារមន្ទីរជាតិ និងមាត់ទន្លេ វាផ្តល់ការរួមបញ្ចូលគ្នានូវភាពងាយស្រួល និងភាពស្ងប់ស្ងាត់ ។ នៅក្នុងបរិបទនៃការទទួលទានអាហារដែលកំពុងផ្លាស់ប្តូរ ខណៈដែលវិស័យអាហារនៅភ្នំពេញកំពុងអភិវឌ្ឍភោជនីយដ្ឋាន La Pergola នៅតែឈរលើគ្រឹះម្ហូបបារាំងបុរាណ ដែលទាំងភ្ញៀវក្នុងស្រុក និងអន្តរជាតិ កាន់តែមានការកោតសរសើរ ៕ អត្ថបទសហការ
ចែករំលែកព័តមាននេះ