រាជធានីភ្នំពេញ ៖ អាជ្ញាធរខណ្ឌ៧មករា ឆ្មក់ចុះត្រួតពិនិត្យទីតាំងតារាងបាល់ទះ មួយកន្លែង ក្រោយមានបណ្ដាញសង្គម បង្ហោះជាសាធារណៈថាមានបង្កប់លេងល្បែងស៊ីសង គ្រប់ប្រភេទ ប៉ុន្តែជាក់ស្ដែង ពេលអាជ្ញាធរចុះទៅដល់…
រាជធានីភ្នំពេញ ៖ អាជ្ញាធរខណ្ឌ៧មករា ឆ្មក់ចុះត្រួតពិនិត្យទីតាំងតារាងបាល់ទះ មួយកន្លែង ក្រោយមានបណ្ដាញសង្គម បង្ហោះជាសាធារណៈថាមានបង្កប់លេងល្បែងស៊ីសង គ្រប់ប្រភេទ ប៉ុន្តែជាក់ស្ដែង ពេលអាជ្ញាធរចុះទៅដល់ ពុំឃើញមានសម្ភារៈ អ្វីគួរឲ្យសង្ស័យពាក់ព័ន្ធនឹងល្បែងស៉ីសងនោះទេ មានតែបន្ទប់ទុកចោល ។
ការចុះត្រួតពិនិត្យធ្វើឡើង នារសៀលថ្ងៃទី២៣ ខែមេសា ឆ្នាំ២០២៦ នេះ កម្លាំងគណៈបញ្ជាការឯកភាពខណ្ឌ៧មករា ដោយមានការណែនាំពី លោក ថេង សុថុល អភិបាលខណ្ឌ៧មករា បានចាត់ឲ្យ លោក គ្រួច សុធន់ នាយករងរដ្ឋបាល ដឹកនាំកម្លាំងគណៈបញ្ជាការឯកភាពខណ្ឌ ចុះត្រួតពិនិត្យជាក់ស្ដែង នៅទីតាំងដែលសង្ស័យបង្កប់ល្បែងស៊ីសងស្ថិតនៅក្បែរតារាបាល់ទះ តាមបណ្ដោយផ្លូវលេខ២១៣ សង្កាត់វាលវង់ ខណ្ឌ៧មករា រាជធានីភ្នំពេញ ។
អាជ្ញាធរខណ្ឌបានបញ្ជាក់ថា ថ្មីៗមានបណ្ដាញសង្គម បង្ហោះជាសាធារណៈ នៅរូបភាពវីឌីអូ អង្គុយលេងល្បែងស៊ីសង ហើយបញ្ជាក់ថា ស្ថិតនៅតារាបាល់ទះ តាមបណ្ដោយផ្លូវលេខ២១៣ សង្កាត់វាលវង់ ខណ្ឌ៧មករា រាជធានីភ្នំពេញ ដូច្នេះអាជ្ញាធរខណ្ឌដឹកនាំមន្ត្រី ចុះត្រួតពិនិត្យ នៅទីតាំងជាក់ស្ដែងមិនឃើញមានអ្វី ពាក់ព័ន្ធនឹងល្បែងស៊ីសងនោះទេ ប៉ុន្តែ ទោះជាយ៉ាង អាជ្ញាធរបានណែនាំដល់ម្ចាស់ តារាងបាល់ទះ ក៏ដូចជាអ្នកគ្រប់គ្រង មិនត្រូវផ្ដល់ទីតាំង សម្រាប់បង្កប់លេងល្បែងស៊ីសងនោះទេ ក្នុងករណី អាជ្ញាធរ តាមដានស្រាវជ្រាវឃើញថា មានបង្កប់ល្បែងស៊ីសង និងមានវិធានការតាមផ្លូវច្បាប់។
ជាចុងក្រោយ អាជ្ញាធរខណ្ឌ៧មករា សូមសំណូមពរ និងអរគុណដល់ បងប្អូនប្រជាពលរដ្ឋ និងម្ចាស់ទីតាំងចូលរួមសហការនិងផ្ដល់ព័ត៌មាន ជូនដល់អាជ្ញាធរ ដើម្បីមានវិធានការទាន់ពេលវេលា។ បន្ថែមទៀតនោះ រដ្ឋបាលរាជធានីភ្នំពេញ តែងតែប្រជុំក្រើនរំលឹកដល់អាជ្ញាធរទាំង១៤ខណ្ឌ បន្តយកចិត្តទុកដាក់ ពីបញ្ហាសន្តិសុខ បទល្មើសគ្រប់ប្រភេទ ជាពិសេសបញ្ហាល្បែងស៊ីសងគ្រប់ប្រភេទ ដោយអនុវត្តតាមគោលនយោបាយ ភូមិឃុំ សង្កាត់ មានសុខសុវត្តិភាព ជូនដល់ប្រជាពលរដ្ឋ៕
ចែករំលែកព័តមាននេះ