ខេត្តកំពត ៖ កាលពីថ្ងៃអាទិត្យ ទី៣១ កក្កដា ភ្លៀងបានធ្លាក់ជាច្រើនមេធ្វើឱ្យកម្ពស់ទឹកនៅព្រែកកំពង់បាយ ពេញព្រៀបដោយសារតែអំណាចទឹកភ្លៀងហូរចុះពីទំនប់វារីអគ្គិសនី កំចាយរួមនឹងទឹកហូរមកពីស្ទឹងកែវផង ប៉ុន្តែមន្ត្រីនានានិយាយថា បើកុំតែបានទំនប់វារីអគ្គិសនីកំចាយកុំអីក្រុងកំពតត្រូវទទួល
ខេត្តកំពត ៖ កាលពីថ្ងៃអាទិត្យ ទី៣១ កក្កដា ភ្លៀងបានធ្លាក់ជាច្រើនមេធ្វើឱ្យកម្ពស់ទឹកនៅព្រែកកំពង់បាយពេញព្រៀបដោយសារតែអំណាចទឹកភ្លៀងហូរចុះពីទំនប់វារីអគ្គិសនីកំចាយរួមនឹងទឹកហូរមកពីស្ទឹងកែវផង ប៉ុន្តែមន្ត្រីនានានិយាយថា បើកុំតែបានទំនប់វារីអគ្គិសនីកំចាយកុំអីក្រុងកំពតត្រូវទទួលរងជំនន់ទឹកភ្លៀងលិចតាំងពីសប្តាហ៍មុនមកម្ល៉េះ។
មកដល់ព្រឹកថ្ងៃទី១ សីហា ភ្លៀងនៅតែបន្តធ្លាក់យ៉ាងខ្លាំងរហូតបរិវេណជុំវិញផ្សារសាមគ្គីក្រុងកំពតកម្ពស់ទឹកមានជម្រៅក្រោមក្បាលជង្គង់ទៅហើយ ហើយអាជីវករភាគច្រើនបានត្រៀមជញ្ជូនអីវ៉ាន់ចេញពីតូបដើម្បីយកទៅទុកដាក់នៅកន្លែងមានសុវត្ថិភាព។ លោកចាន់ វណ្ណា ប្រធានមន្ទីរធនធានទឹកនិងឧតុនិយមខេត្តមានប្រសាសន៍ថា ប៉ុន្មានថ្ងៃកន្លងមកនេះទឹកព្រែកកំពង់បាយឡើង ប៉ុន្តែមិនគួរឱ្យព្រួយបារម្ភពីទឹកជំនន់ទេ ព្រោះអំណាចទឹកភ្លៀងហូរពីតំបន់នានាចុះមកផ្លូវតែមួយ។ ឯចំពោះទឹកដែលមានជម្រៅរហូតដល់ក្រោមក្បាលជង្គង់នៅជុំវិញផ្សារសាមគ្គីនោះ គឺមកពីទឹកហូរចុះលូមិនទាន់។ លោកបានបញ្ជាក់ថា បើភ្លៀងរាំងពិតជាមិនរំខានដល់អាជីវករទេ។
លោកនាក់ សុវណ្ណារី អភិបាលក្រុងកំពតមានប្រសាសន៍ថា នៅក្រុងកំពតមិនទាន់មានគ្រោះទឹកជំនន់ដោយសារទឹកភ្លៀងទេ គឺគ្រាន់តែមានភ្លៀងធ្លាក់ខ្លាំង និងស្ទះលូប៉ុណ្ណោះ ធ្វើឱ្យទឹកដក់នៅលើផ្លូវមិនអាចហូរចុះទៅសមុទ្រអស់ភ្លាមៗ។ ទោះជាយ៉ាងណា ប្រជាពលរដ្ឋនៅក្រុងកំពតនៅតែមានការភ័យខ្លាចពីគ្រោះទឹកជំនន់ដូចបណ្តាឆ្នាំមុនៗដដែល ៕
ចែករំលែកព័តមាននេះ