ខេត្តកំពង់ស្ពឺ ៖ គ្រោះថ្នាក់ចរាចរណ៍មួយបានកើតឡើងវេលាយប់ម៉ោង២១និង៤០នាទី ថ្ងៃទី៣១ កក្កដា លើកំណាត់ផ្លូវជាតិលេខ៤ ដែលបង្កឡើងដោយរថយន្តធុនតូចមួយគ្រឿងបានបើកគេចពីពន្លឺ ហ្វារថយន្តកុងតឺន័រ ហើយបានជ្រុលចង្កូតក្រឡាប់ទៅស្តាំដៃរបស់ខ្លួន បណ្តាលឱ្យបុរសជនជាតិ
ខេត្តកំពង់ស្ពឺ ៖ គ្រោះថ្នាក់ចរាចរណ៍មួយបានកើតឡើងវេលាយប់ម៉ោង២១និង៤០នាទីថ្ងៃទី៣១ កក្កដា លើកំណាត់ផ្លូវជាតិលេខ៤ ដែលបង្កឡើងដោយរថយន្តធុនតូចមួយគ្រឿងបានបើកគេចពីពន្លឺហ្វារថយន្តកុងតឺន័រ ហើយបានជ្រុលចង្កូតក្រឡាប់ទៅស្តាំដៃរបស់ខ្លួន បណ្តាលឱ្យបុរសជនជាតិចិនម្នាក់ស្លាប់នៅកន្លែងកើតហេតុ ។
តាមព័ត៌មានពីមន្ត្រីប៉ូលិសចរាចរស្រុកភ្នំស្រួចបានឱ្យដឹងថា គ្រោះថ្នាក់នេះបានកើតឡើងនៅវេលាម៉ោង២១និង៤០នាទីលើកំណាត់ផ្លូវជាតិលេខ៤ ចន្លោះគីឡូម៉ែត្រលេខ៧៧-៧៨ ចំណុចខាងលិចស្ពានស្រែខ្លុង ចម្ងាយប្រមាណ២០០ម៉ែត្រ ។ មន្ត្រីប៉ូលិសចរាចរស្រុកភ្នំស្រួចបន្តថា រថយន្តម៉ាកតាកូម៉ា ពណ៌កណ្តុរល្មែះ បើកបរក្នុងទិសដៅពីភ្នំពេញទៅក្រុងព្រះសីហនុ ដោយឈ្មោះឈៀន ចាន់ថា ភេទស្រី អាយុ២៧ឆ្នាំ មានទីលំនៅភូមិ១ សង្កាត់លេខ៣ ខណ្ឌមិត្តភាព ខេត្តព្រះសីហនុ ។ លុះបើកបរមកដល់ចំណុចនេះក៏ចាំងនឹងពន្លឺហ្វារបស់រយន្តកុងតឺន័រមួយគ្រឿងដែលធ្វើដំណើរបញ្ច្រាសទិសពីលិចទៅភ្នំពេញ។ រថយន្តតាកូម៉ា បានគេចពីភ្លើងហ្វា ហើយជ្រុលចង្កូតធ្លាក់ទៅស្តាំដៃក៏ក្រឡាប់បណ្តាលឱ្យមនុស្សប្រុសម្នាក់ក្នុងចំណោម៣នាក់ ក្នុងរថយន្តនេះបានស្លាប់ គឺឈ្មោះផាន់ ម៉ិញហ័រ អាយុ៤៣ឆ្នាំ ជាជនជាតិចិន ។
រថយន្ត និងសពត្រូវបានប៉ូលិសខេត្តកំពង់ស្ពឺនាំទៅលំនៅឋានឯក្រុងភ្នំពេញវិញទាំងយប់។ នេះជាការបើកបរដោយការចាំងនឹងពន្លឺហ្វាពីររថយន្តដែលបើកមកពីមុខក្នុងល្បឿនមួយដែលប្រថុយប្រថានជាន់ហ្វ្រាំងពុំជាប់ទើបបណ្តាលឱ្យមានគ្រោះថ្នាក់បែបនេះ។ ប៉ូលិសថា ស្ត្រីអ្នកបើកបរ និងអ្នកជិះឯទៀតពុំមានរងរបួសទេ គឺស្លាប់តែជនជាតិចិនម្នាក់ប៉ុណ្ណោះ៕
ចែករំលែកព័តមាននេះ