ខេត្តក្រចេះ៖ករណីគ្រោះថ្នាក់ធម្មជាតិដ៏រន្ធត់មួយបានកើតឡើង កាលពីវេលាម៉ោង ៥:១៥ នាទីល្ងាច ថ្ងៃទី១៥ ខែមេសា ឆ្នាំ២០២៦ ស្ថិតនៅចំណុចវត្តវិហារធំសរសរ១០០ ក្នុងភូមិសំបូរ ឃុំសំបូរ…
ខេត្តក្រចេះ៖ករណីគ្រោះថ្នាក់ធម្មជាតិដ៏រន្ធត់មួយបានកើតឡើង កាលពីវេលាម៉ោង ៥:១៥ នាទីល្ងាច ថ្ងៃទី១៥ ខែមេសា ឆ្នាំ២០២៦ ស្ថិតនៅចំណុចវត្តវិហារធំសរសរ១០០ ក្នុងភូមិសំបូរ ឃុំសំបូរ ស្រុកសំបូរ ខេត្តក្រចេះ បណ្ដាលឱ្យមនុស្សម្នាក់បាត់បង់ជីវិត និងម្នាក់ទៀតរងរបួស។
យោងតាមរបាយការណ៍ពីសមត្ថកិច្ចមូលដ្ឋាន បានឱ្យដឹងថា ជនរងគ្រោះទាំង ២ នាក់ រួមមាន៖
១. ឈ្មោះ វ៉ាន រតនៈសម្បត្តិ ភេទប្រុស អាយុ ២៦ ឆ្នាំ មានទីលំនៅភូមិកោះច្រែង ឃុំកោះច្រែង ស្រុកចិត្របុរី បានស្លាប់បាត់បង់ជីវិតភ្លាមៗនៅកន្លែងកើតហេតុ ។២. ឈ្មោះ ហុក កញ្ញា ភេទស្រី អាយុ ២៣ ឆ្នាំ មានទីលំនៅភូមិកែងប្រាសាទ ឃុំសំបូរ ស្រុកសំបូរ រងរបួសស្រាល។
ក្រោយពេលកើតហេតុ ជនរងគ្រោះដែលរងរបួសត្រូវបានបញ្ជូនទៅសង្គ្រោះបន្ទាន់នៅមន្ទីរ
ពេទ្យបង្អែកស្រុកសំបូរ។ ដោយឡែក សពជនរងគ្រោះត្រូវបានសមត្ថកិច្ចប្រគល់ជូនក្រុមគ្រួ
សារ ដើម្បីយកទៅរៀបចំពិធីបុណ្យតាមប្រពៃណីនៅស្រុកកំណើត។
អាជ្ញាធរបានអំពាវនាវដល់បងប្អូនប្រជាពលរដ្ឋ សូមមានការប្រុងប្រយ័ត្នខ្ពស់ចំពោះបាតុភូតធម្មជាតិ ផ្គរ រន្ទះ និងខ្យល់កន្ត្រាក់ ជាពិសេសនៅក្នុងអំឡុងពេលដែលមានភ្លៀងធ្លាក់ដើមរដូវបែបនេះ ដើម្បីចៀសវាងនូវគ្រោះថ្នាក់ជាយថាហេតុ៕
ចែករំលែកព័តមាននេះ