រាជធានីភ្នំពេញ ៖ គិចាប់តាំងពីដើមខែមករា ឆ្នាំ២០១១ មកទល់នឹងថ្ងៃទី១ សីហា ២០១១ នៅទូទាំងប្រទេសមានមនុស្សចំនួន១២០នាក់ បានស្លា.ប់ដោយសាររន្ទះបា.ញ់ ហើយមនុស្សចំនួន៩១នាក់ផ្សេងទៀត រងរបួសងាប់គោ-ក្របីចំនួន៤៨ក្បាល។ នេះបើយោងតាមនាយកខុទ្ទកាល័យនៃគណៈ
រាជធានីភ្នំពេញ ៖ គិចាប់តាំងពីដើមខែមករា ឆ្នាំ២០១១ មកទល់នឹងថ្ងៃទី១ សីហា ២០១១ នៅទូទាំងប្រទេសមានមនុស្សចំនួន១២០នាក់ បានស្លាប់ដោយសាររន្ទះបាញ់ ហើយមនុស្សចំនួន៩១នាក់ផ្សេងទៀត រងរបួសងាប់គោ-ក្របីចំនួន៤៨ក្បាល។ នេះបើយោងតាមនាយកខុទ្ទកាល័យនៃគណៈកម្មាធិការជាតិគ្រប់គ្រងគ្រោះមហន្តរាយ លោកកែវ វី ដែលថ្លែងតាមទូរស័ព្ទប្រាប់កោះសន្តិភាពនៅព្រឹកថ្ងៃចន្ទ ទី១ សីហានេះ។
ដោយឡែកទាក់ទងទៅនឹងគ្រោះមហន្តរាយដោយសារឥទ្ធិពលខ្យល់ព្យុះណុក ថិន នោះវិញ លោកនាយខុទ្ទកាល័យកែវ វី បានបញ្ជាក់ឱ្យដឹងដែរថា មកទល់នឹងព្រឹកថ្ងៃទី១ សីហា នេះ មិនទាន់មានមនុស្សណាម្នាក់ស្លាប់ ឬរបួស ដោយោសារឥទ្ធិពលនៃខ្យល់ព្យុះណុក ថិននេះនៅឡើយទេ ។ ប៉ុន្តែលោកកែវ វី បានឱ្យដឹងទៀតថា នៅស្រុកដំណាក់ចង្អើរខេត្តកែបមានផ្ទះប្រជាពលរដ្ឋ៦ខ្នង បានដួលរលំ និង១៣ខ្នងទៀតរបើកដំបូល ។ ចំណែកនៅឯស្រុកឈូក ខេត្តកំពតឯណោះវិញ ផ្ទះប្រជាពលរដ្ឋ៣ខ្នងបានរបើកដំបូលរីឯកាលពីថ្ងៃទី៣០ កក្កដា នៅស្រុកកំពង់សិលា ខេត្តព្រះសីហនុ ទឹកភ្លៀងបានជន់លិចផ្លូវជាតិលេខ៤ រយៈពេល៣ម៉ោង។
លោកនាយកខុទ្ទកាល័យនៃគណៈកម្មាធិការជាតិគ្រប់គ្រងគ្រោះមហន្តរាយកែវ វី បានបន្តថា នៅយប់ថ្ងៃទី៣១ កក្កដា កន្លងមកនេះ មានភ្លៀងធ្លាក់ខ្លាំងនៅក្រុងស្ទឹងត្រែង បណ្តាលឱ្យជន់លិចក្រុងរយៈពេល១ម៉ោង។ ទោះជាយ៉ាងណា លោកកែវ វី ដែលជាអ្នកនាំពាក្យគណៈកម្មាធិការជាតិគ្រប់គ្រងគ្រោះមហន្តរាយផងដែរនោះ បានបញ្ជាក់ថា ជំនន់ទឹកភ្លៀង ឬឥទ្ធិពលដោយខ្យល់ព្យុះណុកថិន នាពេលនេះមិនប៉ះពាល់ធ្ងន់ធ្ងរដូចកាលពីឆ្នាំ២០០៩ និង២០១០ កន្លងមកនេះ ទេ៕
ចែករំលែកព័តមាននេះ