តាមទីភ្នាក់ងារព័ត៌មានបរទេសផ្សាយថ្ងៃទី២៨ កក្កដា គឺមន្ត្រីផ្នែកអវកាសរបស់រុស្ស៊ីបានឱ្យដឹងថា ស្ថានីយអវកាសអន្តរជាតិដែលប្រើប្រាស់ក្នុងរយៈពេលយូរនឹងលែង ក្លាយជាតម្រូវការក្នុងការប្រើប្រាស់បន្ត ហើយគ្រោងទម្លាក់ចោលក្នុងមហាសមុទ្រប៉ាស៊ីហ្វិកនៅមុនឆ្នាំ២០១៥។ លោកវីតាលី ដាវីយ៉ា
តាមទីភ្នាក់ងារព័ត៌មានបរទេសផ្សាយថ្ងៃទី២៨ កក្កដា គឺមន្ត្រីផ្នែកអវកាសរបស់រុស្ស៊ីបានឱ្យដឹងថា ស្ថានីយអវកាសអន្តរជាតិដែលប្រើប្រាស់ក្នុងរយៈពេលយូរនឹងលែងក្លាយជាតម្រូវការក្នុងការប្រើប្រាស់បន្ត ហើយគ្រោងទម្លាក់ចោលក្នុងមហាសមុទ្រប៉ាស៊ីហ្វិកនៅមុនឆ្នាំ២០១៥។ លោកវីតាលី ដាវីយ៉ាណូហ្វ អនុប្រធានអង្គការអវកាសរុស្ស៊ីថ្លែងថា ស្ថានីយអវកាសអន្តរជាតិនឹងត្រូវបំផ្លាញចោលដោយទម្លាក់មកលើផែនដីដើម្បីមិនឱ្យក្លាយជាសំរាមអវកាសដែលបង្កគ្រោះថ្នាក់។
នៅក្នុងរបាយការណ៍បញ្ជាក់ថា ស្ថានីយអវកាសអន្តរជាតិចាប់ផ្តើមបង្កើតឡើងក្នុងឆ្នាំ១៩៩៨ ពីកិច្ចសហការរវាងប្រទេសជាច្រើនដូចជា សហរដ្ឋអាមេរិក រុស្ស៊ី កាណាដា ជប៉ុន និងអង្គការអវកាសក្នុងតំបន់អឺរ៉ុប ដោយរំពឹងថា ត្រូវប្រើរហូតដល់ឆ្នាំ២០២០ ឬក៏រហូតដល់ឆ្នាំ២០២៨។ ស្ថានីយអវកាសអន្តរជាតិខាងលើ ត្រូវប្រឈមមុខនឹងការរំលាយចោលដូចជាស្ថានីយអវកាស «មៀរ» សាងសង់ក្នុងសម័យសហភាពសូវៀតត្រូវបានទម្លាក់ទៅក្នុងមហាសមុទ្រប៉ាស៊ីហ្វិកក្នុងឆ្នាំ២០១១ បន្ទាប់ពីប្រើប្រាស់ក្នុងរយៈពេល១៥ឆ្នាំ។ ចំណែកស្ថានីយអវកាសដំបូងរបស់សហរដ្ឋអាមេរិក«ស្តាយលេប» ជួបនឹងហេតុការណ៍ធ្លាក់ពីរង្វង់គោចរក្រោយពីប្រើប្រាស់រយៈពេល៦ឆ្នាំ។
លោកប៊ីល ណេលសុន ព្រឹទ្ធសភាសហរដ្ឋអាមេរិក និងជាអតីតអាកាសយានិកអាមេរិកបញ្ជាក់ថា តាមការឱ្យដឹងរបស់ប្រធានអង្គការអវកាសរុស្ស៊ី គឺមានគោលបំណងបន្ធូរបន្ថយក្តីបារម្ភរបស់ប្រជាជននៅលើពិភពលោក ដែលភ័យខ្លាចស្ថានីយអវកាសអន្តរជាតិ ក្លាយជាសំរាមអវកាសនាពេលអនាគត ឬត្រូវទម្លាក់ចោលទៅលើទីប្រជុំជន។
ទោះជាយ៉ាងណាក៏ដោយប្រព័ន្ធផ្សព្វផ្សាយរបស់អាមេរិកបានផ្សាយថា កន្លងមករដ្ឋាភិបាលមិនធ្លាប់បានលើកឡើងពីការបោះបង់ចោលការប្រើស្ថានីយអវកាសអន្តរជាតិជាមួយរុស្ស៊ីទេ ហើយសេតវិមាន និងសភាជាន់ទាបរមែងរំពឹងថា ស្ថានីយអវកាសអន្តជាតិ នឹងត្រូវប្រើប្រាស់រហូតដល់ឆ្នាំ២០២០៕
ចែករំលែកព័តមាននេះ