ADផ្ទាំងផ្សព្វផ្សាយពាណិជ្ជកម្ម

ទុស្សេខ្សែភ្លើងបង្កជាអគ្គិភ័យឆេះផ្សារវាលយន្តនាពេលទៀបភ្លឺ សមត្ថកិច្ចប្រើប្រាស់ទឹកអស់ ២០ឡានទើបគ្រប់គ្រងបានទាំងស្រុង

2 អាទិត្យ មុន

ស្វាយរៀង
១៧ ខែ មីនា ឆ្នាំ ២០២៦ ម៉ោង ១០:៥៨

ខេត្តស្វាយរៀង៖ អគិ្គភ័យបានឆាបឆេះតូបលក់ដូរនៅក្នុងផ្សារវាលយន្តយ៉ាងសន្ធោសន្ធៅ បណ្តាលឱ្យអាជីវករដែលមានតូបលក់ដូរនៅក្នុងផ្សារផ្អើលនាំគ្នាមកជួយពន្លត់ និងបានទូរស័ព្ទរាយការណ៍ជូនសមត្ថកិច្ច សុំជួយអន្តរាគមន៍ហៅរថយន្តពន្លត់អគ្គិភ័យ មកជួយពន្លត់ប្រើប្រាស់ទឹកអស់២០គ្រឿងទើបគ្រប់គ្រងបាន ។ ករណីអគ្គិភ័យនេះ បានកើតឡើងនៅវេលាម៉ោង៣ និង៣០នាទីព្រឹកទៀបភ្លឺថ្ងៃទី១៧…

ខេត្តស្វាយរៀង៖ អគិ្គភ័យបានឆាបឆេះតូបលក់ដូរនៅក្នុងផ្សារវាលយន្តយ៉ាងសន្ធោសន្ធៅ បណ្តាលឱ្យអាជីវករដែលមានតូបលក់ដូរនៅក្នុងផ្សារផ្អើលនាំគ្នាមកជួយពន្លត់ និងបាន
ទូរស័ព្ទរាយការណ៍ជូនសមត្ថកិច្ច សុំជួយអន្តរាគមន៍ហៅរថយន្តពន្លត់អគ្គិភ័យ មកជួយពន្លត់ប្រើប្រាស់ទឹកអស់២០គ្រឿងទើបគ្រប់គ្រងបាន ។

ករណីអគ្គិភ័យនេះ បានកើតឡើងនៅវេលាម៉ោង៣ និង៣០នាទីព្រឹកទៀបភ្លឺថ្ងៃទី១៧ ខែមីនា ឆ្នាំ២០២៦ នៅក្នុងផ្សារវាលយន្ត ស្ថិតនៅក្នុងភូមិវាលយន្ត សង្កាត់ស្វាយរៀង ក្រុងស្វាយរៀង។ បើតាមលោកឧត្តមសេនីយ៍ត្រី ប្រាក់ជុត ស្នងការរងទទួលបន្ទុកផែនពន្លត់អគ្គិភ័យបានឱ្យដឹងថា ករណីអគ្គិភ័យកើតឡើង គឺមូលហេតុបណ្តាលមកពីទុស្សេខ្សែភ្លើង។

លោកបានបញ្ជាក់ទៀតថា បើតាមបុគ្គលិកសន្តិសុខយាមទូអេធីអឹមនៅខាងមុខផ្សារវាលយន្តបានឲ្យដឹងថា បានឃើញផ្សែងហុយនៅចំកណ្តាលផ្សារវាលយន្តអំឡុងវេលាម៉ោង២និង៣០នាទីទៀបភ្លឺ ដោយមានការសង្ស័យ ក៏ទូរសព្ទ័ទាក់ទងរកសន្តិសុខយាមផ្សារវាលយន្ត ក៏ប៉ុន្តែទាក់ទងអត់បាន រហូតដល់វេលាម៉ោង៣និង០០នាទីទៀបភ្លឺ ក៏មានអណ្តាតភ្លើងឆេះឡើងក៏ទូរសព្ទ័ទៅសមត្ថកិច្ចនគរបាលក្រុងស្វាយរៀង សុំរថយន្តពន្លត់អគ្គិភ័យជួយអន្តរាគមន៍ដោយតូបដែលឆេះឆ្ងាយពីផ្លូវផង ទំរាំអូសទុយោដល់ គឺភ្លើងឆាបឆេះខ្លាំងរាលដាលទៅតូបក្បែគ្នាទៀតទៅហើយ រហូតដល់ម៉ោង៣និង៣០នាទីទៀបភ្លឺ ទើបមានរថយន្តពន្លប់អគ្គិភ័យចំនួន០៦គ្រឿងមកដល់បាញ់ពន្លត់ ដោយប្រើប្រាស់ទឹកអស់២០គ្រឿង ទើបគ្រប់គ្រងបាន ។

លោក ប្រាក់ ជុត បន្តថា បើតាមការសាកសួរប្រជាពលរដ្ឋរស់នៅជុំវិញផ្សារវាលយន្ត បានឲ្យដឹងថា នៅវេលាកើតហេតុដំបូង គេឮសូរសំឡេងផ្ទុះក្នុងផ្សារ និងមានអណ្តាតភ្លើងចេញពីកណ្តាលផ្សារប៉ែកខាងលិចម្តុំលក់គ្រឿងចាប់ហួយ បង្កការភ្ញាក់ផ្អើលក្រុមអាជីវករបាននាំគ្នាំចូលទៅជួយពន្លត់ ក្រោយពីគ្រប់គ្រងស្ថានការបាន សមត្ថកិច្ចរកឃើញថា ការឆេះដំបូង គឺទុស្សេខ្សែភ្លើងឆេះតូបលក់ស្បែកជើង ត្រង់ចំណុចកែងកណ្តាលផ្សារ រួចរាលឆាបឆេះតូបលក់គ្រឿងក្រអូប និងកំប៉ុងថ្នាំបាញ់សម្លាប់សត្វល្អិត បង្កឱ្យផ្ទុះកំប៉ុងឆាបឆេះតូបជាប់គ្នា២ជួរ ពីកើតទៅលិចយ៉ាងសន្ទោសន្ធៅតែម្តង ។

លោកប្រាក់ ជុត បន្តទៀតថា សមត្ថកិច្ចពន្លត់បានមកជួយអន្តរាគមន៍ប្រើប្រាស់រថយន្តពន្លត់អគ្គិភ័យចំនួន០៦គ្រឿង ក្នុងនោះ រថយន្តពន្លត់អគ្គិភ័យស្នងការនគបាលខេត្ត០២គ្រឿង រថយន្តពន្លត់អគ្គិភ័យអធិការក្រុងស្វាយរៀង០១គ្រឿង និងរថយន្តពន្លត់អគ្គិភ័យកងរាជអាវុធហត្ថខេត្ត០៣គ្រឿង ប្រើប្រាស់ទឹកអស់២០គ្រឿង ទើបគ្រប់គ្រងបាន ហើយការប្រើប្រាស់ពេលវេលារយៈពេល០៣ម៉ោងនិង៣០នាទីចាប់ម៉ោង០៣ និង៣០នាទីទៀបភ្លឺរហូតដល់ម៉ោង០៦ព្រឹក ទើបពន្លត់រលត់១០០% ។

ការឆេះខូចខាតទាំងស្រុង រួមមានតូបលក់គ្រឿងទេស តូបលក់ស្បែកជើង តូបលក់គ្រឿងក្រអូប និងថ្នាំបាញ់សម្លាប់សត្វល្អិតតូបលក់សំលៀកបំពាក់ តូបលក់ធូបទៀននិងថង់ តូបលក់សាច់គោ សាច់ជ្រូក និងតូបលក់បាយ ។

ព័ត៌មានបន្ថែមនឹងមានផ្សាយជូនលើកាសែតកោះសន្តិភាព ។