ខេត្តកំពង់ចាម៖ «នៅក្នុងខេត្តកំពង់ចាម មានសាសនាចំនួន៤ គឺព្រះពុទ្ធសាសនា អ៊ីស្លាមសាសនា គ្រីស្ទសាសនា និងពុទ្ធសាសនាមហាយាន ដែលកំពុងធ្វើសកម្មភាពសាសនាយ៉ាងទូលំទូលាយប្រកបដោយសុខដុមរមនា ពុំដែលមានអធិករអន្តរសាសនាកើតឡើងឡើយ ។…
ខេត្តកំពង់ចាម៖ «នៅក្នុងខេត្តកំពង់ចាម មានសាសនាចំនួន៤ គឺព្រះពុទ្ធសាសនា អ៊ីស្លាមសាសនា គ្រីស្ទសាសនា និងពុទ្ធសាសនាមហាយាន ដែលកំពុងធ្វើសកម្មភាពសាសនាយ៉ាងទូលំទូលាយប្រកបដោយសុខដុមរមនា ពុំដែលមានអធិករអន្តរសាសនាកើតឡើងឡើយ ។ ហើយនេះពិតជាមោទនភាពចំពោះប្រជាពលរដ្ឋកម្ពុជា ដែលគោរពកាន់សាសនាផ្សេងៗ ប៉ុន្តែមានសាមគ្គីភាពគ្នាយ៉ាងល្អប្រសើរ ក្រោមម្លប់សន្តិភាពជាតិ» ។ នេះជាប្រសាសន៍លើកឡើងពីសំណាក់ឯកឧត្តម អ៊ុន ចាន់ដា អភិបាលខេត្តក្នុងឱកាសសំណេះសំណាល និងចែកកញ្ចប់អាហារស្រាយបួសខែរ៉ាម៉ាដនចំនួន៦០០គ្រួសារ នៅឃុំព្រែកបាក់ ស្រុកស្ទឹងត្រង់ ដែលធ្វើឡើងថ្ងៃទី២៨ កុម្ភៈ ឆ្នាំ២០២៦ ។
ជាមួយនោះ ក៏មានការអញ្ជើញចូលរួមពីសំណាក់ឯកឧត្តមបណ្ឌិត អូស្មាន ហាស្សាន់ ទេសរដ្ឋមន្ត្រីទទួលបន្ទុកបេសកកម្មពិសេស និងជាប្រធានគណៈចលនាសាសនិកអ៊ីស្លាមកម្ពុជា ។ នាឱកាសនោះ ឯកឧត្តមអភិបាលខេត្តបានលើកឡើងថា ក្នុងនាមរដ្ឋបាលខេត្តសូមថ្លែងអំណរគុណយ៉ាងជ្រាលជ្រៅ ចំពោះថ្នាក់ដឹកនាំគណៈចលនាសាសនិកឥស្លាមកម្ពុជាពិសេស ឯកឧត្តទេសរដ្ឋមន្ត្រី ដែលបានខិតខំគៀងគរជំនួយឧបត្ថម្ភដល់បងប្អូនឥស្លាមនាឱកាសខែរ៉ាម៉ាឌន ។ ហើយថ្ងៃនេះ ជាថ្ងៃទី១០នៃខែរ៉ាម៉ាដន ដែលអ្នកកាន់សាសនាឥស្លាម កំពុងប្រារព្ធប្រតិបត្តិតមហាពេញមួយថ្ងៃរយៈពេលមួយខែ ចាប់ពីមុនថ្ងៃរះ រហូតដល់ថ្ងៃលិច ។ ការបួសរ៉ាម៉ាដន ជាកាតព្វកិច្ចរបស់មូស្លីមគ្រប់រូបទាំងប្រុសទាំងស្រីទាំងចាស់ទាំងក្មេងចាប់ពីអាយុពេញវ័យឡើងទៅ ។
ឯកឧត្តម អ៊ុន ចាន់ដា អភិបាលខេត្តបន្តឲ្យដឹងទៀតថា ជាមួយនោះ រាជរដ្ឋាភិបាលតែងតែយកចិត្តទុកដាក់ផ្ដល់សេរីភាពជំនឿសាសនាយ៉ាងទូលំទូលាយដល់ប្រជាជនទូទៅ ។ដោយឈរលើមូលដ្ឋាននៃការពង្រឹងសុខដុមនីយកម្ម រវាងសាសនិកនៃគ្រប់និកាយសាសនា ប្រឆាំងរាល់ទង្វើរើសអើងនានាសំដៅទប់ស្កាត់ការយកសាសនាទៅធ្វើអាជីវកម្ម ដែលអាចបង្កវិបត្តិសាសនានៅកម្ពុជា ។ និយាយរួមខេត្តកំពង់ចាម មានសមាគមខ្មែរស្លាមរស់នៅគឺមាន៩ក្រុង-ស្រុកមានភូមិចំនួន៣១ភូមិ មានព្រះវិហារចំនួន៣២វិហារមានសាលារៀនសាសនាចំនួន៤០សាលា។
មានគ្រួសារចំនួន៩១០០គ្រួសារ មានប្រជាជនសរុបចំនួន៣៣៨០០នាក់ ស្រីប្រមាណចំនួន១៧៩០០នាក់ មានគ្រូបង្រៀនចំនួន២០៩នាក់ ស្ត្រីចំនួន៤៩នាក់ ក្នុងនោះ មានគ្រូបង្រៀនក្របខណ្ឌចំនួន៧៦នាក់ ។ ស្ត្រីចំនួន១៦នាក់ ។
ដោយឡែក នៅភូមិព្រែកបាក់ មានគ្រួសារចំនួន៨៧៣គ្រួសារ ។ ជាមួយនោះ ក៏សូមថ្លែងអំណរគុណយ៉ាងជ្រាលជ្រៅបំផុតចំពោះបងប្អូនខ្មែរឥស្លាមកម្ពុជា ដែលមានជំនឿជឿជាក់លើការដឹកនាំរបស់រាជរដ្ឋាភិបាល ដែលមានសម្ដេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា និងជាប្រធានព្រឹទ្ធសភា និងសម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ជាស្ថាបនិកសន្តិភាពតាំងពីដើមរាងមកក្នុងបុព្វហេតុប្រទេសជាតិសាសនានិងប្រជាជនគ្រប់ស្រទាប់ពណ៌សម្បុរនិងជាតិសាសន៍ ។
លើសពីនេះ រាជរដ្ឋាភិបាលកម្ពុជាតែងតែយកចិត្តទុកដាក់បើកទូលាយនៅជំនឿនៃការគោរពសាសនាឥស្លាមដូចជា៖ សិស្ស-និស្សិតអ៊ីស្លាម អាចស្លៀកសំលៀកបំពាក់ប្រពៃណីឥស្លាមនៅតាមគ្រឹះស្ថានសិក្សាគ្រប់កម្រិត បងប្អូនជាស្ត្រីអាចទទូរក្បាល និងបុរសអាចពាក់មួកកាតឹបថតរូប សម្រាប់ប្រើប្រាស់លើឯកសាររដ្ឋបាលនានាដូចជាអត្តសញ្ញាណប័ណ្ណលិខិតឆ្លងដែន។ល។
ចែករំលែកព័តមាននេះ