ខេត្តកំពង់ឆ្នាំង ៖ ទីបំផុត ជនសង្ស័យ២នាក់ ដែលបានប្រព្រឹត្តបទល្មើសឈូសដីព្រៃលិចទឹក តំបន់៣ជាច្រើនហិកតា ត្រូវបានអង្គភាពប្រឆាំងអំពើពុករលួយ បញ្ជូនខ្លួនមកសាលាដំបូងខេត្តកំពង់ឆ្នាំងវិញហើយ កាលពីរសៀលថ្ងៃទី១៤ ខែកុម្ភ:…
ខេត្តកំពង់ឆ្នាំង ៖ ទីបំផុត ជនសង្ស័យ២នាក់ ដែលបានប្រព្រឹត្តបទល្មើសឈូសដីព្រៃលិចទឹក តំបន់៣ជាច្រើនហិកតា ត្រូវបានអង្គភាពប្រឆាំងអំពើពុករលួយ បញ្ជូនខ្លួនមកសាលាដំបូងខេត្តកំពង់ឆ្នាំងវិញហើយ កាលពីរសៀលថ្ងៃទី១៤ ខែកុម្ភ: ឆ្នាំ២០២៦នេះ ដើម្បីឃុំខ្លួនបណ្ដោះអាសន្នក្នុងពន្ធនាគារខេត្តកំពង់ឆ្នាំង ។ នេះបើយោងតាមដីកាបង្គាប់ឲ្យឃុំខ្លួនរបស់ចៅក្រមស៊ើបសួរ សាលាដំបូងខេត្តកំពង់ឆ្នាំង ។ គួររំលឹកឡើងវិញថា អាជ្ញាធរឱ្យតាមប្រមា.ញ់អ្នកនៅពីក្រោយខ្នងការឈូសឆាយដីព្រៃលិចទឹកតំបន់៣
យោងតាមដីកាបង្គាប់ឱ្យឃុំខ្លួនចុះថ្ងៃទី ១៤ ខែកុម្ភៈឆ្នាំ២០២៦ បានបញ្ជាក់ថា ជនត្រូវចោទ ៖ ១-ឈ្មោះ ហួត ហ៊ីម អាយុ ៤៦ ឆ្នាំ រស់នៅក្នុងភូមិជ្រលង ឃុំដារ ស្រុកកំពង់លែង ជាមេការត្រាក់ទ័រ ត្រូវបានដាក់ស្ថិតក្រោមការពិនិត្យពីបទ សមគំនិត និង២-ឈ្មោះ យ៉ន ចន្ថា អាយុ ៤៤ឆ្នាំព្រោះនៅភូមិប៉ប្រ៉ក ឃុំដា ស្រុកកំពង់លែង ត្រូវបានដាក់ឲ្យស្ថិតក្រោមការពិនិត្យពីបទបំផ្លាញនិងគៃបំបាត់ទន្ទ្រាន ហ៊ុមព័ទ្ធកាន់កាប់ដុតកាប់ឆ្កា ឬផ្ដួលរំលំព្រៃលិចទឹកឬព្រៃកោងកាង ដែលជនទាំងពីរនាក់ប្រព្រឹត្តឡើង នៅចំណុចតាតុន(កោះបូ)ស្ថិតក្នុងភូមិសំរោងសែន ឃុំសំរោងសែន ស្រុកកំពង់លែង ខេត្តកំពង់ឆ្នាំង កាលពីថ្ងៃទី 6 ខែកុម្ភៈឆ្នាំ 2026។
ក្នុងដីកាបង្គាប់ឲ្យឃុំខ្លួនដដែលបានបញ្ជាក់ថា ១-បញ្ជាឲ្យភ្នាក់ងារមានសមត្ថកិច្ចធ្វើ ការនាំខ្លួនជនត្រូវចោទដែលមានឈ្មោះទាំង២នាក់ខាងលើ និងមានអត្តសញ្ញា ណដូចខាងលើ ទៅពន្ធនាគារខេត្តកំពង់ឆ្នាំង ដោយអនុវត្តឲ្យ បានត្រឹមត្រូវតាមនីតិវិធីច្បាប់។
២.បង្គាប់ឲ្យប្រធានពន្ធនាគារខេត្តកំពង់ឆ្នាំង ទទួលនិងឃុំខ្លួនជននេះរហូតដល់មានសេចក្តីសម្រេចផ្សេងពីនេះ ៕
.
ចែករំលែកព័តមាននេះ