ខេត្តស្វាយរៀង ៖ ក្មេងស្រីម្នាក់បាត់ខ្លួន១ថ្ងៃ១យប់ប្រទះឃើញសពអណ្តែតទឹកស្រះនៅវាលស្រែ ខណៈសមត្ថកិច្ចដាក់ការសង្ស័យថាជាអំពើឃាតកម្ម បង្កឲ្យមានការភ្ញាក់ផ្អើលដល់អ្នកភូមិមកចោមរោមមើល។
ករណីប្រជាពលរដ្ឋប្រទះឃើញសពអណ្តែតទឹកនេះកើតឡើងនៅវេលាម៉ោង៧និង៣០នាទីព្រឹកថ្ងៃទី១៣កុម្ភៈ២០២៦នៅក្នុងស្រះទឹកក្នុងវាលស្រែក្រោយផ្ទះអ្នកស្រុកស្ថិតនៅភូមិក្រញូងឃុំរមាំងថ្កោលស្រុកស្វាយទាប។
បើតាមស្ត្រីជាម្តាយបានប្រាប់ឲ្យដឹងថា កូនស្រីរងគ្រោះ ឈ្មោះ សុវណ្ណ ចាន់រស្មី អាយុ០៨ឆ្នាំរៀនថ្នាក់ទី៤ ហើយកាលពីម្សិលម៉ិញ វេលាម៉ោង១២ថ្ងៃត្រង់ ថ្ងៃទី១២កុម្ភៈ២០២៦លុះដល់ល្ងាចឮគេនិយាយថា គេឃើញទៅចាប់ត្រីក្នុងស្រះមួយកន្លែងដែលគេបានបូម ចាប់ត្រីរួចហើយគេទុកចោល រហូតដល់ម៉ោង០៦ល្ងាចមិនឃើញត្រឡប់មកវិញ ម្តាយក៏ដើររក១យប់ក៏ប៉ុន្តែមិនឃើញ គឺបាត់ដំណឹងឈឹង លុះដល់វេលាម៉ោង៧និ៣០នាទីព្រឹកថ្ងៃទី១៣ កុម្ភៈ ស្រាប់តែមានគេប្រទះឃើញសាកសពក្មេងស្រីម្នាក់អណ្តែតទឹកក្នុងស្រះ រូបគាត់ក៏មកមើលឃើញគឺពិតជាកូនស្រីរបស់គាត់ដែលបានបាត់ខ្លួន១ថ្ងៃ១យប់ ពេលឃើញគឺកូនស្រីស្លាប់បាត់ទៅហើយ។
ប្រជាពលរដ្ឋបានរាយការណ៍ជូនសមត្ថកិច្ចដាក់ការសង្ស័យជាអំពើឃាត្តកម្ម លោកអធិការនៃអធិការដ្ឋាននបាលស្រុកស្វាយទាបបានសហការជាមួយក្រុមគ្រូពេទ្យស្រុកស្វាយទាបចុះមកពិនិត្យនិងធ្វើកោសលវិច្ចយ័ លទ្ធផល សមត្ថកិច្ចនិងក្រុមគ្រូពេទ្យបានសន្និដ្ឋានថា ជាករណីលង់ទឹក មិនមែនជាអំពើរឃាត្តកម្មទេ។
បើតាមការស្រាវជ្រាវ ក្មេងស្រីរងគ្រោះចេញពីរៀន បានទៅផ្ទះរួចបានដោះសម្លៀកបំពាក់សិស្សចេញ ហើយនៅវេលាម៉ោង១២ថ្ងៃត្រង់បានដើរចេញបាត់ពីផ្ទះ ហើយមានគេឃើញក្មេងស្រីចុះចាប់ត្រីក្នុងស្រះមួយកន្លែងនៅវាលស្រែក្រោយផ្ទះអ្នកស្រុក ស្រះនោះគេបូមបាច២បីថ្ងៃហើយគេទុកចោល។
ប្រភពបន្តថា ទំនងកុមារីរងគ្រោះចាប់បានត្រី ហើយក៏យកត្រីទៅលាងទឹកក្នុងស្រះក្បែរនោះ ក៏រអឹលជើងធ្លាក់ចូលស្រះលង់ទឹកស្លាប់តែម្តងដោយទឹកស្រះច្រាំងចោទ ហើយជ្រៅលិចក្បាលទើបបណ្តាលឲ្យលង់បែបនេះ។ហើយការពិនិត្យលើរាង្គកាយគឺពុំមានស្លាកស្នាមអ្វីទេ ក្មេងស្រីពិតជាលង់ទឹកស្លាប់ពិតមែន។ក្រោយមកសមត្ថកិច្ចបានប្រគល់សពឲ្យក្រុមគ្រួសារធ្វើបុណ្យតាមប្រពៃណី៕
ចែករំលែកព័តមាននេះ