រាជធានីភ្នំពេញ ៖ រដ្ឋបាលខណ្ឌឫស្សីកែវ បានអំពាវនាវយ៉ាងទទូចដល់បងប្អូនប្រជាពលរដ្ឋ ជាពិសេសអាជីវករទាំងអស់ ឱ្យបញ្ឈប់រាល់សកម្មភាពរំលោភបំពានយកចិញ្ចើមផ្លូវសាធារណៈមកធ្វើជាប្រយោជន៍ផ្ទាល់ខ្លួន ដើម្បីលើកកម្ពស់សោភ័ណភាព និងសណ្តាប់ធ្នាប់ក្នុងមូលដ្ឋាន ។ ជាក់ស្តែងលោក…
រាជធានីភ្នំពេញ ៖ រដ្ឋបាលខណ្ឌឫស្សីកែវ បានអំពាវនាវយ៉ាងទទូចដល់បងប្អូនប្រជាពលរដ្ឋ ជាពិសេសអាជីវករទាំងអស់ ឱ្យបញ្ឈប់រាល់សកម្មភាពរំលោភបំពានយកចិញ្ចើមផ្លូវសាធារណៈមកធ្វើជាប្រយោជន៍ផ្ទាល់ខ្លួន ដើម្បីលើកកម្ពស់សោភ័ណភាព និងសណ្តាប់ធ្នាប់ក្នុងមូលដ្ឋាន ។
ជាក់ស្តែងលោក ជិន ប៊ុនធឿន អភិបាលខណ្ឌឫស្សីកែវ បានប្រកាសនារសៀលថ្ងៃទី២៥ ខែមករានេះថា ៖ រដ្ឋបាលខណ្ឌប្ញស្សីកែវ សូមបងប្អូនប្រជាពលរដ្ឋ ក៏ដូចជា បងប្អូនដែលជាអាជីវករទាំងអស់ សូមបញ្ឈប់ការយកចិញ្ជើមផ្លូវសាធារណៈមកធ្វើជាប្រយោជន៍ផ្ទាល់ខ្លួន និងសូមបញ្ឈប់ការចតយានជំនិះដោយគ្មានសណ្តាប់ធ្នាប់ ដែលនេះជាការធ្វើអោយបាត់បង់សណ្តាប់ធ្នាប់សាធារណៈ ក្នុងមូលដ្ឋានខណ្ឌឫស្សីកែវ នឹងជាពិសេសក្នុងរាជធានីភ្នំពេញ យើងតែម្ដង ។
សូមបញ្ជាក់ថា ៖ ការអនុវត្តវិធានការនេះ មិនត្រឹមតែដើម្បីរៀបចំសណ្តាប់ធ្នាប់ក្នុងមូលដ្ឋានខណ្ឌឫស្សីកែវប៉ុណ្ណោះទេ ប៉ុន្តែវាក៏ជាផ្នែកមួយដ៏សំខាន់ក្នុងការកែលម្អមុខមាត់រាជធានីភ្នំពេញទាំងមូលឱ្យកាន់តែមានរបៀបរៀបរយ និងងាយស្រួលក្នុងការធ្វើដំណើរសម្រាប់គ្រប់ៗគ្នា ។ រដ្ឋបាលខណ្ឌសង្ឃឹមយ៉ាងមុតមាំថា បងប្អូនប្រជាពលរដ្ឋនឹងចូលរួមសហការជាមួយអាជ្ញាធរ ដើម្បីប្រែក្លាយដងផ្លូវក្នុងមូលដ្ឋានឱ្យមានភាពស្រឡះល្អ និងមានសុវត្ថិភាពខ្ពស់៕
ចែករំលែកព័តមាននេះ