ក្រសួងមហាផ្ទៃបានបង្ហាញឱ្យឃើញពីវឌ្ឍនភាពគួរឱ្យកត់សម្គាល់នៃដំណើរការមាតុភូមិនិវត្តន៍របស់ប្រជាពលរដ្ឋ ខណៈដែលចំនួនពលរដ្ឋបាន និងកំពុងសម្រេចចិត្តវិលត្រឡប់ទៅកាន់លំនៅឋានវិញមានពលរដ្ឋភៀសសឹក១.៥០២នាក់បន្ថែមទៀត ។ ជាក់ស្តែងក្រសួងមហាផ្ទៃប្រកាសនាព្រឹកថ្ងៃទី២៥ ខែមករា ឆ្នាំ២០២៦នេះថា ៖ មានពលរដ្ឋភៀសសឹក១.៥០២នាក់បន្ថែមទៀត បានបន្តវិលត្រឡប់ទៅលំនៅឋានវិញ…
ក្រសួងមហាផ្ទៃបានបង្ហាញឱ្យឃើញពីវឌ្ឍនភាពគួរឱ្យកត់សម្គាល់នៃដំណើរការមាតុភូមិនិវត្តន៍របស់ប្រជាពលរដ្ឋ ខណៈដែលចំនួនពលរដ្ឋបាន និងកំពុងសម្រេចចិត្តវិលត្រឡប់ទៅកាន់លំនៅឋានវិញមានពលរដ្ឋភៀសសឹក១.៥០២នាក់បន្ថែមទៀត ។
ជាក់ស្តែងក្រសួងមហាផ្ទៃប្រកាសនាព្រឹកថ្ងៃទី២៥ ខែមករា ឆ្នាំ២០២៦នេះថា ៖ មានពលរដ្ឋភៀសសឹក១.៥០២នាក់បន្ថែមទៀត បានបន្តវិលត្រឡប់ទៅលំនៅឋានវិញ ។ ដូច្នេះ ក្នុងចំណោមពលរដ្ឋភៀសសឹកសរុបជាង៦សែន៤ម៉ឺននាក់ មានប្រមាណជាង៥សែន៣ម៉ឺននាក់ ឬស្មើនឹង៨២% បានវិលត្រឡប់ទៅលំនៅឋានវិញ ។
ក្រសួងមហាផ្ទៃបានបញ្ជាក់ថា ពលរដ្ឋភៀសសឹកបន្តស្នាក់នៅជំរំមានចំនួន១១៥.២៧៧នាក់ ក្នុងនោះស្រី្តមាន៦០.៦៥១នាក់ និងកុមារ៣៨.២៣០នាក់ ។
សូមបញ្ជាក់ថា អាជ្ញាធរពាក់ព័ន្ធក្រោមការណែនាំរបស់ក្រសួងមហាផ្ទៃ កំពុងបន្តតាមដានយ៉ាងយកចិត្តទុកដាក់ចំពោះសុវត្ថិភាព សុខុមាលភាព និងតម្រូវការចាំបាច់នានារបស់បងប្អូនប្រជាពលរដ្ឋ ជាពិសេសការសម្របសម្រួលជួយដល់ស្ត្រី និងកុមារដែលនៅសេសសល់ក្នុងជំរំ ដើម្បីធានាថាពួកគេទទួលបានការគាំពារគ្រប់គ្រាន់ រហូតដល់អាចវិលត្រឡប់ទៅកាន់លំនៅឋានវិញបានដោយភាពកក់ក្តៅ និងសុវត្ថិភាពបំផុត។
ចែករំលែកព័តមាននេះ