នៅពេលដែលអាជ្ញាធរវៀតណាម បានប្រាប់ឲ្យពលរដ្ឋខ្លួនឲ្យយកចិត្តទុកដាក់នឹងការរីករាលដាលនៃមេរោគគ្រុនឈាម អ្នកពាក់ព័ន្ធនឹងសាធារណជននៅកម្ពុជា ក៏មិនគួរធ្វេស ប្រហែសដែរនឹងជំងឺបង្កឡើងដោយមូសប្រភេទនេះ ។ អង្គការសុខភាពពិភពលោកបានអះអាងថា គ្រុនឈាមជាជំងឺអាចព្យាបាលមែន ប៉ុន្តែទោះបីជាយ៉ាងណាវានៅតែជាជំងឺគ្រោះថ្នាក់ ដែលអាចឆ.ក់យកជីវិតមនុស្សបាន…
នៅពេលដែលអាជ្ញាធរវៀតណាម បានប្រាប់ឲ្យពលរដ្ឋខ្លួនឲ្យយកចិត្តទុកដាក់នឹងការរីករាលដាលនៃមេរោគគ្រុនឈាម អ្នកពាក់ព័ន្ធនឹងសាធារណជននៅកម្ពុជា ក៏មិនគួរធ្វេស ប្រហែសដែរនឹងជំងឺបង្កឡើងដោយមូសប្រភេទនេះ ។
អង្គការសុខភាពពិភពលោកបានអះអាងថា គ្រុនឈាមជាជំងឺអាចព្យាបាលមែន ប៉ុន្តែទោះបីជាយ៉ាងណាវានៅតែជាជំងឺគ្រោះថ្នាក់ ដែលអាចឆ.ក់យកជីវិតមនុស្សបាន ជាពិសេសគឺកុមារ ។
តាមសេចក្តីរាយការណ៍របស់កាសែត Vietnam News បានឲ្យដឹងថា ស្ថានភាពជំងឺគ្រុនឈាម ឥឡូវកំពុងតែបង្ហាញពីនិន្នាការស្មុគស្មាញ ។ ដូច្នេះហើយក្រសួងសុខាភិបាលប្រទេសនេះ បានព្រមានអំពីហានិភ័យនៃការផ្ទុះឡើងនូវជំងឺនេះ និងបានជំរុញឱ្យអាជ្ញាធរមូលដ្ឋានចេញផែនការបង្ការ និងគ្រប់គ្រងឲ្យបានឆាប់រហ័ស ។
លោក ឃ្វៀន ជុង ខាវ ( Nguyen Trọng Khoa) អនុប្រធាននាយកដ្ឋានរដ្ឋបាលសេវាវេជ្ជសាស្ត្រនៃក្រសួងសុខាភិបាល បានសង្កត់ធ្ងន់ថា អាជ្ញាធរមូលដ្ឋានត្រូវតែប្រុងប្រយ័ត្ន និងរៀបចំវិធានការបង្ការជំងឺគ្រុនឈាមសម្រាប់ឆ្នាំ២០២៦ ជាមុន ។
កាលពីឆ្នាំ២០២៥ កន្លងទៅវៀតណាម បានកត់ត្រាករណីជំងឺគ្រុនឈាមជា១៨ម៉ឺននាក់ ហើយករណីស្លា.ប់មាន៣៦ នាក់ ៕
ចែករំលែកព័តមាននេះ