ផ្សារទំនើបជាច្រើននៅទីក្រុងហាណូយ និងទីក្រុងហូជីមិញ បានប្រមូល ហើយដកចោលផលិតផលសាច់កំប៉ុងយីហោ ” Halong Canfoco” ចេញពីធ្នើរនៅតាមហាងរបស់ពួកគេ បន្ទាប់ពីមានសេចក្តីរាយការណ៍ថា គេរកឃើញសាច់ជ្រូកមានជំងឺ…
ផ្សារទំនើបជាច្រើននៅទីក្រុងហាណូយ និងទីក្រុងហូជីមិញ បានប្រមូល ហើយដកចោលផលិតផលសាច់កំប៉ុងយីហោ ” Halong Canfoco” ចេញពីធ្នើរនៅតាមហាងរបស់ពួកគេ បន្ទាប់ពីមានសេចក្តីរាយការណ៍ថា គេរកឃើញសាច់ជ្រូកមានជំងឺ ដែលគេយកមកច្នៃធ្វើគ្រឿងកំប៉ុងទាំងនេះ ។
សារព័ត៌មាន VN Express បានឲ្យដឹងថា សាច់ដែលគេយកមកច្នៃធ្វើគ្រឿងកំប៉ុង យីហោនេះ ត្រូវគេអះអាងថា រកឃើញមេរោគគ្រុនផ្តាសាយជ្រូកអាហ្វ្រិក។
ប្រភពដដែលបានអះអាងថា ប្រជាជនវៀតណាមបានកំពុងតែមានការភ្ញាក់ផ្អើលយ៉ាងខ្លាំងចំពោះព័ត៌មានអំពីការរកឃើញសាច់ជ្រូកដែលមានជំងឺជិត ១៣០ តោននៅក្នុងឃ្លាំងរបស់ ក្រុមហ៊ុន Halong Canfoco។
ពាក់ព័ន្ធនឹងព័ត៌មាននេះ អាជ្ញាធរវៀតណាមបានចាប់ខ្លួនមនុស្សយ៉ាងហោចណាស់៩ នាក់ ពីបទលក់សាច់ជ្រូកដែលមានជំងឺទៅអោយក្រុមហ៊ុននេះ ៕
ចែករំលែកព័តមាននេះ