រាជធានីភ្នំពេញ ៖ អគ្គីភ័យឆាបឆេះផ្ទះទុកចោលបង្កឲ្យរាលដាលឆេះដល់ផ្ទះ២ខ្នងទៀតយ៉ាងសន្ធោសន្ធៅ ផ្អើលពលរដ្ឋរាយការណ៍ជូនសមត្ថកិច្ចចេញរថយន្តពន្លត់អគ្គីភ័យអន្តរាគមន៍បាញ់ពន្លត់ នៅវេលាម៉ោង១និង៣០នាទីរំលងអាធ្រាត្រឈានចូលថ្ងៃទី០៩ខែមករាឆ្នាំ២០២៦ ម្តុំជិតផ្សារសឡា ផ្លូវបេតុង ភូមិមានជ័យ ក្រុម២ សង្កាត់ស្ទឹងមានជ័យទី១…
រាជធានីភ្នំពេញ ៖ អគ្គីភ័យឆាបឆេះផ្ទះទុកចោលបង្កឲ្យរាលដាលឆេះដល់ផ្ទះ២ខ្នងទៀតយ៉ាងសន្ធោសន្ធៅ ផ្អើលពលរដ្ឋរាយការណ៍ជូនសមត្ថកិច្ចចេញរថយន្តពន្លត់អគ្គីភ័យអន្តរាគមន៍បាញ់ពន្លត់ នៅវេលាម៉ោង១និង៣០នាទីរំលងអាធ្រាត្រឈានចូលថ្ងៃទី០៩ខែមករាឆ្នាំ២០២៦ ម្តុំជិតផ្សារសឡា ផ្លូវបេតុង ភូមិមានជ័យ ក្រុម២ សង្កាត់ស្ទឹងមានជ័យទី១ ខណ្ឌមានជ័យ ។
ប្រភពពីប្រជាពលរដ្ឋបានអោយដឹងថា មុនពេលកើតហេតុ ប្រជាពលរដ្ឋកំពុងលង់និងដំណេកគ្រប់គ្នា លុះដល់ម៉ោងកើតហេតុ ពួកគាត់ជាអ្នកជិតខាង បានសំលេងផ្ទុះ ក៍ស្រាប់តែចេញមកមើលមានឃើញមានភ្លើងឆាបឆេះផ្ទះធ្វើអំពីថ្មក្រោមឈើលើ ដែលម្ចាស់ទុកចោលយ៉ាងសន្ធោសន្ធៅ ទើបនាំគ្នាផ្អើលឆោឡោ មានអ្នកខ្លះយកបំពង់ពន្លត់អគ្គិភ័យទៅបាញ់ពន្លត់ និងអ្នកតទុយោទឹកបាញ់ តែភ្លើងឆេះកាន់តែខ្លាំងទៅៗ ហើយរាល់ដាលដល់ផ្ទះប្រជាពលរដ្ឋ ជាប្រភេទផ្ទះថ្មល្វែងប្រក់ស័ង្កសី ចំនួន២ខ្នងបន្ថែមទៀត ទើបសុំជំនួយរថយន្តពន្លត់អគ្គីភ័យអោយជួយចេញអន្តរាគមន៍ជាច្រើនគ្រឿងបានចេញទៅជួយអន្តរាគមន៍ សហការគ្នាបាញ់ទឹកពន្លត់រហូតដល់ម៉ោង៣យប់ថ្ងៃដដែលធ្វើឲ្យភ្លើងរលត់ទៅវិញ ។
ករណីនេះមិនគ្រោះថ្នាក់ដល់មនុស្សនោះទេ គ្រាន់តែឆេះផ្ទះនិងរបស់មានតម្លៃ ក្នុងផ្ទះអស់ទាំងស្រុង ចំពោះមូលហេតុសមត្ថកិច្ចកំពុងធ្វើការស្រាវជ្រាវ ៕
ចែករំលែកព័តមាននេះ